【冒險】《自殺後先知, 原來人生真喺有得洗首抽》

可能佢同主角一樣其實一開始都有1-2支？

我向音源一看，原來梅姨手裡握住了昨晚，我還返俾佢嘅那袋白糖。

白糖的包裝破裂開來，在她手邊散落的糖粒，正被一群螞蟻行軍，逐粒逐粒運走中。

「就係你地帶我黎。。。」

縱使已經黎遲左。












。。。。。。

誒等陣！ 可能未算遲！

但有可能嗎！

唔理了，一於試試 !

我執起袋白糖，拎出一把撒在地上

一隻螞蟻，行了過來。







。
。
。
。
。
。
我聽從你的差遣，主人

！！

果然奏效了！

腦中的光點同時多了一點，比起小角的那個，細了不少，但我仍然感受到個光點存在。

事不宜遲，我立即試驗，努力在腦海裡和新的螞蟻溝通。

。。。 聽得明我講嘢嗎？

我抱起隻螞蟻，手上的螞蟻亦靈巧地點了點頭。

。。。 你有見到事發經過嗎,有關地下呢個女人的死？

螞蟻側了側頭望向地下的梅姨，然後望向我。

。。。點嘛？你知道嗎？

嗒嗒

螞蟻點了點頭！

啊佢真係有見過事發經過！

我繼續響應光點。

。。。件事發生無幾耐係唔係！？

螞蟻點了頭！

。。。係有人殺左佢嗎！？

螞蟻點了頭！

。。。咁！你知唔知佢去左邊！？

螞蟻點了頭！

帶我去！

我立即將螞蟻放上膊頭

。。。係這邊嗎！？


呢邊！？



呢邊？



我拿著梅姨那半截長矛，立即向膊上螞蟻點頭的方向狂奔！

加速

血跡未乾透，長矛上的血，兇手一定未走遠！

「呼呼呼呼」
我瘋狂跑著，將心中的憤怒化為動能。

第一次，我恨人恨得咬牙切齒。

唔理你嘅原因係咩，梅姨都不是應該死的人，但你竟然痛下殺手！

比起我，佢更加值得生存落去，比起我，梅姨更加值得更好的下世。

但。。。

一步兩步

奮力狂奔

終於，

前方的樹林里，

出現了一個人影正背對我跑著。


搵到了！


「你咪撚走！」
我一個踏步向前，將手中的半截長矛向他狠狠標出！

「嘖」
那人影頓時轉身，抽出一把單手斧便將我射去的長矛猛地劈開！

這人功夫不差，但總算，俾我追上了！

「你呼。。你呼呼。。係唔係你殺死梅姨？」
我怒得牙根發震，喘著氣追問道。

「呵呵，梅姨？ 你講嗰個整甜品嘅阿嬸？佢係你阿媽啊？」
陌生人甩著單手斧，一臉不屑。

他大概三十出頭，穿著黑色背心牛仔褲長靴，而且左手手臂有個明顯的血洞冒著煙。

看來是他沒錯了。

「唔係，梅姨唔係我阿媽。但係！」我喚出靈洞抽出長矛

「亦唔係你殺得嘅人！」

我踏步一刺！

可我太衝動了。

陌生人側身一閃，避開我這刺不止，更抄起斧鋒向長矛中央砍去。

咔嚓

手中的長矛俾他攔腰砍斷，無了武器的我，頓時心中一震慌了起來。

陌生人見我失了方寸，把握機會一腳伸了過來，將我狠狠踹飛。

「嗚啊！」
我腹部中腳，整個人向後狼狽跪下，這記重腳踢得我膽汁都嘔埋出黎。

「呵呵呵，得你自己一個追黎，我仲以為你前世有練過咁上下，點不知廢材一個。做咩啊？ 想報仇啊？ 哼！」
說罷他操起斧頭對住我一劈！

我立即翻滾避開，但礙於腹部痛楚躲避不及，翻過時手臂已被他斧鋒刮出一道口子，血流如注。

「啊啊啊啊!」
第一次被人斬，巨大的痛楚和害怕瞬間充斥腦中。

雙方的戰鬥經驗差太遠。

我太衝動了，唔應該。。。唔應該。。。

「哈哈哈，你唔使旨意死得咁輕鬆小弟弟」
陌生人拎住斧頭，慢條斯理向我走來，嘲笑說
「第一次出外探險，你以為敵人凈係得啲畜生？ 有太多危險你無留意到了呵呵，咦？ 你膊頭嗰隻係咩黎？」

