1 做人一定要慳: 買電子產品，電器嗰啲一定要用最平。盡量節省開支嚟儲錢，一味教我乜都要用最平嘅嘢
用貴少少就話你家下屋企好有錢咩？ 。灌輸俾你聽只要慳就可以儲到錢未雨綢繆。我明節流係好重要，但你唔識開源有鬼用咩
唔肯學下投資去對抗通脹，你估真係唔飲唔食就儲到錢買樓咩？2 去旅行=吃喝玩樂: 兩老一直認為去旅行就係吃喝玩樂，係享受，完全反對自己仔女去其他國家見識。
3 一定要生仔 : 話咩唔生仔就會斷後，如果個個都唔生咁人類就會絕種，叫我一定要生，仲話要俾個孫佢玩
4 一定要俾家用: 一定要按比例俾家用，最好全部上繳，然後再問佢拎錢。
5 萬般皆下品 惟有讀書高: 自細就同你講讀好書就有好工唔使憂。讀書以外嘅活動係完全冇用嘅，因為唔會令你成績有進步。小學嗰陣好鍾意睇science書，結果話我睇science書對成績冇用( 嗰陣冇science堂)，喺我面前撕哂我啲 science書然後買一大堆中文作文書我睇。
6 養到個仔死唔去就已經盡咗父母嘅責任。
總結: 窮人唔識教真係唔好生仔
