【冒險】《自殺後先知, 原來人生真喺有得洗首抽》

阿培微微一頓
「你。。唔記得咗啦？」

佢把聲都幾甜，好好聽

「嗯？唔記得咗啲咩？」我疑惑

「無嘢喇咁。係啊，我都係撞車死。」
說完，阿培便閉上眼挨後養神，這明顯係個信號——咪撚再撩我。

好唔容易，終於捱到文叔出黎。

「唔好意思啊兩位，要捉返佢哋出黎曬左啲力。」
文叔又搬出一個用黑布遮住的鐵籠。

「哇。文叔你又搬返隻虎頭蜂出黎？」

「唔係，當然唔係，嗰隻嘢如果放返出黎，我就應該無命了。呢幾隻，細隻啲，應該足夠俾你哋見識下。」

一揭黑布，籠中幾隻黑黝黝的昆蟲已映入眼中。

「噢噢。。呢個係？」阿培好奇問

「呢幾隻係我係陽間捉返黎嘅螞蟻。」

的確，這真的是日常常見的螞蟻之一，沒記錯的話，

「點嘛俊仔？知唔知呢幾隻係咩品種嘅螞蟻？」
文叔居然故意考起我

「呃。。頭胸兩節棕黃色，腹部黑色，觸角加大顎，呢個應該係我哋日常常見嘅破壞單家蟻，亦姐係我哋香港常見嘅黃蟻。」

「破壞單家蟻？」阿培傳來了佩服的目光

「係啊，」我有些得意道「因為佢哋係雜食性嘅昆蟲，其他昆蟲嘅屍體，卵，廚余垃圾都係佢哋嘅食物來源，仲會啃食電線，破壞電器或者電信設備，因此得名。同埋佢哋。。。」

「好喇好喇，明白曬。唔該俊仔。」文叔打斷了我的滔滔不絕。「你係唔係啲咩天才生物學家啊？咁清楚呢哋畜生嘅特性嘅？琴日嘅虎頭蜂又係，今日啲螞蟻又係。」

「無。。」我面色一抽「興趣黎嘅姐。。。我有睇過啲昆蟲圖鑒咁上下。」

阿培在旁，莫不作色。

推

photo from Google

破壞單家蟻 Monomorium destructor

「咁好喇，既然你哋兩個都決定跟我出去狩獵。我都唔會選太危險嘅地區帶你哋去啦。」

「地區都有分危險？」這次到我問

「當然啦傻仔，如果以危險度１２３區分，１係最低，日常住宅區域就屬於１，２係叢林或者其他生物多樣嘅地區，３就係城市，市鎮。」

「咦？點解城市係最危險嘅？」
我衝口而出

「唔記得啦俊仔？俾人類見到我哋，會直接消散嫁嘛。」

「原來如此，所以城市係最危險，叢林其次，至於日常住宅區反而無咁危險。因為我哋熟悉個環境，知道點避開普通人同搵啲家居獵物。」
阿培低頭默默思考。


文叔稱讚：「無錯啦，阿培真係冰雪聰明。」

「文叔，唔好潤我啦。」阿培怕醜說

「哈哈，宜家講返啲正經嘢。話就話我哋返去陽間係為左收集素材，但現實啲講，我哋係返去狩獵，雖然你哋年級仲細，但總會試過殺死一啲昆蟲，或者動物吧？　比如搣死一隻螞蟻，都計。」

「嗯。。。」
我哋兩個點點頭，童年嘅時候確實有出於好奇搣死螞蟻。


「好啦，你哋睇住。」

話口未完，文叔便拎了一個鐵鏟將籠內一隻黃蟻鏟了出來。

我哋兩個立即醒水，散開。

Lm

Live左

Lm 寫得唔錯

留名等睇大戰甲由

黃蟻落了地後，開始四圍爬動。

望住一隻你從來無諗過會咁大隻嘅螞蟻爬黎爬去，感覺奇妙。

「睇佢眼仔細細咁嘅款，係咪好得意呢？」

阿培立即擰頭，表示不敢苟同；我則眼露興奮之色，想細看這個奇妙生物。

「但無論如何，返去陽間之後，遇到嘅每一個生物，我哋都要警惕。因為我哋唔再有人類應有嘅size，　唔會好似以前咁，再有機會用手搣死一隻螞蟻。」

說罷文叔舉起鐵鏟，狠狠地向地上黃蟻一拍！　

「噹！」

這下來得當然

但鐵鏟拍中黃蟻的聲音更是讓我一驚。

咦！！？

沒有血肉模糊的畫面，也沒有被拍死，然後飛濺出黎的螞蟻肢節。

文叔這一擊，換來的居然只是一下恍如撞上金屬了的響聲！

地上的黃蟻居然撐過了鐵鏟的一擊，甚至還在平滑的鏟舌上留下了些少凸痕！

黃蟻隨即發怒，向文叔爬去，明顯是不滿文叔的偷襲。正當我哋兩個想幫手之際，

「刷！」

一把開山刀已被文叔狠狠擲出。

刀刃精準地把黃蟻腹部和胸部的連接處攔腰切開，直插在地上，黃蟻亦頓時停下動作。

我倆已說不上話。

螞蟻的本事，我倒是知道的。

但更加驚歎嘅係，文叔嘅身手原來相當了得！

「見到未？我哋其實係生存狩獵上無乜優勢，當一個螻蟻都同我哋差唔多大小嘅時候，我哋呢副縮細左嘅靈魂肉體，只處於食物鏈的底層罷了。」

文叔走去黃蟻分屍處，拔出開山刀
「我唔係同你哋兩個講笑，出外狩獵，收集素材，再合成靈藥呢個過程，其實只係個廝殺嘅過程。弱肉強食，仲在生嘅時候，你有幾可感覺到自己同呢啲螻蟻嘅生命有分別？ 所以依家開始好好習慣下吧，習慣下面對呢啲生物，習慣下殺生，習慣返重新加入食物鏈嘅你自己。跟我過黎。」

