【冒險】《自殺後先知, 原來人生真喺有得洗首抽》

追到live,留名支持

不離不棄

正皮正皮，瘋狂正皮

甲蟲王者

獲得新技能

硬係覺得文叔有古怪

仲未有

Why?

這感覺好奇怪，就好似腦海中突然出現了無數的光點，而且數量不少，讓我有些窒息。

加上眼前的螞蟻望實住我，讓我覺得很詭異，恐怖，忍不住叫了句

「哇啊啊！ 走開啊！」

出乎意料地，螞蟻們真的退開了條路。

它們真的讓開了。


呃。。。。。。


WTF！！！！?

「呃。。。。！」
我驚訝得說不出話，這大概是我這輩子遇到最詭異的事！

「唔通我。。。全部過黎！」

我試著下了個命令，誰知這群螞蟻真的向我爬來，仲豪不客氣地開始爬上我褲管，嚇得我即刻大叫

「哇哇哇！夠啦！夠啦！ STOP！STOP！」

螞蟻們瞬間停下動作，靜止了下來，就如軍紀嚴明的士兵。

看來我真的可以控制呢班螞蟻！

「咁。。。」
我戰戰兢兢，試著抱起抓住我褲腳的傢伙。

這小傢伙居然聽話的任由我放在手上，頭也不轉的對著我。

我發覺佢有一邊觸角短了一截，頭上的觸角仲向我一彈一彈，顯得這小傢伙莫名有些喜感。

「哈哈。。。哈哈哈哈。」
我興奮地舉起它，傻笑起來。

點解嘅！ 點解我可以控制你哋。。。！

「俊仔！咦。。。 俊仔呢？」
忽然，梅姨的聲音由不遠傳來，嚇我一跳。

親和嘅力量
可以溝通之後會唔會唔捨得殺啲昆蟲

「啊，弊啦。。。唔可以比大家發現你哋。。。」
我下意識想走返去，但點知後面班螞蟻居然自動跟來。

「啊等陣，你哋，你哋留低！ 除咗。。。你。」
腳下的螞蟻停下動作，手中呢隻則晃了晃頭。有啲萌。

哈哈，可能得我呢種怪人先會覺得你可愛。

「呃。。。咁你爬係我背脊後面。」
這傢伙真聽話，立即沿住我手臂爬過，癡在我後背。

暗角距離花槽有些距離，我跑了回去，梅姨一見到我，便叫
「俊仔！你拎我包糖去咗邊啊？」

「無啊梅姨，我。。。我去吹下風咋嘛。」
我說著不習慣的大話。

「哦。。。咁點解要糖嘅？」

「肚餓啊唔係，我中意食甜品。」
其實我最唔中意食甜嘢。

「哦。。。原來係咁。咁你仲要唔要。。。」梅姨盯著我手上包糖

「啊唔使啦梅姨，我夠啦，俾返你。」
我將包糖塞回梅姨手上，並對住佢反常地向後行，

成個動作十足白癡，但都費事俾梅姨見到我背後的秘密。

「俊仔， 咁我聽日」

「拜拜梅姨，早抖啦！」
沒待她說完，我已轉過墻角，狗衝回自己的帳篷。

「哎真係衰仔，咁急做乜。。。嗯，唔知佢中唔中意食香蕉呢。。。」

呼呼呼。。。

返到自己帳篷，我立即命令

「呼，落返黎。」
隻螞蟻果然聽話，爬回我手上。

我將呢隻嘢放在自己枕邊。。。

「啊啦啦。。。點搞呢跟住。。。咦？」
我忽然意識到，腦海中的光點只剩下一點，其餘的光點消失得無影無蹤。

奇怪。。。

於是我閉上眼，努力去感覺腦中的那個光點。。。就如在心中響應它一般。

。。。。。。係你？

眼前的螞蟻點了點頭。

。。。。。。你聽得明我講嘢？

眼前的螞蟻又點了點頭。

原來嗰光點真係隻螞蟻。

。。。。。。咁你講唔講到嘢？

。。。。。。

光點開始一大一細地閃爍，
沒有任何明確的話說傳回俾我，但卻有一股好細嘅意念出現在腦裡。

那意念就好似一種感覺，是一股否認的感覺。

整個畫面變得不可思議，神奇萬分。

最偉大的生物和最渺小的生物，居然在互相交流。

我心中的感動，已經頂唔順，眼眶充滿淚水。

「嗚......」
