【冒險】《自殺後先知, 原來人生真喺有得洗首抽》

Pish

十卜

文呢

依家出先

阿培手中靈藥，瓶外刻著邏輯二字

「邏輯靈藥？ 原來你都一早有靈藥？ 點解唔早講？」

「唔講嘅理由咪同你一樣咯。而且我一開始點知自殺嘅人會有咁嘅優勢姐，係知你有，我先知咋。」

啊係喎。。。畢竟這個自殺死的身份，是個秘密，無得隨便求證。

「如果照你推斷，姐係飲咗靈藥，就會覺醒能力？ 定係。。。」

會覺醒出其他超能力？

我和阿培同時在心中響起這問題

「睇黎，唯有飲咗呢樽靈藥先知了。」

阿培打開了樽蓋。

「呃，你肯定你要飲呢樽“邏輯”？飲完姐係代表你下世會擁有邏輯的性格喎咦等等，邏輯都算係性格嘅一種？？」
我忽然緊張起來，估唔到阿培咁易就決定到飲呢樽嘢

「又或者，飲完，我下世人嘅諗嘢邏輯就會特別強。。。諗嘢會特別清晰? 咁嘢講會唔會易理解啲？」

「哦哦。。」
誒？

但係阿培，你依家都。。。

下一秒，沒等我細想完，阿培已將靈藥飲下。

紫光順著阿培喉嚨，進入體內，一片紫光頓時閃出，又瞬即消失。

這與我飲完親和靈藥時的情況一樣。

「點嘛？ 有咩感覺？」我不禁好奇問

「呃。。。」阿培望住自己對手，語氣猶豫

「好似。。。無乜感覺。」

「真係？ 」

「呃。。。真係無。」
阿培搖了搖頭，絲毫察覺不到變化。

「睇黎操控動物嘅能力係我天生無意中覺醒的， 哈哈哈，你恨唔到嫁啦。」
我笑說

「點會啊，你用下腦，俾啲邏輯都知唔會咦？ 咦咦咦？」

阿培忽然面色一變，動作停下，瞳孔亦悄悄變成了紫色。

「咩嘢事啊？ 你都聽到啲動物聲啦？」

「唔係。。。唔係！ 係我嗰腦。。。哇。。。哇。。。！」

阿培瞳孔放到最大，驚訝地望著周圍。

「原來係咁。。。 呢個就係邏輯嘅能力。。。！」
佢驚奇的反應，讓我想起自己發現能力的那刻，都是這麼興奮。

「點嘛？邏輯嘅能力係咩？」
我好奇問

「呼呼呼。。。原來覺醒能力的條件就係要飲靈藥！」

「吓？我唔係問呢樣」

「仲有呼。。。如果要使用能力，就要係腦入面認真呼喚個靈藥名稱，呼呼。。但阿俊你個能力似乎係被動使用，亦姐係話，靈藥嘅能力有可能仲有其他形式展現！」

「呃。。。」
見阿培講得如此認真，我又不得不相信她嘴裡蹦出的說話

「但係你點知呢啲嘅？」

「全部都係我推斷出黎的，不過啊啊啊。。。 ！我受唔住啦！」

阿培頓時坐在地上,面色盡顯疲累。

「你點嘛？有無事啊？」
我遞了條毛巾給她，擔心說

「呼呼呼。無事，無事。。。」
阿培接過毛巾，抹了抹額汗

「我未習慣到嗰種狀態。。。邏輯嘅能力就好似進入咗一種狀態，會突然有好多資訊塞入腦中，神奇嘅係我又好清楚腦內嘅資訊代表住啲咩，然後超快速地將其全部自行重組，排序，分析。。。頭先只係維持咗邏輯狀態幾秒，我就已經覺得好大壓力，不過呼，」

