LIHKG 箍牙集中討論區12

有， 上面左右各一隻

下個月拆箍
呢兩年嚟一直都無話好痛，最多一兩日食野慢啲
上星期覆診佢係下排牙一條橡筋過拉，到今日我食譚仔都仲係好痛，剝完牙後我第一次痛到唔想食野

月尾去做consult，本身有敏感牙齒，而且應該唔止一兩隻，好驚牙醫話冇得箍

岩岩去左銅鑼灣Dr Wu度consult
佢都好full booking下，就算約左我都等左半個鐘度先有得睇
我本身係嘴突+笑會露牙肉
Dr Wu都話我一定要落骨釘同埋要箍奈D大概3年
佢都好細心同我講明有d咩風險，例如骨根可能會短左、牙骨收縮既程度不一，可能d牙肉會凹凹凸凸，我聽到都有d驚驚地

Consultation fee連埋xray已經去左$1200
箍3年大概6萬度，另外$8000骨釘(唔限數目)
算唔算貴？
有冇巴絲箍過佢，覺得好唔好？

之前喺元朗盧思薇度箍過 醫生手勢都唔錯
三萬八包剝包照x光 箍完牙都會安排返去覆診
定期睇下有冇問題
不過有一點超重要 就係間野超級多人
假設你約1點30去 分分鐘要等一兩個鐘先入到房
入到房之後仲要繼續等
我試過最耐係等左三個幾鐘 等到瞓著左再起返身都未到我

等左咁奈 你要箍幾多年？
我遲d諗住consult埋銅鑼灣黃x光
到時再決定

想問下各位有無比d粒粒介爛側邊d肉 介到成條邊出晒黎好似介左忽肉出黎 但又唔覺好痛 宜家好驚

有試過 忽肉唔好搞佢呀
佢會自己生返埋去

勁恐怖 又唔係好痛 食野唔敢用個邊

就係因為冇乜感覺 我之前有諗過咬左佢出嚟
點知一大力就feel到好痛…
之後過左好耐舊肉都好似冇乜動靜咁
仲以為成世都突出嚟
啱啱見你問起先搵條脷lam左下 先發現好返lu
雖然仲係feel到有一橫喺度 不過已經冇突到出嚟

我6月中consult胡醫生
6月尾睇多另一個之後先決定
之後約倒牙模都要個幾月後
再之後又岀去約剝牙又等大半個月
搞搞下搞到而家

佢都係話2-3年呀
佢有冇話你要落幾多粒骨釘？

本身我都唔覺 跟住lamlam下feel到有舊野突起左 再照下佢 嚇左一嚇 不過聽完你講會好得返都好d

最緊要係唔好搞佢呀
我之前就係太大力整佢嚟 之後要用勁長時間先好得返

我唔夠膽整佢
我封左d臘係粒粒到 廢事再磨佢

小弟就是成功例子

佢話要打4粒 上下兩粒
聽到都覺得痛。。。。

Btw絲打祝你箍牙成功

下星期上箍
見到上面話會好忽肉介左出嚟覺得好恐怖

已經無知覺

今日去搵左牙醫做consult，我個case係有d嘴凸，但上排d牙都尚算整齊，下排就亂d。咁本身我都打算箍隱適美，個醫生建議我mok 4隻牙先會達到我想要既效果，如果唔mok，咁只會令d牙整齊左，但個人外觀上都無太大分別。

咁重點黎啦！我追開post見到大多數人d價錢都只係35000-50000哩個range，但我個牙醫收我成7皮
想問下哩個價錢正唔正常

同埋我mok牙一隻都1500，補牙2800，最後副retainer要收9000

點解我哩間牙醫貴咁q多 （我仲考慮緊係咪要換第二間，但又好L驚重新印多次牙模，印牙模真係好可怕，反胃想嘔 ）

專科係d價 可以再consult 幾間

事源我箍咗2年牙，剝咗上下共4隻牙
個（普通科）A牙醫都求求其其咁
例如唔幫我換橡筋，大牙粒釘掉咗冇痴返等等
直到有一日佢同我講話拆得，我覺得好奇怪
因為排牙箍到好奇怪，變咗咬合過深見唔到下排牙
於是我趁未拆箍，去第二個（普通科）B醫生到睇問咁樣係咪真係箍完
畢竟我唔係專業人士咪去問下
點知一問 個牙醫同我講你排牙完全未箍好
仲列咗5-6點問題 例如
Deep bite
Overjet
Scissor bite
Wrong bracket / poor positioning
Corrs bite
Occlusion etc
我聽完成個人震哂，原來除咗咬合過深仲有咁多問題，個B牙醫話A牙醫冇可能知我大牙粒釘甩咗都唔痴返，因為咁樣完全冇力令啲牙有力移位等等喇

於是我一怒之下返A醫生到發癲，我有錄音
我開頭扮冇事入去覆診，佢話幫我拆箍
我再問多一次佢係咪確定咁樣叫箍完，問佢覺得我依架排牙有冇咩問題，佢堅持冇話箍得
我就彈起身拎咗B醫生張List出黎俾佢睇
佢當堂驚咗，我質問佢點解B醫生會咁講
而佢又堅稱我排牙冇問題 順便鬧下佢平時求求其其
最後我叫佢攞返我覆診記錄出黎 我要影相
點知佢竟然話 病人要自己既病歷要律師信先可以攞
我咪係佢面前打上牙醫委員會開擴音問
佢即刻冇辦法要俾我影相
之後我要求佢一係退返錢俾我 一係包我去第二個牙醫到箍

事後我先知，A醫生係牙醫診所打工，係冇話事權既，之後我就聯絡到呢間診所既大老闆C牙醫，同佢講哂所有事之後，佢幫我安排咗去另一間（不是C老闆開的）專科診所箍。

咁最後我就去咗專科牙醫D醫生到箍牙，佢話我排牙其實已經整齊咗好多，不過唔知點解A醫生會剝埋我下面個2隻牙，所以導致有咬合過深既問題出現。至於A醫生痴牙釘痴錯位，冇上返大牙粒釘呢d失誤佢一概不提，叫我唔好諗住佢會幫我寫張list等我去投訴佢，不過其實所有其他牙醫都知A醫生擺明有問題。

既然佢肯包我去專科到箍返牙，我都冇再想去牙醫委員會投訴。如是者，我大概係專科箍咗一年，咁一直以黎佢都有同我講，因為我排牙收得太入，所以會幫我拉返d牙出黎，做法就係用彈弓扯開我d牙，咁依架下排牙就有2個窿，需要用牙釘拉返d大牙出黎。呢個星期D醫生安排我返C醫生到打牙釘，因為佢專科唔做打牙釘。

咁我上去C醫生到俾佢檢查，原來C醫生係會安排我去第二個牙醫到落牙釘（唔知係咪佢旗下既牙醫），佢同我講2粒釘要俾12000蚊，同埋佢叫我找埋A醫生條尾數俾佢，個到3500蚊，因為個時我未肯定係咪箍完，所以死都冇找數住。最重點係，佢同我講A醫生已經冇係佢到打工，咁姐係點？牙釘個12000蚊太貴喇，同埋係A醫生搞到我咬合過深，點解我要自己俾錢出黎打牙釘，最緊要係A醫生冇做，我可以搵邊個負責任？好煩惱，已經箍咗3年幾好想快d拆呀。

最後我想問一問，有冇牙醫診所係可以就咁收錢打2粒牙釘？12000蚊2粒釘我真係俾唔起呀。好可憐

咁撚貴？
再consult多幾個先啦
我專科都係3萬5，剝牙600蚊一隻

今日照左x光同醫生服務費都收左我3千幾