有冇人睇左天煞異降

做cd-rom 睇左巴打既咁多回覆 都想講下自己睇法

個人認為成套野對時間觀係有選擇既
宇宙人預見到佢地 未來有機會預到災難 需要人幫 所以佢地黎左地球 從而去改變未來

如果係咁 未來就唔係只係得一個 而係有多個 而且可以改變 姐係所謂既平衡世界

上面有d巴打問如果外星人一早知道女主幫到佢地 點解佢地唔直接揾女主 就係因為女主只係其中一個可能性 並唔係一定會發生 佢地只係採取一個最大機會幫到自己既方法

加上套戲都有講到 外星人要成個地球合作 所以先要放12 架飛船去唔同國家 引導佢地溝通 而唔係直接揾女主

至於勸掂將軍個part 其實佢真係太輕咁帶過 到底講左d咩真係無人知 唯有話"聽故唔好駁故啦"

個人認為套戲幾好睇 一開頭講佢個女既野確實令你先入為主 以為佢已經發生左 令到佢個twist 感覺更加震撼

唯一要講既係 鷹眼個角色真係幾薄弱

我唔認同你講關於機會個part

首先 套戲預設外星人知晒未來 而佢地係話"3000年後 我地會需要人類"指既係佢地知道人類會幫佢地渡過呢個災難 所以宜家要搵左人類先 所有野都喺佢地見到既未來入面鋪排好晒

最後女主攬住左男主角 暗示左佢最後決定去完成未來劇本 呢度就提出左問題：究竟女主係真係選擇咁做 定係連呢樣都係命運寫好 佢其實無得揀？當連呢個問題都未解答到 對白所講既"如果你知道左成個人生 會唔會改變未來？"其實係偽命題 所以套戲真正想提出既問題係"人是否命定？""未來是否不可改變？" 而唔係對白所講既"如果你知道左成個人生 會唔會改變未來？"

而至於點解導演要咁做 我覺得係為左商業計算 因為後句明顯感動d 觀眾會受落d 照顧睇唔到真正意思既觀眾

最後 我要指出既係 套戲對於佢提出既問題"係咪所有野都整定？"其實係有解答
答案係：無錯 所有野都係整定
當揭曉外星人知道未來嗰一刻 (部分）觀眾開始意識到導演想問關於命運既問題 但同時 "知道未來"呢個設定其實就已經暗示左答案就係命運不可逆 因為預知未來同平衡宇宙論係有衝突 因為當未來係可以改變 而現在任何微小改變都會引起未來既大改變時 其實就等於睇唔到未來 用簡單既比喻 試想下你部電視以無限fps轉台 你其實係乜都睇唔到

有人話呢套係文科版interstellar 無錯有9成係 但要睇到最後答案 係需要科學知識
(純鳩up 有錯請指正+屌細力d

打漏左 精妙之處在於當揭曉外星人知道未來嗰一刻 (部分）觀眾開始意識到導演想問關於命運既問題 但同時 "知道未來"呢個設定其實就已經暗示左答案就係命運不可逆
解答就收埋喺問題提出既一刻 暗合左貫穿全片既迴圈文字概念（hannah)