[寂寞惹的禍] 《22:22 限時情侶》
黎天雅
408
回覆
38 Like
2 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
我男朋友無敵靚仔
2018-08-10 15:58:58
希望對方幸福的愛
噢噢
2018-08-11 03:33:24
對眼
黎天雅
2018-08-12 19:37:37
==================================================================
「CI-928喎。」
眼前的人這樣提醒著我。
「聽講你同步嫁喎。」我微笑著,望向嚴少諾,「講到好似要趕我自己一個上機咁。」
「唔係...」嚴少諾笑得更開了,「只係,行左呢條路,我相信我地三個都會有新既自己等緊我地去發掘。」
「係四個。」我笑著提醒道。
「係,係四個。」嚴少諾像是被提醒起來了那樣,「真係行到離呢度,竟然會覺得緊張。」
「正常既,去一個自己咁唔熟既地方。」我也明白地點了點頭,「一開始都可能會homesick,捱唔過就留唔到嫁啦。」
「...但起碼,我有咁樣做過。」嚴少諾的視線放遠,「係因為你至有既機會,我希望可以好好珍惜。」
「我都咁樣希望。」
看了,再看...
還是壓抑不住這樣的衝動。
「諾。」然後,我走進了嚴少諾的懷抱中,「你要加油。」
嚴少諾先是呆了一會,然後才把自己的下巴托在我的頭上,撫著我的頭髮。
「...願兒。」嚴少諾的聲音依舊溫暖,「多謝你。」
「我都。」我輕輕放開嚴少諾,與他對視著,「多謝你。」
謝謝你...
如此喜歡我。
給予我這樣的溫暖。
成為那...
唯一的愛。
「既然咁多謝...」嚴少諾猶豫了一下,「可唔可以錫一次?」
「噗——」
忍不住笑了出來。
那個時候的猜測沒有錯。
果然是個接吻前會先問準的乖乖型男友。
「...我講錯野?」嚴少諾望著我的反應,稍微有點擔心。
「冇。」我還沒能回復過來,只能笑著搖頭。
「咁...」嚴少諾硬是對上我的視線,「唔得?」
...還真的變得猖狂起來了呢。
雖然是這樣說。
我還是,輕輕地點了頭。
眼前的男生,像小孩子的那樣,單純地笑了。
明明動機就極不單純。
然後,逐漸往我這邊靠來。
柔情地貼上了我的唇。
過了一會後,才又開始慢慢地動起來。
像是憐惜著什麼物件,很害怕會弄壞的那樣。
那是我未曾經歷過的感覺。
使我產生一種只要拼著呼吸,時間就能暫停的錯覺。
可惜...
時間並沒有暫停。
黎天雅
2018-08-12 19:37:59
「...你唔唞氣既?」嚴少諾放開了我,用一個憐惜的眼神望向我。
神奇的人。
明明覺得已經不會再有更溫柔的瞳孔。
記錄卻一直被他本人打破。
「...喂。」我想隨便找些話題蓋過嚴少諾剛才的問題,「同你識左咁耐,你有冇呃過我?」
嚴少諾聽了我的問題,臉竟然僵了起來。
......!!
「有—!!!」明明只是想要扯開話題來著的,「你呃我—!!」
「第二次召集——」嚴少諾望向登機範圍的位置。
「唔準扯開話題!!」已經管不著是誰在賊喊捉賊了,「你呃我!!」
「Sorry,願兒,真係一次。」嚴少諾也急起來了,「得一次。」
「邊次?!!」竟然還真的有!
「同你去食飯,落雨。」嚴少諾快速地背誦著,「果次我地食Burger。」
吃飯...
下雨。
對了,與嚴少諾還在相識初期的那時。
在練舞之前,我們常常會一起吃飯。
太子地鐵站。
B出口。
左邊。
那天...
