濕疹、類固醇反彈/上癮、紅皮症、戒斷類固醇/免疫抑制劑

心情極靚又天氣好日子會否好些

巴打好堅毅

多謝上面咁多位巴絲
我會堅持落去之後上嚟包膠
話說上面有巴打提議兩個星期唔返工戒，
港豬冇得揀

我好認真
你9月去旅行？咁而家唔好戒，否則唔洗去
我之前用左2個月類固醇，戒果時總共用左2個月先舒服晒，
戒完果時真係天堂，野都唔洗查，果時我以為個病好左
點知都係復發

回返樓主點解我食免疫抑制劑，因為面積太大，用protopic好煩，所以先出呢招
呢個醫唔好既話，我就要重練了

同埋戒果時最嚴重係返唔到工，除非你意志力超強啦，我果時仍然有返學，因為得隻手反彈
塊面反彈果d，係每日都想自殺

巴打,我每次都係最嚴重既情況先用類固醇,

我用法係每次用適量,大約3-4日平曬傷口就停左佢,(因為我明白唔可以長期用)

依家我有咩都係茶cream (physiogel醫生處方)

同埋我發覺QV個款濕疹沖涼液好好用,

我見你話睇過許醫生先認得你

上面屌中醫果d
我係睇中醫醫好既

好細個已經用類固醇
中一二發左次勁既 睇西醫 開左類固醇
搽左幾個月 好左 從此果d位就好易紅
一唔夠訓 出汗 污糟 就紅 踵 一直到而家都係咁
手爭 膝頭後 人中 頸 嘴角 上唇 我都相信一世都會係咁

到會考再發左次勁既 今次由頭爛到落腳 冇樓主咁發到全身
但係每一個發既位同樓主貼最差果張圖差唔多
手爭 膝頭後 頸果d就實爛
會考操卷 隻手貼著紙果d位爛哂 標血水 膿
消完毒過一陣會傷口變硬 會有d黑色既毛定唔知乜係面
唔會好 每日睇著個範圍愈黎愈大
有戴眼鏡 耳仔掂著眼鏡果d位又係爛鳩哂
係課室坐隔離個女仔睇著我隻耳滴d黃色既膿溝血水
人中位起好多粒含膿既瘡定乜 爛哂
睇政府轉介皮膚科 開左足足成打類固醇 豬油膏 cream
完全冇撚用

跟著阿媽幫我搵到個中醫
後生既 大學讀中醫 佢阿爺係中醫 一代傳一代
從此睇果個中醫 介口
佢有自己整d油 俾濕疹病人用 滴左止痕 潤膚 而家轉左係藥膏
試過果d金銀花定乜鳩煲水 仲撚痕 試左次就停左
仲有d濕疹膠布 成塊貼落去隻手到 好左好多
幾個月就好返7成
之後都有翻發 都過左10年 發過一次 但係冇發到以前咁勁
果排幾個月日日訓得幾個鐘 跟著就發左出黎
但係睇佢食返2個月藥就冇事

最緊要係搵到好醫生
我明既 中醫係特別多閪人 搞到好多人覺得on9

試過咳左個幾2個月 睇到橫隔膜痛 一咳就痛
睇開果個放假 去睇另一個 當我普通傷風 屌佢老母d藥完全冇用
過2日睇開果個放完假 同佢講我咳 咳到好痛 把完脈
同我講你lee2日發燒既話你即刻入急症 肺炎
上手當我傷風

我之前都係同你同一狀況，面積太大，protopic根本唔夠用，所以先要食免疫抑制劑。
我個過程就係：
類固醇→protopic0.03→protopic0.1→類固醇加protopic0.1→大量protopic0.1→免疫抑制劑

但最後都唔得，根本所有免疫抑制藥都唔會有效，如果有效一早就已經有效。（我個人觀感）

我唔認為純粹係類固醇令我咁嚴重，我覺得protopic同口服免疫抑制劑先至係元兇。
我兩年來總只共用過兩小盒類固醇，加埋科肯定少於一百五十gram，但我總共就用左超過五至六支protopic同食左一個月免疫抑制劑（每日二百mg）。所以我個標題先係戒斷類固醇同免疫抑制劑。

