附上小弟感想一篇
【閒話一則＃17：閒話一則】
《千萬不要乘往堅尼地城的137號死亡電車》至今連載59日，已連續59日登上紙言每日排行榜Top10，點擊率亦突破11萬次了，以只連載咗24篇黎講，呢個點擊數字大幅超出小弟預料，實在要感謝大家。
係忙到就黎暈低既時候，突然發現自己已經寫咗10個月小說，由《搵唔到Exit嘅23層大廈》正傳到外傳，到靈機一動寫下既《我叫野比大雄，多啦A夢……在2秒前突然死了》，以至花下整個暑假鋪排既《千萬不要乘往堅尼地城的137號死亡電車》，呢10個月實在經歷咗好多好多。
於2012年方開始對香港網絡小說著迷，坦白講，論文筆、劇情、深意位處高水準的，海外文壇大有人在，但我依然偏愛本地小說，或許原因在於本地故事無可取替既親切感吧。
想不到，4年後既今日，小弟竟然攞起部Notebook寫起故事來，一切甚至係始於偶然。起初只當作嗜好一個，想不到好些讀者都喜歡呢種寫作風格，於是我對文章既要求越來越高，務求寫出觸動人心既文字，幸好沿途得到大家不絕既支持，才能寫到第10個月。
電車已經連載咗一半了，劇情未來只會更添緊湊恐怖，而呢班拼命嘗試逃走既學生尚未知悉，絕望僅剛剛開始而已。
非常感謝大家對呢個故事既支持，但我保證，呢躺精彩既旅程先至剛剛開始而已，我深知，我唔係要模仿任何人，亦唔係要模仿過往既自己，呢躺旅途以精彩啟程，就一定要以更精彩既方式作結。
必須感謝你們，儘管我們這些相遇或許是偶然，
但正正就是這些偶然，使這麼一個愛幻想的人，在扭曲的現實裏仍有力氣說出心中的世界。
終點似乎尚遠，可至少曙光映入眼簾了，哪管它是海市蜃樓與否。
感謝，感謝，再感謝。
）