喜極而泣，我小心翼翼抱起它。

可以同動物溝通交流，係多少生物學家的夢想。亦是我以前成日幻想的事。

但我宜家已經輕易做到了。

人係渺小
螞蟻真係偉大

傳心師

「呼哧，呼哧」我擦了擦鼻涕「見你少左一隻角，少角少角，就叫你小角啦好無？」

小傢伙心有靈犀，觸角點下點下好似點頭般讚許了這個名字，逗得我童心大發。

「哈哈哈，太好啦，太好啦。」我訓低在睡袋上，和它促膝而坐。「如果我以前可以聽得到你地講嘢，咁我就唔會。。。啊」

啊對了，說好的，不再說了。

「總之，你以後就跟住我啦，好唔好啊？小角？」
我掂了掂它觸角，小角亦點了點頭回應，腦內的光點亦傳回喜悅的意思。

不知不覺，我已趴在睡袋內睡著。

畢竟今天，有太多的驚喜和感受了。

留名無壞

第二天，也不知道睡到了幾時，聞到一陣香味飄來， 肚子的咕咕聲自然叫醒了我。

「啊啊啊~~~」我打了個呵欠，走出帳篷，其他人已經出左黎簡單梳洗

「早晨啊文叔。」

「早晨，琴晚訓得著嗎？」

「嗯嗯嗯，訓得著，琴晚我」

誒？琴晚？

啊小角！

我慌忙衝回自己帳篷，咋眼一看，原來小角仲係我枕頭上一動不動，這是螞蟻獨有的訓教姿勢，發呆就係休息。

「呼呼呼。。。好彩真係真的。」
腦海內的光點仲係到，不過現在我多了個秘密要守了。

「做咩啊俊仔？無端端咁緊張嘅？」
文叔好奇走來問

「啊無，無，我。。。我仲以為我唔記得左摺被！ 原來我摺左，哈哈哈。。。」
我拉上帳篷門，掩飾秘密。

「哦係啊， 」文叔略略皺眉「咁過黎食飯啦，梅姨一早就煮左好多餸啊，睇下佢帶左幾多嫁餐。」

「噢噢~ 正喎！」我走前一看，哇~

我們帶來的餐桌上已經擺滿了一些家常便飯，飄著濃濃香味，側邊則有個便攜式瓦斯爐同眾多調味料，一睇就知全部都係梅姨的傑作。

不愧係個專業的家庭主婦，就連係野外都煮到一餐大餐。

「咁我開動啦！」
真的餓壞了，我不理其他人，先狼吞虎嚥起來。

原來主角先係真正既動物傳心師

「哇，梅姨仲整左朱古力香蕉啊！係俾邊個食嫁？得一條。。。」
阿培食下食下，發現左台上有新的美食

「哈哈，個衰婆又會咁得閒整甜品都有嘅。」
國叔不忘口賤一下。

「呃。。。應該係俾我的。」我唔好意思地認投左條蕉。

哎，這就是隨便講大話的後果。

食得七七八八後，「啊啊~ 好飽，係呢梅姨呢？」

「唔知啊，一起身就見唔到，凈係見到呢餐飯。」

「咁啊，咁我去叫佢食飯，阿培，幫我食埋條蕉啊。」

「喂呀！我唔食啊！」

我推了碟朱古力香蕉俾阿培，立即逃之夭夭。嘻嘻。

「梅姨！ 梅姨！」
我沿著花槽邊緣搵了陣，都係唔見梅姨蹤影。

「啊真係奇怪，無理由會走咁遠嫁？」

我又繼續搵左陣，

但真係無，搵曬了附近，都係唔見。

「唔係出左事啊？」
心裡開始有些擔心，有些著急。

「梅姨！ 梅姨！」
花槽的兩邊都搵過了。 梅姨唔見左。

「屌，到底係邊啊。。。 去廁所都唔會去咁遠掛。。。咦？」

突然，我見到對面的花槽有些不對勁。

有兩行螞蟻在那邊行著軍，運著一粒粒白色的粒塊。

「嗰啲係。。。？」

我好奇上來，觀察了附近有沒有人影後，立即移動到對面花槽查看。

「梅姨！ 梅姨！」
爬上花槽邊，我向入奔跑著叫喊梅姨。

翻開一片片草叢，最後， 我揭開一塊草葉，

映入眼中的，是一大塊恐怖的血灘，紅色的血痕四撒在沙地里，到處狼藉一片。

而血灘的前面，正有一人攤坐在花槽墻邊，一動不動。



咚




心臟狠狠停頓了一瞬。






「梅姨！ 」