所以巴打如果你同我一樣食免疫抑制劑食到身體愈來愈差，失溫怕凍，甚而嚴重細菌感染同發燒。停藥又會發彈，你真係要考慮戒斷去。

巴打介唔介意講邊個中醫？
依家好撚辛苦好撚想死

你係食完抑制劑都無用？
而且仲免疫力失調？
我食左幾日，好左好撚多
d皮膚已經無裂同爆拆，我已經懶無查保濕
暫時覺得攰左少少only
同埋我一直都係免疫力超強果d人
可能d藥對我影響無你咁大
我隻藥叫環孢素
醫生話係比較新既藥
副作用較以前既azamun少

同樓主好似
建議咁多位巴絲用錢去睇醫生／買藥
不如用錢去移民／去其他地方生活一段長時間
小弟13／14年左右開始有
去過日本旅行一段時間，數日皮膚已經好番8－9成（冇介口）
不過番hk 幾日又番發

衣家係英國住左1個月（完全冇用藥物，靠保養，冇介口），雖然英國都係一個濕疹地方但係都好番7－8成，有少紅，少少損同比人容易乾，不過同一個正常人一樣

我覺得係hk 地方問題＞ 身體問題

點解日本人係咁食生冷野冇事，大陸仔食辣野又冇事，鬼佬淨食紅肉少菜又冇事，係香港人就有事？

Hydrocortisone is a corticosteroid (steroid medicine) that is used to treat inflammation due to a number of diseases and conditions.
類固醇來的，不過係class seven，低potency。（我都係Google）

CYCLOSPORIN（環孢素），我都係食同一隻藥。
一開始食係有效，好左幾星期，但唔穩定，幾星期後就復發。然後又加藥，又好d，又復發。

直到最後免疫抑低左，抓到損，但因為無免疫力打打細菌，所以細菌入在表皮導致細菌感染要停藥食抗生素。

但如果你食左有效，希望你可以繼續抑制到，總之好好留意身體狀況喇！

樓主想問你驗到肝酵素升個時食左幾耐中藥？
同埋停藥休息有冇話大概要幾耐既？

我都食緊中藥半個月
驚身體負荷
醫師就話唔使停 但我都覺得要身體休息下

半個月正路就唔駛怕住，食到兩三個月有好轉就可減，其實長期食黎講，食抑制劑都會食到生癌，類固醇更唔駛講一堆副作用，但睇得西醫就一定要長期食，重要一停藥就反彈，中藥你驚既咪定期check吓個肝，呢啲錢睇兩次專科都喺返到

樓主加油

認識幾個有濕疹既朋友,

佢地話寶膚靈其實都係有類固醇, 所以冇用 ( 我冇查證過, 不過網上都好多人話有)

樓主想問你驗到肝酵素升個時食左幾耐中藥？
同埋停藥休息有冇話大概要幾耐既？

我都食緊中藥半個月
驚身體負荷
醫師就話唔使停 但我都覺得要身體休息下

食左大概4個月，每日兩劑，藥粉。我果時都問題醫師咁長期食有無問題，但佢地話無。
如果唔係西醫要我驗身（因食免疫抑制劑要有驗身報告先可以開藥），我都唔會發現肝有輕微發炎，因為肝酵素先到幾百身體表面都無跡像，西醫話要升到差不多過千個人先會皮膚發黃同肝痛。

你食左半個月都唔算長期攝取，同埋人人體質唔同。我有朋友食左一年中藥調理身體但肝完全無事（非濕疹），亦有朋友因濕疹食左個幾兩個月個肝酵素升到過千仲肝痛添。所以學樓上話齋，食中藥的話定時去驗下肝酵素，百幾蚊有找。不過要如此西醫寫紙驗。

樓主加油

認識幾個有濕疹既朋友,

佢地話寶膚靈其實都係有類固醇, 所以冇用 ( 我冇查證過, 不過網上都好多人話有)

Thanks for remind.
不過我覺得寶膚靈無類固醇，我對類固醇反應超敏感，一薄查幾次（三日內）即刻脫皮然後生返層雞蛋咁滑既皮膚，好似完全無皮膚問題咁。

但寶膚靈對我只係好似薄荷膏咁，涼涼地用黎止痕，唔會幫到我退左d皮膚泛紅、結焦或皮膚癒合。我之前都喺鄧肇堅醫院港大中醫藥臨床研究中心問過中醫，佢地話可以無類固醇查。

不過始終都係藥膏我同意唔好查咁多。

巴打有冇止痕藥推介
眼皮成日痕醒 屌 訓唔到日頭好辛苦

巴打可唔可以介紹個中醫

上面