【冒險】《自殺後先知, 原來人生真喺有得洗首抽》

總所周知，螞蟻是昆蟲界的大力士，可以舉起較自身體重多四十倍的物件，以人類體型去計的話，相等於50公斤的體重，卻可以提起2000公斤的重物！

之所以力大無窮，是因為螞蟻有外骨骼的構造，相比人類的骨骼被肌肉覆蓋，外骨骼構造更令螞蟻力氣大增。

這就是大自然賦予螞蟻的武器，無與倫比嘅力量。



但力量，

不代表一切！



「阿培！」
話聲剛完，阿培已一刀打橫，將地下黃蟻成功一刀兩斷！

切口的位置正正是頭部和胸部之間的肢節連接處！

推

好正 出多d

推 好有rpg嘅感覺

留名
樓主加油

多謝巴打們支持

Lm

好睇留名 幾時再出

「嘶！」
彷似聽到它的悲鳴般，黃蟻頭應聲跌滾在地。

儘管身首分離，但它的大顎和身體還在一動一動的。

「呼呼呼。。。點解仲識郁嘅？」
阿培成面大汗，仍處於後怕狀態。

「放心，佢唔會再主動攻擊我哋。」我提起刀，走去佢斷開的身體部分「好多昆蟲都有佢哋獨特嘅神經系統，就算失去一部分器官，其他部位都仲可以活動一段時間。不過阿培你頭先斬開咗佢嘅腦部，所以佢唔會再主動攻擊我哋。如果要佢完全停止活動的話，」

刷

我一刀砍開黃蟻胸部和腹部的連接位，連接黃蟻胸部的六足隨即停下動作。

「螞蟻的呼吸器官在腹部，斬呢個第二肢節位就夠了。」

無錯，呢個就係佢哋嘅弱點。

「嘶嘶」
而門邊蟻群亦開始注意到我哋了。

「阿培準備好！好似頭先咁，今次要斬胸部同腹部的關節！」

「嗯！」

喝啊啊啊啊啊！

。
。
。
。
。
。

「呼。呼。呼呼。。」
苦戰過後，我哋兩個捱坐在墻邊抖氣。

房內還活著的生物，只剩下我哋兩個。

「呼哈哈。。成功啦我哋。。。」
雖然有些吃力，但總算殺曬了房內的黃蟻。

用的方法也是很簡單，無非都是將殺第一隻的方法如法炮製，加上佢哋爬行的速度不算快，我哋逐隻攻破，快被包圍就先撤退拉一拉距離，唔經唔覺，我哋已經斬下最後一隻黃蟻的腹部。

不過說是輕鬆，好幾次都差啲俾佢哋數隻包圍，好彩察覺得快，同埋有阿培提醒。

「嗯。估唔到殺幾隻螞蟻，都會咁攰。」
阿培亦嘆道

「哈哈哈，的確啊。。。」

我哋真係縮細咗啊。

「文叔！我哋得咗啦。」
阿培走去拍門呼喚文叔。

我諗，如果呢個時候文叔又塞啲昆蟲入黎，我真係再死過算了。

咔嚓

門一開，不是文叔。

而是兩個意想不到的人。

係琴日嗰兩個大叔同大媽。

「咦文叔，原來入面有人啦！」
大媽向後大聲嚷嚷, 嘈到佢身後嘅文叔都有啲頂唔順。

「哎呀靚女，文叔咪一早講左入面有人咯，阿叔我撞聾都記得啊，入去啦。」

我兩個狼狽走出房間，經過阿叔和大媽時，佢哋都察覺到有些唔妥。

「哇咁核突嘅入面！」

「入去係到等我一陣啦。」

文叔二話不說，立即推了佢哋兩個入去，並轉身拍了拍我哋倆個膊頭，笑說：

「你哋兩個做得好好啊，係出面休息下啦，不過唔好話俾佢哋聽等陣會發生啲乜呀。」

文叔嘅笑，仍然帶著一股想信任他的力量，就好似有個前輩指引般。

事後，文叔當然殘酷的關上門，逼住嗰阿叔同大媽一齊接受“文叔的考驗”·

我有些擔心，不過阿培已搶先一步問
「文叔，我哋兩個後生嘅就話姐，但係嗰兩個阿叔阿姨都有啲年級了，會唔會出事？」

文叔摸了摸阿培嗰頭，說
「唔會嘅，雖然死左嘅我哋望落係死前嘅歲數，但其實內裡嘅體力會回復返壯年時嘅時候，如果唔係文叔我點夠力搬啲鐵籠啊，哈哈；況且佢哋要對付嘅只係螞蟻，算係自然界入面最弱嘅生物，而且，無人會係陰間受傷而死嘅。」

