──黎明騎士團篇──
坐在後座的夏林拍一拍我的膊:「你識路返土瓜灣架可?」
我們離開古家位於何文田的大宅之後,就在不遠處偷了一輛平治四人車代步。原本想說…古宅一個大財團家族,怎樣也應該會給部汽車送我們離開,可惜換來的是古純數一句塞耳的說話:「我哋有好多車種,所以車款租用服務一律以六秒六元計算。」
「識。」我望住前方的街道指示牌,又望了望副座一直沉默不語的鳳凰:「講返轉頭,鳳凰你點逃出嚟……當日俾佢哋捉住個陣。」
「係喎…一直未問你添!」夏林瘋狂拍著他的雙肩,問:「你點逃走出嚟架!?點解個日座大樓著哂火咁嘅?」
「個日…」鳳凰稍為開一開口,可夏林就像個小女孩般瘋狂騷擾他。
「答啊!!!」夏林她對鳳凰的臉又拉又扯,似乎感情不錯:「仲唔講!我叫你講啊!講唔講啊?唔講我講喇?!」
「你俾機會我講先……」鳳凰被她內拉住兩邊臉腮而口齒不清。
「好,你講。」夏林終於收手了。
「對個嗰人嚟講…坐定定喺房俾佢虐待已經滿足唔到佢,所以喺我半死個陣…佢掉咗我入一個地方。」鳳凰回憶起那段事情,說:「算係一個密不透風嘅大迷宮,不過裡面有數之不盡嘅殘酷機關…最後我去到某個位,搵到有條輸送管運住煤氣,所以就用尖銳嘅嘢擦出火種形成爆炸……炸開咗個到。」
「先走得番?」我問。
「唔。」鳳凰點頭。