阿培無力一笑
「無估錯的話，邏輯靈藥的能力，就係係短時間內增加我腦袋處理資訊的能力！」

「喔喔喔！ 原來係咁！ 嗰能力好似都！」


















「幾廢下喎...」

我露出失望的樣。

增加處理資訊的能力？ 呢個能力無助於在外戰鬥和生存吧？

「你就廢呀！」
阿培氣得猛扭起我耳仔。

「啊啊痛痛痛！」

「能力無話廢唔廢，只有會唔會善用能力！睇住黎啦，總有一次，本小姐一定會用“邏輯”救你一命，哼。」

「好好我信你！ 但你放開我耳仔先啦，就黎俾你扭斷啦！」

吵鬧完後，這關於靈藥的謎題終於解開了。

「係咁嘅話，我個操作動物嘅能力，就係親和靈藥嘅能力吧？難怪靈藥嘅名叫親和。。。」我揉住紅透的耳仔說

「無錯，照推斷，靈藥可以覺醒能力，又可以令下世人帶有相同的特質，姐係話阿俊你下世應該會好受動物們嘅喜愛，而我份人嘅諗嘢邏輯就會變得好強。」

「啊。。。係咩？」
我微微一怔。

受動物們的喜愛啊。。。

是我無自覺嗎？

「係咁嘅話，我哋就要收集多啲靈藥了。」
我隨口說說

「你意思係你搵到方法對付頭先嗰條蛇了？」

「當然唔係。」我連忙搖頭，「嗰個太危險，我哋唔係對手。 係啦，我哋幾時出發去搵文叔國叔好？」

「早上？我記得你同文叔都話過，好多肉食性生物都係夜行性。加上我宜家好攰。。。進入邏輯狀態的負擔有啲重。。。」阿培面露疲色

「但係個斧頭男，佢既然無過黎搵我哋，咁咪即係代表佢去咗文叔國叔嗰邊咯？」我擔心說

「未必，文叔係呢到嘅地膽，佢應該知道如何迴避呢啲情況，更何況國叔佢功夫不差，定係你覺得國叔會輸俾斧頭男？」阿培冷靜分析出狀況。

的確，我對國叔的身手沒有懷疑。

但係我心裡總覺得有些不安。

因為每次我諗起斧頭男嘅笑，我都覺得佢嗰陰笑，另有意圖。

「不過呢。。。我總覺得有些可疑，阿俊。」
阿培說

「可疑？」我好奇起來

「我覺得，文叔有啲可疑。」
阿培說話的語氣，就好似一個偵探。

「文叔？」

「如果靈藥可以帶俾我哋超能力嘅覺醒，咁點解文叔無同我哋講？」

「呃。。。係喎。可能係佢唔記得講？或者佢根本無試過飲靈藥，唔知呢啲嘢呢？」

「NoNoNo。。。唔會係咁，」阿培搖頭「呢啲重要嘢，唔會係文叔會漏講嘅事，至於你講嘅第二個可能我都有諗過，但係文叔之前講過，佢有跟過其他人出外探險，又有同自己嘅家人一齊探險過，所以佢無理由唔知靈藥嘅事。」

「但係。。。如果咁講，咁點解文叔要對我哋隱瞞呢啲嘢？」

「呃。。。 呢個就係我諗唔通嘅地方。」
阿培擺擺手，示意無奈。

「不過，我都覺得有啲地方唔妥。」
聽阿培說完文叔，我都有啲想搵她傾訴一下心中的不安。

「唔妥？ 關於啲咩？ 」輪到阿培好奇了

「我覺得梅姨嘅死，唔簡單。個斧頭男好似一早就盯上了我們一樣。」

「點解咁講嘅？」

「唔知。。。」我閉上眼搖頭，諗起斧頭男的邪笑。「可能係我錯覺吧。。。我總覺得遇到佢嘅兩次，兩次佢都係有備而來的。」

「。。。」
阿培聽完，默不作聲。

「不過都係算了，我應該係疑神疑鬼咗，唔好擺上心吧培。訓吧，聽朝仲要出發上山匯合佢哋。」

「等等。。。等等。。。我想試多次進入邏輯狀態。」阿培突然神色凝重，緊張說

「下？點解嘅？你又話你頂唔順嗰負擔？」

「因為我好似諗到啲好重要嘅嘢！ 但係我。。。呃啊！ 諗唔曬！ 所以阿俊，睇住我，我要再試多次！」

「喂但係」
說罷阿培亦不理我回話了

「邏輯。」佢口中蹦出簡單一詞。瞳孔已化為紫色，右手托左手肘，左手托下巴腮，沉思起來。

又來了，這是她的經典思考post。

幾秒後，

「啊。。。啊。。。」
阿培開始斷斷續續說些緊張的話

「唔會。。。唔會。。。唔會係咁！。。。嗚嗚嗚。。。但係！。。。可惡！。。。」
阿培一邊自言自語，一邊開始大聲起來

而且，佢喊咗？

佢居然諗嘢諗到喊咗！？

唔通係“邏輯”嘅負擔太大，搞到阿培開始癡線？！

「阿培！阿培！ 冷靜啲啊阿培！ 快啲退返出黎！」
我衝去捉住佢肩膀，搖晃她。

「走開！」阿培一手狠狠拍開我！「我好冷靜！但啊啊啊啊。。。！」
隨後佢一聲慘叫，睇黎佢終於到極限了。

「點嘛你？ 叫咗你唔好」

「聽住，你依家立即上山救國叔！」
阿培喪失冷靜，流住淚狠命扯住我衣領。

「點解啊?」我大惑「你又話文叔佢哋暫時唔會有事，仲話咩單對單，國叔身手無理由會輸」

「快啲啦！ 」阿培成面淚流，激動大叫

「文叔係斧頭男嘅人啊！ 國叔就黎死啦！」

吓？

我滿面驚愕

文叔！？ 國叔？！

無了

幾時再有

果然文叔係奸角

思考post? 思考pose?

又check漏

文叔負責供奉祭品比斧頭男

正，我鍾意呢個節奏