斧頭男發現了異樣，指住我肩上的螞蟻說

係喎！呢隻螞蟻仲受咁我控制！

這時
「阿俊！ 阿俊！」

一聲不遠的呼喚慢慢向我這邊靠來，是阿培的叫聲，好彩佢地有聽到！

「哼。。。救兵，你好彩。」
斧頭男聽到後，轉過身想抽身逃走。

「唔準走！」
我咬咬牙，將膊頭的螞蟻向他背後丟去！

咬佢！

腦中的光點一閃，表示收到指示，飛去的螞蟻落在斧頭男手臂上，便是一噬！

「啊屌！ 咩黎！」
斧頭男吃痛，另一手迅速抓起螞蟻向地下一丟！

光點頓時閃爍起來，不斷發出疼痛的意念。

「咬我？食屎啦！」

一劈。

斧頭男無情地向地上螞蟻劈下一斧。

同時，那個光點在我腦海閃出最後一下光芒，隨即而來的，便是難以想象的痛楚充斥腦中，

讓我忍不住慘叫

「啊啊啊啊啊啊啊! 」

這股意念就好似死亡的感覺，那隻螞蟻的死竟反饋回我腦中，讓我不能自己。

「你。。。唔通你可以。。。？」
斧頭男不可置信地望住我。

「呃啊啊啊。。。唔準走，你咪使旨意走！我唔會放過你！」
幸好這股劇痛來得快亦去得快，我雖渾身冷汗，但仍不忘怒喝他

我呢世，一定會將你千刀萬剮！

「呵呵，呢個世界咁大，我想走就走，你奈得我何？ 要怪，就怪你自己點解咁廢。」
斧頭男瞬即揮動手臂，將單手斧狠狠投來！

糟了，經過剛才的巨痛和負傷，我已經。。。







鐺！







一個防爆盾牌及時架在我面前，擋下了這致命一擊！

「你係邊個！？」
佢渣住盾牌喘曬氣，逼問著

係阿培！

「噢~ 靚女，黎得及時喎。救咗小弟弟一命，唔知你地」

「答我！係唔係你殺左梅姨！？」
阿培怒聲打斷他，面上的淚痕顯出她見過梅姨了。

「嗯。。。我係邊個，唔重要，不過，個最後係到整甜品嘅阿嬸，的確係我動手的。」
斧頭男承認了自己是兇手，這更加讓我怒得徹底。

「點解！ 我地同你有咩仇！？」

「無乜點解，呢個世界就係咁殘酷無情，唔係你搶，就係我奪。所以小弟弟，我地下次再見吧。」
斧頭男冷冷說出這句後，

臨尾一笑，便隱入草叢中，消失影蹤。

「我唔會放過你！ 你同我記住！我一定唔會放過你！」

弱者的喊話，永遠都是敗犬之吠，充滿不甘。

亦都是最無用的。

什麼都留不下。

「可惡。。。可惡呃。。。」

我忍著痛，走去那隻螞蟻前，身首分離的它，是我害的。

是我。。。

「嗚嗚嗚。。。我。。。」

淚水，一滴一滴滴在無辜的螞蟻屍體上。

無論是梅姨，還是你，我都保護唔到。。。

我。。。

我太弱了。

訓先

論文寫螞蟻，殺左唔知幾多千隻，如果我好似主角咁有感應，應該個頭痛到死左好耐

好睇 樓主千其唔好棄故呀

遲啲講

螞蟻

Live 留名！

好睇留名

有一刻以為追上去個個係文叔

出未