【冒險】《自殺後先知, 原來人生真喺有得洗首抽》

多謝意見 我會試下

有文未？

樓主我等你

就出 等多陣

加速呀樓主

好睇

等...寂寞到夜深

1 點啦

lm

等天光

國叔。。。國叔！

走啊阿俊！唔好辜負國叔！走啊！

走啊，走啊。。。。。。

。
。
。
。
。
。

失神落魄,我被阿培拉扯著不知走到了何處，

終於停下。

「嗚嗚嗚嗷啊啊啊。。。」
我痛苦地跪在地上，這刻，我心裡只有萬分的內疚和悲憤。

我內疚的是，國叔犧牲了自己，救了更加不值得救的我們。

悲憤的是，就算做好了準備，面對殘酷嘅現實我們亦只有逃跑的份。

「嗚嗚。。。」
阿培亦含淚在旁低泣

「要振作，要振作嗚嗚嗚。。。國叔，我哋唔會辜負你。。。‘邏輯’ 」

阿培眼瞳現出紫光。

「呼哧，呼哧。。。唔好喊唔好喊，先切斷情緒反饋，逃跑。。。過濾。。。整理。。。分析。。。呃啊啊啊啊」

這次阿培似乎有些經驗，進入邏輯狀態一會兒便退了出來。

「呼，呼，呼，阿俊！ 我哋要走。。。 」

「仲可以走去邊。。。」
我握緊了拳頭

「我哋仲未脫險，要快啲走，至少都要撐到返靈都，我哋手到有靈藥，佢哋一定會追過黎！」

「又要逃避了嗎我哋？」
我抹走眼淚，搖搖頭問

心中有股恨意折磨我，我咬著牙根，不想逃跑。

「我哋兩個係自殺而死的，無論點都好，梅姨，國叔佢哋先係更加值得轉世嘅好人。但係宜家。。。宜家」

阿培隨即怒喝
「咁唔跑，我哋仲可以做乜嘢啊！ 反擊？宜家無咗國叔，我哋根本打唔過佢哋，所以」

「但係我好唔甘心啊！ 」
我撒出熱淚，嘶吼出心中的不憤！

無錯！

我唔甘心。

這壞人當道的世界，我唔甘心。

這無力的感覺，我好唔甘心！

「唔甘心咁又點？ 連國叔都敵唔過佢哋兩個，我哋又有咩資本去報仇？」

「我有靈藥同佢地！」
我喚出靈洞，放出洞內的全部螞蟻，武器，有了小角他們的出現，場面頓時變得壯觀！

「 與其帶住內疚苟且偷生，我倒不如轟轟烈烈同佢哋死過！呢啲就係我目前所有嘅戰力！ 我唔要再逃避 ！！」

無錯，我受夠了！

「。。。。。。」
這曬冷的場面讓阿培一頓，隨即陷入沉思。

「所以阿培，我一定要去。。。你唔想嘅話，我都唔會」

「我唔會係啲咁嘅人，唔好再咁講！」
這次到阿培發怒，打斷了我

氣氛瞬間陷入僵局，半晌

「唉。。。。。。雖然逃跑嘅成功率大啲，不過」
佢拎出一個髮圈，重新紮好佢條馬尾。

「我都唔想放佢哋。所以呼~~」

「阿俊，你知道我嘅邏輯係可以短時間活化腦能力，我就為“有無可能反擊”，再進入一次邏輯，如果可能性太低，我哋就放棄。」

「嗯！」
我點頭答應，心裡有些欣慰。

至少阿培嘅心同我一樣，都想反抗惡的他們，如果唔係就唔會再審視一下反擊的可能性。

「邏輯。。。」
眼瞳紫光一閃，

反擊，戰力，文叔，斧頭男，阿俊，我，邏輯，衝動，貪婪，親和，靈藥。。。。。。

「呼呼呼呼。。。」

「點嘛阿培？」
我扶起累坐在地上的她

「可能性有啲低。。。」

我心裡一沉

「但並唔係無可能，我覺得，值得一搏。」

誒！？

「係咁嘅話，開始計劃吧。」阿培望去不遠的一顆樹邊，說。

「好！」

反擊嘅狼煙，正式點起。
。
。
。
。
。
。

🚬

。
。
。
。
。
。
「啊？嗰兩個𡃁妹仔到底去咗邊呢？」

「唔知，但應該走唔出呢座山。武，捉緊時間，國叔嗰老狐狸提醒咗佢哋，後日就係第三十日，靈圖一冷卻完，佢哋就會走甩。」

「放心啦阿哥，呢座山我熟曬，而且佢哋走嘅方向，嘿嘿，我擺咗啲嘢。。。」

「擺咗啲乜嘢？ 陷阱？」

「無錯，係陷阱，如果踩死，必死無疑。。。啊弊！阿哥你好似話想留活口？」

「唔緊要。」
文叔揚了手

「死咗都無所謂。。。畢竟。。。佢哋太聰明了。」

咕嚕

阿武吞了吞頸。

此時，

「砰 —— ！」
一聲響雷貿然炸起。

「哥！係信號！ 佢哋踩中咗陷阱啦！」

「喔 ！？」

「哈哈哈，呢個信號，佢哋中大獎啦！呢個陷阱係二段式陷阱，踩中的話首先會被網上半空，跟住被暗處嘅十字弓射中，最後發出信號通知我，我整左呢個陷阱好耐啦，所以佢哋一定。。。咦？ 」

文武二人立即趕來，到達現場。

但陷阱現場只剩下一個空網掛在空中，地下則一片雜亂，各樣食物散落在地上，狼藉一片。

「誒。。。明明無中陷阱，但佢哋靈洞入面嘅嘢又跌曬出黎。。。」

「因為你嘅陷阱，我一早睇穿咗。」
猛地，阿培突然在一樹後走出來，冷靜說

「係你啊，阿培。」

「文叔。」

二人冷言冷語打了照面。

「不愧係冰雪聰明嘅你。。。」

「文叔，唔使客氣啦，你哋追過黎嘅原因，無非都係呢個吧？」
少女拿出一瓶藍色的靈藥晃了晃，是國叔給她的“衝動”。

「呵呵呵，其實唔係， 我追過黎嘅原因係想你哋加入我哋。」
文叔打開了手，歡笑說

「加入你哋？」阿培皺眉

「無錯，我想你哋兩個加入我嘅團隊，阿培你應該知道，點解文叔我會咁做吧？」
文叔扯了扯自己條花間領帶，說

「係為咗靈藥？」阿培再問

「嗰個當然係原因。不過你哋唔知嘅係，靈藥嘅得手難度其實會越來越難。」

「越來越難？」

「無錯，你仲記得最初聽到嘅嗰句說話吧？死後嘅我哋，是為靈人，靈人係為咗靈藥而存在的；至於靈藥」

「係會賦予我哋靈人特別嘅能力。對吧？」
此時阿培打斷了文叔。

「你眼睛嘅紫光。。。你幾時合成咗靈藥？」
文武二人面上都顯出不可置信的眼神

「一開始就有。」
阿培已進入了邏輯，冷冷道

「一開始。。。！？ 唔通你係自殺死嘅人？」
文叔驚訝道

「呵呵，睇你咁嘅反應，我之前嘅推斷果然無錯， 自殺嘅人係會先有一樽靈藥的。」
阿培顯出一笑。

衝呀