【冒險】《自殺後先知, 原來人生真喺有得洗首抽》

頂，原來係呢個

追到電話無電

幾時出新文？

寫緊

推
好有潛力做皇道漫畫

「成功了，阿培！佢真係追過黎啦！」
我興奮著，邊跑邊說

想不到情況真的如阿培之前所言，進行至此！

「未夠遠，我哋要再走遠啲。。。」

二人前，一鬼後。

我倆和身後的惡鬼追逐了片刻，武哥終於忍唔住：
「喂跑夠未啊！？我唔想殺人，更加唔想殺你哋兩個細路。我數三聲，再唔停低我就出手！」

「一！」

「阿培！」

「二！」

「好，停。。。」
阿培帶頭停下，我和身後追緊嘅武哥亦都停下。

「終於唔跑了咩？ 呼」
武哥喘了口氣，鐵起面問道

但阿培唔理佢
「呢個距離應該夠遠了。阿俊。」

「嗯。」
我回應一聲，拎出長矛。

「拎把嘢出黎想做乜？ 仲想反抗？」

「點解唔反抗？ 反正你哋到最後，點都會殺死我哋。」阿培冷冷續道「無估錯的話，你同文叔應該係兄弟關係吧？武哥？ 」

「嗯呵。。。你又知我哋唔係真心想你加入？話曬妹妹你咁聰明，細路你又咁熟悉啲畜生，你哋嘅才能係呢個世界，其實係得天獨厚的。」
武哥翹起雙手抱胸。笑著不語

見佢唔答是否兄弟的問題，應該是默認了。

「呵呵，係咁嘅話，你哋嗰計劃實行咗幾多次？ 殺咗幾多人了？」
阿培冷不防拋出一問。

武哥一聽完，立即面露難色。
「呢層。。。」

「唔使扮了，照我估計，你哋嘅計劃應該已經實行左幾次了吧？」
見到武哥嘅反應如此，阿培她繼續追問。

「呃。。。今次係第三次，但點解你會諗到呢方面？」
武哥頓了頓，答

「好易諗到姐，睇你哋兩個嘅合作，仲有呢個一早就計劃好的大局，絕對唔會係第一次實行就做到的。 加上你哋嘅實力比我想象中低， 這更加讓我相信。」

「實力低？」
武哥皺眉

「因為你話你係一靈，文叔係二靈，但你哋手中仲有貪婪同溫順未飲， 咁點解唔飲呢？ 如果加上嗰兩樽靈藥，你哋一定會實力大增，好彩的話，話唔定仲可以立即轉世吧？但點解你哋無咁做，原因我只諗到一個：」

阿培說得斬釘截鐵。

「就係你哋個計劃，唔止係加快轉世速度，更加係要篩選靈藥，然後有計劃地讓自己下世人活得更好！」

啪啪啪

武哥拍起手

「好，好，分析得真係好，文哥果然講得啱，你哋兩個真係留不得。。。」
說著說著，他動身了。

「你估得無錯，係靈人眼中，靈藥的確有好壞之分，我哋手頭上的確有好多種靈藥，但大部分都係啲負面靈藥，亦即係我哋俗稱的負靈藥，飲咗只會讓自己下世過得更差。。。所以」

阿培搶說
「所以你哋便盯上了我和阿俊的靈藥，因為我哋兩個嘅靈藥係正靈藥。呵呵，咁你話俾我聽，你哋仲有咩理由放過我哋？」

「哇。。。你果然好聰明。」武哥搖頭歎道

「可惜，就係太聰明了。」

咻！

冷不防地，一斧突然飛來！

鐺！

斧頭插在盾牌上

阿培早有警戒，及時架出盾牌，擋下了一擊。

我亦不甘示弱，向他飆出一矛！

颼~

長矛插在他身後遠處，不中。

「好了，係時候結束呢場鬧劇了。」
武哥突然眼露兇光

「小心阿俊！係靈藥能力！」

「‘‘好動’’ ！」

蹦蹦蹦，心跳立即加速起來。

我倆全神貫注，緊盯著武哥。

但發動能力後的武哥，沒有任何奇怪動作。

仍舊係一斧，被他狠狠拋來，阿培照舊架盾一擋。

噹！

又一把斧頭插入了盾牌表面，

「嗡嗡嗡嗡嗡嗡～」

然後奇怪的事發生了！

插在阿培盾牌上的斧頭，居然自行震動起來！

說真的！
就好似把斧頭有了靈魂般，居然詭異地自行搖動起來，而且搖動的頻率很快，很激烈！

喀嚓...喀嚓

「阿培！鬆手！」

條條裂縫頓時由斧刃插入處蔓延開來。

不用片刻，噼哩啪啦啪啦啪啦⋯⋯

那塊防暴盾牌已被震碎成細塊，不能再用。

「哇。。。」
這匪夷所思的畫面讓我倆徹底O嘴。

好動到底係乜嘢能力？居然如此恐怖！

「嘿嘿，係了，你地係第一次同靈人戰鬥吧，其實猜測對方的能力都係樂趣之一呢。所以，」

咻，咻

「好好享受吧。」

又是兩把飛斧襲來，但今次無得擋了！

「避開啊！」

無了

唔夠喉

好一個無了.....聽日出多d plz

留名 個故真係好似mon hun

終於追到live

lm