「但係。。。」阿培始終有些唔放心。

我就覺得奇怪，又點解無人會係陰間受傷死呢？

「得喇阿妹，我都會係出面睇住佢哋嫁，放心啦。」

良久，

門內終於傳來響聲！

「文叔文叔！殺曬喇！」大媽大叫。

「黎啦！」
文叔隨即開門。佢哋兩個立即扶持走出。

果然出事了。

眼見不妙，我和阿培立即上前幫手。

「有無消毒水繃帶嗰啲啊文叔，我要同國叔佢止血啊！國叔！你撐住啊國叔！」
大媽慌張急呼文叔。

「誒得喇梅姨！阿叔我有咩大風大浪未見過，俾蟻咬咋嘛，唔好咁緊張，俾支豉油我搽下就得喇！」
望住佢哋兩個耍花槍，我先知原來嗰個阿叔叫國叔，大媽叫梅姨。

但咋眼望去，國叔面色已有些虛弱，佢左手手臂早被鮮血染紅，上臂一道肉眼可見嘅割傷觸目驚心，亦難怪梅姨急到就黎掉眼淚。

「唔使緊張啦兩位，陰間呢到無人會死嫁。」
說罷文叔直接用肩膀扛起國叔，走去通往陰間外面的門邊，開門後直接將國叔放在地上。

我哋三個自然好奇跟住文叔走出外面，門外陰間獨有的太陽光亦隨即射來。

「文叔你做乜嘢啊？佢嘅傷口要用繃帶。。。咦咦！？！」

只見坐在地下的國叔被陽光照射後，手臂上的傷口竟開始冒出白煙！

「哇你燶咗啦國叔！滅火筒！滅火筒！」

「唔好嘈！屌你嘈到我心都亂埋！」
國叔氣急敗壞，喝停梅姨，隨即全神貫注望實自己正發煙的手臂。

不出片刻，國叔手臂的傷口居然在白煙中迅速埋口，恢復原狀！

「哇。。。點解會？」
這神奇現象，就連見慣大浪嘅國叔都被震住了。

國叔隨即揮揮手臂，表示安然無恙，傷口原處甚至連傷疤都無。

「所以我咪話，陰間呢到無人會死咯，無論你受到幾重嘅傷，只要你有能力係間房到爬返出黎，陰間外面會即刻幫你恢復原狀。」文叔解釋道。

「噢！所以文叔你先咁放心俾我哋係房同啲螞蟻廝殺。」

「無錯，簡單啲講只要係房入面唔死唔斷腳就得嫁喇。好啦各位，最後講多少少嘢，我哋就可以盡早出發去狩獵了。」

入返房後，我哋照文叔指示執返曬自己係房內屠殺剩下的黃蟻頭。
因為文叔話，每一種生物身上，至少都有一樣嘢係素材，而這種黃蟻可以成為素材的部分，就係頭部。

於是現在，枱上面堆滿了我哋四人的戰利品。

成堆黃蟻頭疊高後，畫面確實有啲奇異。

「大家可以將戰利品，放入靈洞試試。」

我依言照做，當黃蟻頭一入靈洞，我就發現異樣了。

感覺真怪，就好似自己的靈洞突然被一分為二邊，左邊空空如也，右邊則存有了黃蟻頭，慾望，懶惰，靈圖，同埋只有我有嘅親和靈藥。

「跟住再試試將呢樽水放入靈洞。」
我將文叔俾嘅水樽放埋入去，水樽居然自動被分類去靈洞左邊。

「察覺到靈洞分左兩邊未？頭先我俾你哋嗰水樽，其實係我用慾望整出黎的。靈洞會自動將靈藥素材，靈魂三寶自動分開，方便我哋區分邊啲係素材，邊啲係無用嘅部分。」

「喔喔。但點解靈洞會咁區分嘅？」

「問得好，因為一樽靈藥，通常都係由幾種素材合成而來，當靈洞內嘅素材滿足某樣靈藥所需時，靈藥就會自動係素材果邊誕生。另外你哋都應該有試過用懶惰，慾望啦，咁有無發現用慾望召喚物品嗰陣，有啲乜嘢唔妥？」