很不巧地,下雨了。
然後。
『唔緊要啦,一齊用。』
他說他沒有帶傘。
所以,我們共用了一把傘。
「果日...」嚴少諾望向我,用力地深呼吸了一下,「其實我有帶遮。」
聽見這話,反而竟然是我彷徨了起來。
「我想同你有多d互動,我想同你一齊行,想保護你,所以...」嚴少諾這下子像是個做錯事的小孩子一樣無辜,「Sorry。」
這個無辜的樣子,卻讓我如此哭笑不得。
「...原諒你啦。」我這樣說著,嘴角忍不住上揚。
「...真係?」嚴少諾的眼神往上移,看上去更是無辜。
「嗯。」我笑著點了點頭,「打和。」
「打和?」嚴少諾不解地皺起了眉。
嗯。
打和。
Super。
我想起了那天的場景。
我們向互相邁向了一大步。
知道了對方的職業、家庭成員、基本歷史...
然後,嚴少諾打開了他的背包,把面紙分給我擦嘴。
當時,背包的拉鏈被拉開了一點...
而我,好像就在那空隙中,看到了我不應該看到的東西。
黃色的...
「嗯,打和。」
雖然看上去骨架不大,但勉強能塞下兩人。
「果日,我都有野瞞住左你。」
打從那天起,我便已經察覺到了吧。
這個人,與我之間...
「我一早,就見到把遮。」
黎天雅
2018-08-12 19:38:24
最單純既渴望
黎天雅
2018-08-12 19:39:17
其實睇翻之前既話,
燈路對眼唔係第一次出事
喪屍般活著
2018-08-13 18:33:24
呢個故事好吸引,對嚴少嘅感覺更深
黎天雅
2018-08-14 00:02:40
==================================================================
『朗:
諗左好耐,呢封信既開頭應該要點寫;都諗左好耐,應唔應該寫呢封信。
但係你話過,你中意好真實、好放鬆既我,所以我決定用最真實既我去寫呢封信。
Sorry。我知道我既身份,未必適宜同你講d咩,亦未必適宜同你有咩交流。始終,跟翻TLC既原則,起分手之後,我地應該各有各忙,唔再干預對方既世界。但係我覺得,有d野我好想話你知。
我琴晚發夢見到你。
你記唔記得?我地啱啱成為TLC,你同哂poly果班女分手之後。
有一日,我起學校比一班師姐圍住左,出唔到離。
佢地唔明白,我憑咩成為你女朋友。唔明白點解你可以為左我而放棄佢地,或者佢地既朋友。
起我諗緊可以點樣解圍既時候,你出現左起我後面,起所有人面前攬住左我。
即使諗翻起,我都仲記得果個覺得自己係全世界最幸福既人既感覺。
你對我離講,就係咁樣既存在。
每一個微小既行動。
每一次震動聲帶。
每一個笑容。
每一個眼神。
都可以觸動到我。
我中意你,中意到自己都理解唔到點解可以咁中意。
亦係因為咁,我唔忍心見到我地之間既關係,只係剩低傷害。
我希望,至少我地回想翻我地之間既回憶,都仲可以由衷一笑。
所以,我決定,將我地既關係停起呢個最美好既時間。
我冇後悔到自己咁愛你。
多謝你,比左我有咁深刻既感情。
多謝你,比我可以曾經咁中意一個人。
多謝你,參與左我既人生。
多謝你,令我成長。
黎天雅
2018-08-14 00:03:03
你假設過,如果我地一開始冇遇到,如果我冇應承到去O camp,我係唔係就會開心d。
但係,我想話比你知。
即使再離多一次...
我都想再遇到你。
朗。
我曾經聽過一個講法,話我地每個人都係一份禮物,亦都係某個人既禮物。
唔可以捉住一份唔屬於自己既禮物。
無論呢份禮物有幾靚都好,佢就係唔屬於我地。唯有放低佢,我地至可以專心繼續向前行,搵果份真正屬於我地既禮物,而且做好成為最好既禮物既準備。
因為對某個人離講,我地會係最好既禮物。
我想祝福你。
我希望,你可以搵到果份屬於自己禮物。
成為一個幸運女仔既唯一禮物。
你要記得,你有資格愛人。
亦有資格被愛。
祝你幸福。
Love,
願兒
』
「由自己喊得咁犀利?」
...對啊。
還以為自己會冷靜地寫完信。
卻竟然...
