另外，之前同大家講過出版實體書一事，最終真的成事了，多謝你地既支持啊
預計實體書係12月中開始接受大家嘅訂購架啦
正所謂一係唔做，一係做到最好，在下一定會係各方面做到最最最好
確保呢本書去到各位手中，會係值得珍藏嘅作品
將故事人物漫畫化一直係我想做嘅野，今次我特別請咗Artemis絲打幫手畫Ashley、Toby、Cancer等重要角色嘅插圖，我正係睇初稿已經非常鍾意
另外為感謝第一批訂購嘅讀者，我應承大家，每一本都一定會簽名，另外會向每位讀者送設計精美嘅書籤，至於內容係咩遲下公佈啦
最後，當然唔少得故事主題曲啦！小弟搵咗一班朋友合作製作，花咗好多心血。實體書會附上歌曲介紹，務求比到驚喜大家
最後，要感謝支持呢個故嘅每一位，賦予小弟堅持落去嘅勇氣，終令呢個40萬字嘅故事有個完滿句號！
特別要感謝一眾高登巴打絲打，《搵唔到Exit嘅23層大廈》過去10個Post同大家一齊體驗故事既快樂，並無係賣到幾多本書、有幾多正評Like可以取替到既
不論你地會唔會買呢本書，我都衷心的，多謝你地給予過我既回憶
之後既路仲好長，讓我們一同努力走下去吧！
連睇左兩篇 好撚爽呀