黎到時間夜晚8點 終於到左萬眾期待既時候 應該係啦
我地就出木屋門口集合
一行出木屋望下個天清唔清先
嘩屌阿 已經可以見到一道極光
我朋友仲onon99咁唔知發生咩事
我大叫係極光都仲呆緊
(無腳架靠手影係曚啲 )
係周圍都係光既情況下 都可以見到好清晰既極光
無錯當日既指數我記得有4 已經算好高
本身覺得我出門就見到極光仲洗咩報tour覺得唔抵
但之後完全無呢個諗法
去到集合門口 個到有兩間公司
我地見多人個邊就入左去
但點知原來係錯
出返黎但就黎8點都無人等緊 諗緊我地係咪比人呃
同我朋友討論緊個時 突然有個人插嘴
佢話 我聽到你地講啲咩伽 我識聽伽
原來係香港人 其實係異地撞返自己真係好開心
仲同你講兩句 佢都係玩電單車
但報左隔離公司 一團成廿幾個咁 唔知佢地係點玩
真係超靚呀
影得唔靚 肉眼睇真係好靚