哭得如此崩潰。
「我知道自己喊緊咩。」難得地。
「因為你發現到,一直以離令你付出真心、以為非常美好既事物,原來係咁不堪。」
「...呢個,我之前已經喊過。」早在我還位於香港時。
「咁係因為咩?」
「因為...離別。」
離別。
一想到,就覺得很悲傷。
「同一個好愛既人分開。」
眼淚...
還是不受控地落著。
「同一個好愛果個人既自己...」
很清楚。
自己最愛的人是誰。
即使很清楚...
卻還是只能到這裡為止了。
所以我要——
「講bye bye。」
黎天雅
2018-08-14 00:04:29
多謝你既支持啊
起呢個故事入面,讀者印象深刻既角色都會唔一樣
噢噢
2018-08-14 00:10:14
對眼
其實睇翻之前既話,
燈路對眼唔係第一次出事
記得啊 叫佢搵劉婉情男朋友睇嘛
座右銘
2018-08-14 01:28:14
「同一個好愛果個人既自己...」
「講bye bye。」
最煩嘅係,就算已經唔愛,但又唔會唔記得,間中段記憶又走返出嚟煩下自己,本身仲要無乜野發生過,唔知依啲係咪叫庸人自擾,對方都應該唔記得曬
我男朋友無敵靚仔
2018-08-14 03:22:12
唉
黎天雅
2018-08-15 18:49:32
冇錯
黎天雅
2018-08-15 18:53:47
但只有下定決心放低,至有可以繼續向前既機會
套一句主影既話,
人生好短暫,而緊握住陪唔到自己繼續前進既野既人,係去唔到未來。
黎天雅
2018-08-15 18:54:16
結局啦
黎天雅
2018-08-15 18:54:36
==================================================================
我想與你在一起。
每天晚上,十時二十二分。
我不想感到寂寞。
如果可以...
我想與你在一起。
可是...
我不能就這樣離開。
即使感到抱歉。
「袁願兒———!!!」
逐漸接近的聲音。
然後,門一下子被打開。
「屌你老味—!!」我把床邊的巴達獸玩偶一下子丟往打開門的人,「實係次次都起正我換緊衫既時候走入離啦—!!」
「Nice catch—!!」竟然還真的能接住玩偶,「你有d乜鳩野我未見過?」
「變態佬...」我無語地繼續穿著衣服,「同你住埋一齊真係毀我清白。」
「好似係我出名d喎,係毀都係我清白。」趙燈路笑著往我這邊走來,「高潮女寄post card過離。」
「今次係名古屋?」我也穿好衣服,接過明信片,「佢真係次次都連埋自己d相一齊寄過離嫁喎。」
「咁佢生得靚,個樣係幾值得珍藏既。」趙燈路一臉自豪地看著我手上的照片。
「你咪撚咁痴漢得唔得。」我非本意地翻了個白眼,「你趕埋稿未又有得一齊去旅行囉。」
「有d道理。」趙燈路認同地點了點頭,「我去趕稿。」
「屌你咩。」我一把又拽住了趙燈路,「醫生話過,你唔可以連續對電腦多過一個鐘。」
「我而家未分左心,又睇下明信片,又睇下同我同居果件AA囉。」趙燈路不忘調侃我的身材,「得嫁啦,我呢幾個星期都好穩定。」
這個人...
也太無賴了吧?