「呃，慾望並唔係乜嘢都整得到？」

我說出自己的發現，但阿培的答案卻更加精準。

「自己唔識製造，或者唔了解嘅嘢，就出現唔到？」

我恍然大悟。　

係喎！

亦難怪手機，手槍呢類嘅複雜物品，我用慾望呼喚唔出黎，因為我根本唔了解內裡嘅構造。

文叔也對阿培的發現嘖嘖稱奇。
「不愧係阿培，好少見到啲咁聰明嘅女仔咁快知道。無錯，慾望只可以喚出你懂製作，或者知道製作材料嘅物品，比如微波爐，打邊爐個爐呢啲雖然係我哋常用，但我就召喚唔到，因為我唔知入面個結構；相反一啲簡單嘅嘢，衫褲鞋襪之類，就算我唔知個製作方法，但我知道件衫係尼龍造嘅，都可以召喚到。所以你想要嘅嘢越複雜，用慾望想象嘅時候就要想象得更加仔細先有機會喚出。因此，咩嘢RPG火箭炮，自動步槍嗰啲就唔使諗啦。」

「原來係咁。。。」
眾人立即陷入沉思，到底自己可以召喚到啲乜嘢出黎，令自己無咁易死呢？

「不過關於武器呢層，各位又唔使太過在意嘅，就算俾你識整手槍之類嘅武器，呢類縮細左嘅武器威力對出面啲放大版生物黎講，都係無乜殺傷力。相反，冷兵器就最適合我哋。」

噹噹噹噹。

文叔已抽出幾把唔同種類嘅利器，放在枱上，居然誇張到連長矛，關刀都有！

「哇文叔，你未死之前係打鐵嫁？識整咁多刀嘅？」
國叔稱讚說

「客氣啦國叔，其實係我一年前，跟某位前輩討教過，我先略懂皮毛。所以大家可以選返把就手嘅武器，再同我講。仲有一個重點就係，慾望同懶惰只能在陰間呢到使用，出左去陽間就無得再用，所以我哋要利用靈洞，一次性裝曬我哋之後三十日所需嘅食糧同物品。」
接住，文叔派了幾張清單俾我哋，內容大致上係啲必備食品或者用具等。

要交代的，差不多講曬了。

「執齊曬清單上嘅嘢，呢兩日日好好預備下。後日，我哋就出發！」

「好！為下世嘅美好人生，乾杯！」

「乾杯！」

國叔舉起酒杯祝酒。

眾人手中紅酒，一飲而盡。

後日，我們各自帶著不同的心情，來到文叔房間集合。

「咁多位，黎緊三十日，我地就會相依為命一齊係出面生存。應該講嘅我之前都講曬喇，今次嘅目的地雖然係我屋企附近，但我都無可能確保得到你哋絕對安全。」

我哋專心聽著文叔說話，畢竟等陣要去的現實世界，已經不再熟悉。

「雖然係咁，不過都請記住多一件事，就係萬一有咩嘢事，你哋嘅背後，一定會有我！ 出發！」

靈圖光球一拋，一個巨大的圓形傳送陣頓時印在地上，旋轉，散發藍光。

恍如置身魔法電影中一般，我哋五人走入圈內。

下一秒，

颼

一陣強光在文叔房內閃過。










出發

文叔屋企，香港油塘，油麗邨。

呼，總算寫完前置介紹了

跟住落黎就係油塘冒險篇啦

多謝咁多位巴打肯欣賞
我會keep住日更住先 希望大家多多支持 得閒幫推

thx

一直都覺得文叔係一個有心計嘅人
好似一開頭扮好人 跟住食咗啲新人

我都覺
人都可以係素材嘅一種

召喚死他死一支

全文完

應該整唔到，手鎗，火箭筒都整唔到