我同阿培一楞，便跟住文叔走。

只見文叔打開角落一扇門，便領了我倆入另一間房，房內空間不算大也不算細，空無一物，墻壁粗糙不平滑。

入去後，文叔由靈洞抽出兩把開山刀拋在房內中央。

「係到等我一陣。」

我倆不以為然，但誰知文叔返黎嘅時候，居然放曬鐵籠內的黃蟻入房！

「文叔你做咩嘢啊！」
我地兩個想立即逃走，但唯一嘅出口已經被黃蟻群同文叔塞住！

「頭先咪講咗咯，要俾你哋習慣下啊嘛，好好諗下，當你哋無咗體型優勢，當體型，力氣都不如一隻螞蟻嘅時候，你哋應該點做？就當呢次係你哋第一次嘅狩獵啦，簡單嘢，殺曬啲螞蟻，我就會開門。加油！」

臨走一笑，文叔已開始掩上房門。

「等陣啊文叔！」

「俾多句忠告你哋，唔好睇少呢班螞蟻。話曬，佢哋都係地球上最大力嘅生物。」


嘭。


門已關，房內只剩餘殺戮。

「呃。。。呃。。。」
阿培立即害怕了，佢背靠著墻，眼神死死的盯著剛進來的異物，呼吸開始急促。

正常反應。

其實蟲呢啲嘢，女仔會驚好正常。

更何況放大咗嘅蟲，更加駭人聳聽。

剛進來的黃蟻大概有十餘隻，見到佢哋嘴部的鋸齒大鉗一合一開觸角亂動，我才知道他們的黑色複眼係無情的眼神。

第一次覺得，原來我同呢哋小生物係對等的。

所以我都好驚，我都開始頭皮發麻，口乾舌燥。

為咗要轉世，為咗靈藥，就要去同呢堆放大咗嘅怪物互片，值得咩？

我望了望阿培，再望回門口的黃蟻群。
　
我嘅覺悟，只有咁少？

如果係呢到死第二次，你甘心嗎？
























我唔甘心！




「阿培！」
我二話不說，立即滑步過去拔出文叔留下的開山刀，並將其中一把扔俾阿培。

「執起佢阿培！你會留係到，姐係你同我一樣都想要靈藥，想要更好嘅下世，攞起把刀啊阿培！」

我大聲嗌出希望，想傳達俾佢聽，亦都想話俾自己聽。

唔好驚！

跳樓我都試過了，仲有咩好驚！

上一世人嘅人生我放棄左，

但下一世人嘅人生，我絕不放棄！

幾好睇 係主角自殺原因幾求其

多謝欣賞

btw主角自殺詳情我好似未講

咦以為係開頭個套中二病

Btw 變細打昆蟲好似細個個D 韓國漫畫睇過

加油

臨訓一推

支持樓主！

聽到我呼喚，阿培微喘口氣，也執起把刀。

雖然佢手中把刀一震一震，騰曬雞咁，但神情已回復返冷靜。

「跟，跟住應該點做。。。？」
阿培問，語氣中仍帶著一絲遮蓋不住的害怕。

「跟住。。跟住呢。。。」
我都想問自己，跟住點算。

這時一隻黃蟻一馬當先，由蟻群中跑出，向我們這邊爬來。

我隨即擋在阿培前面，手握刀柄，死死盯著這異物。

「唔理啦！就同你死過！」

把心一橫，我單手握刀對住蟻頭就係一劈！

「噹！」

居然斬唔入！

就好似劈係一舊大石上般，刀刃傳回來的反震甚至讓我虎頭都痛埋！

咁硬嘅！？

當我心裡正陷入驚訝的時候，黃蟻已爬到我腳下。

「走開啊！」
我下意識奮力一踢。

誰知黃蟻及時伸出兩隻纖幼前足，強硬制停了我的踢擊！

我連忙縮腳，但它已順勢爬埋上我左腳小腿！

弊了！

我嚇得趴在地上，慌忙甩腳，想踢走佢，但黃蟻的六足爪得我褲管很實，我用盡了力，都仲癡係我小腿嗰到。

死啦死啦！腳上的黃蟻，觸角恐怖的晃來晃去，嘴巴的大顎，已經打橫張開。

要被咬了

「啊啊啊啊！」
「噹！」

一下由下而上的揮擊，及時從旁將我腳上的黃蟻劈飛！

係阿培！

救了我後，佢向我伸手
「你無事啊嘛？」
「無事。。。唔該曬」
我企返身，執返把刀，重新振作。

「但係佢仲未死喎。。睇下。」
阿培望去頭先被佢擊飛出去的黃蟻，隻畜生好似乜事都無咁，重新爬返起身，又再向我哋襲來。

咁頑強嘅！點解文叔可以。。。！？

我諗起文叔頭先一擊必殺黃蟻的畫面。

係喎，我記得啦！

「阿培，今次我哋兩個一齊上！我先幫你擋住，你把握機會斬佢嘅關節位，姐係佢三節身體中間嘅連接位！」
我向前一踏，彎腰再次向地上黃蟻劈去！

「噹」
果然斬唔入。

佢再次以區區頭部，硬接了這刀！

是外骨骼嗎？