【冒險】《自殺後先知, 原來人生真喺有得洗首抽》

識嘢wor巴打

加速

新讀者 LM

樓主題材唔錯喎
留個靚名先

thx

多謝巴打

btw今日星期日，出唔到

唔緊要
重質不重量
唔爛尾就可以

好心急

新讀者 臨考mid term見到呢個故，點知越睇越入神 live左先再溫書

好正 終於知道文叔係奸嘅

原本扮唔知然後偷襲文叔話唔定冇野
一叫出來咪迫到文叔狗急跳牆出手

咁我算唔算誤人子弟

出文了

說話，

講起阿俊阿培，

呢兩個後生仔真係可惜呢，咁後生就出車禍，明明大好青春。。。唉。

阿叔我見到佢哋兩個，都替佢哋可惜。

至於阿梅，

個衰婆上世人真係過得唔錯。

同我差唔多大，但佢早已組建家庭，仔都養大兩件了。 雖然癌症來得快，但至少佢上世體驗了什麼是真愛，活得幸福了吧。

咁我呢？

嗯。。。

老老實實講，其實阿叔我成世人都算係幾失敗。

碌碌無為咁過咗成世人，

到底我上一次成為靈人，飲咗啲乜嘢靈藥先會搞到今世咁呢？

我估應該有飲“衝動”靈藥吧？
因為我呢世人都有唔少衝動嘅時候。

而且唉，諗返以前，

早知我細個嗰陣讀多啲書啦，咁就唔會到咗中年先俾社會淘汰。。。

早知我嗰陣試一試堅持學吉他啦，其實阿叔我把聲都唔錯嫁。。。

早知嗰陣，好好珍惜嗰條女咪好咯，搞到臨死都無一個愛我嘅人陪阿叔我，好孤獨啊。。。

早知。。。

早知。。。

早知。。。












啊，真係怪呢。。。

點解我上世人，有咁多早知嘅。。。？

到頭來，原來阿叔我死咗先識後悔。。。 真係羞家。

不過都無壞嘅，上世嘅遺憾，下一世完成返咪得咯。。。

起碼阿叔我後生學咗幾年嘅洪拳，估唔到宜家真係有用。

雖然成世人好似無乜經歷過，無乜值得自豪的事，無乜體驗過真正活著的日子。

但至少呢段死咗嘅日子， 我真係過得幾刺激。

呢種原始嘅生活，心跳經常加速又頻臨生死的狩獵，真係讓我有種活著的感覺。

而且阿培，俊仔，阿梅佢哋又咁好人， 我真係想睇住佢哋收集到自己下世想過的人生。


咁。。。我下世人想點過呢？

好彩，個問題我未諗到答案。

因為我已經無下世。

因為頂佢個肺。。。真係好撚痛。

呢個傷口應該無得救了。

點解我咁蠢呢，原來文叔都係敵人。

「所以國叔，你就死係呢到吧。」
身後的人，竟然變得如此無情，陌生。

「文叔。。。你居然。。。！」

我忍痛扶住關刀。

真係唔想啊， 真係唔想，呢個係一個陷阱。

「無錯。。。雖然你得“衝動”呢個靈藥，但都可以接受嘅。」

佢故意動了動正插著我的刀子，痛到阿叔我顫抖不止。

「係咁嘅話，梅姨都係。。。」

「無錯， 都係我策劃的，其實原本你哋四個都要死的，不過阿俊阿培係可造之材。。。」

「你唔使旨意，嗰兩個後生仔係善良嘅人，佢哋先唔會受你擺佈。」
我忍著劇痛，望著遠處佢哋兩個大哭大叫，跑來我這邊擔心我的樣。

我不禁一笑。

「啊哈哈哈。」

原來我今世都算唔錯呢，可以遇到佢哋三個。

「咁我都會試試嘅，話曬呢種方法可以最快讓自己轉世。但如果說服唔到佢哋，咁就唯有， 殺。」

真係冷血，文叔這番話讓我諗起上世遇到的某些人。

「武，你先去制服嗰兩個後生仔吧。」

眼前渣斧頭嘅仆街向文叔點頭，隨即跳了落去走道。

「咪住嗚啊啊。。。」

我想去幫佢哋，但肚嗰傷口真係好撚痛。。。

只是輕輕一動，幾乎痛到我眼睛翻白，快要往生。

不過亦是這一下，讓我的回憶突然湧了上來

。
。
。
。
。
。

。
。
。
。
。
。
。
「係啦師傅，點解我哋要學洪拳嘅？」

「因為你哋老豆老母俾咗錢咯。」

「咁俾我哋偷下懶啦，紮馬步好辛苦啊師傅。」

「唔得，你哋學得無成果，咁我點對得住你哋父母啲錢。」

「挑，我哋講下大話咪得咯。」

「啊死衰仔仲駁嘴啊，同我紮多二十分鐘。」

「咿！師傅你又呃我哋！」

「唔好駁嘴啊，同我再蹲低啲啊，罰你哋班死馬騮無大無細。」

「但係師傅，真係好辛苦啊。」

「忍住，同我忍住，你哋以後仲有排要忍啊。」

「咁我唔學功夫啦！師傅你正衰人黎！」
我竟然賭氣哭了出來。

「喂，你做乜又喊啊。。。阿國你真係。。。 」

哈哈哈，

點解宜家會諗起呢個畫面嘅，哈哈哈，原來阿叔我細個都幾唔挨得。。。哈哈哈哈

「阿國，喊夠未啊，大丈夫唔會隨便掉馬尿嫁喎。」

「但係真係好辛苦啊嘛。。。」

「唉。。。你過黎。。。」

細嗰的我行了過去，俾師傅摸著我的頭。

「阿國，你點解要學功夫啊？」

幼時的我，抽泣答
「阿爸阿媽凈係同我講，呼哧，係因為可以強身健體。。。」

「呢個當然係一個原因啦，但仲有一個原因嫁阿國。」

師傅笑說
「你學嘅武術，其實係一份力量，呢份力量可以用黎保護自己」

「但係師傅，有危險嘅話，電視教我係要報警喎」

「呃。。。咁當然最後要咁做啦，但係如果你無電話呢？又或者啲壞人動手快過你呢？ 就算佢哋最後會得到懲罰報應，但你已經受咗傷害，咁係唔係太遲了呢？」

我看著眼前的回憶，默不出聲，但心裡的思緒卻萬馬奔騰。

「所以我哋先需要武術呢份力量，係受到傷害之前，保護咗自己先，而且仲有一點好重要嘅原因，阿國。」

「係乜嘢啊師傅？」

「就係呢份力量可以用黎保護你珍惜嘅人，咁你就唔會係需要保護人嘅時候，覺得自己無能為力。 」

我喃喃細語，含淚嘔血，說出這句。

「仲未斷氣啊國叔？ 你都幾有毅力喎。」

條仆街仍然咁輕佻。

不過，我終於諗起了。

準備吧，如果阻止唔到，我怕之後會痛嘅係其他地方。

「喂賤人，你知嘛？ 阿叔我雖然經歷過好多大風大浪，成世人遺憾都有不少，但唯獨救唔到人嘅遺憾，我一次都無。」


我單手頂住腹部突出的刀尖，腳尖猛地發力。




「因為我唔會救唔到人，因為阿叔我，擁有呢份力量！喝啊啊啊啊啊啊！」



噗嗤！




狠命一按，腳下指尖同時發力，我將文叔插入我背部的刀子狠狠退了出來！

加速