黎天雅
2018-08-15 18:54:50
手機傳來震動,讓我的注意力從趙燈路身上移開。
『出左門口?』
...還沒有啊。
因為某個白痴仔。
「嘴角含春喎。」趙燈路觀察著我看訊息的樣子,「真係好,有得用between。」
「你中意既話,你都可以用。」我邊回應著趙燈路,邊回覆訊息,「你唔係要出去接待?」
「咁你呢?」趙燈路似乎放棄了趕稿的計劃,「出去搵仔?」
「係啊係啊。」我敷衍著點了頭,「有冇套?借d離。」
「冇喎,夜晚搞你果時用哂。」竟然用這種答案防禦。
「收嗲啦。」我沒好氣地翻了一下白眼,「真係好想知道,劉婉情望到你呢d樣會有咩感覺。」
「我又何嘗唔好奇佢見到你咁既樣會有咩感覺呢?」趙燈路不痛不癢地反擊著,「你都未答過我,上個月你去搵佢,你地搞左未?」
「屌。」我回覆完了訊息,鎖了手機屏幕,「中出左啦,有埋bb添。」
「洗唔洗新晉編劇幫手改個名?」趙燈路看著我,「收你優惠價。」
「我比較想叫個編劇快d收皮準備接待既野。」我狠狠地盯了趙燈路一下,「我翻離果時買埋晚餐。」
「最好買埋甜品,thanks。」完全不客氣。
「...我比面你個無國界醫生friend。」我輕輕地嘆了口氣,「翻離之前call你。」
「喂。」趙燈路看著我,展出了一個奸狡的笑容,「記得帶多條仔翻離。」
「仆街啦你。」
出門前留下的最後一句話。
黎天雅
2018-08-15 18:56:23
『你唔叫劉婉情陪你?』我坐在趙燈路的旁邊,閱讀著報告。
『佢考空姐唔易。』趙燈路的語氣帶有點猶豫,『我唔想佢因為我而實現唔到自己夢想。』
可是...
『Sorry。』
當時的我,在出發前兩天,這樣向嚴少諾道了歉。
『Sorry。』
我知道,這樣的我很任性。
也很不負責任。
但——
『我放唔低佢一個人。』
...我放不下那傢伙。
我無法無視那傢伙的急躁與不安。
我想陪伴他。
起碼到劉婉情可以接手為止。
雖然是惹人厭到要求我特地請假去帶他的無國界醫生朋友遊台的人。
『咁你而家去邊?』手機再次傳來訊息。
『書局啊。』好像在前方有一間。
畢竟最近才又換了辦公室,對這附近還不太熟。
金智城說得沒錯,公司的業務的確不斷拓展。
果然,媒體公司現在是一個大勢。
遲點說不定可以考慮一下與趙燈路合作吧。
『有書要買?』回覆的時間仍然很快。
『你上次講果本書叫咩名話?』我再次確認著。
『《最後一個初戀》啊。』非常清晰。
《最後一個初戀》......
是在這一邊嗎?
雖然不算太有興趣...
可是,因為他說很好看。
因為,即使不在同一地方,也想與他有一樣的經歷...
煩死了,到底在哪裡啊?
難得我會來書店這種地方。
還是應該叫趙燈路買呢?
後面...
有誰把手放到了我的右肩上。
...誰?
「你搵緊呢本書?」
熟悉的...
微笑。
溫柔。
人。
仍然...
以笨蛋一樣的笑容望著我。
...
......
.........
!!!!
「屌——!!!!!」
我亦...
依舊,沒有任何儀態。
依舊,是你最喜歡的我。
「咪撚望啦,我冇化妝啊仆街—!」
=================================
《22:22 限時情侶》※ 完
一起不是菜單
2018-08-15 18:59:04
Live 咗結局
我男朋友無敵靚仔
2018-08-15 19:43:06
我想知最後個個人係邊個?
我怕我諗多左,但又好似係
呼一口寂寞
2018-08-15 23:41:20
係嚴少諾?
座右銘
2018-08-16 00:49:36
對於個件事,個人係覺得有些少內疚嘅,可能係因為咁先會諗起
我諗都係要多D時間去處理,但其實都已經過咗好耐
有好多道理自己真係明,但未接受
我男朋友無敵靚仔
2018-08-16 01:15:59
一直同願兒傳信息是誰?
我一開頭都覺係嚴少
但我重覆睇左四五次會唔會係朗開始做主動?
定還是訊息是嚴少,圖書館搭肩個個係朗
因為我記得初戀,仲有迷人的微笑
同埋如果被朗見到願兒無化妝,願兒會講粗口
求解答
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