【冒險】《自殺後先知, 原來人生真喺有得洗首抽》

「唔搭lift唔通爬上去啊？ 你哋唔係以為條樓梯好似以前咁，好易爬啊？」

對噢，現在的事實是一級階梯已高過我哋個頭，如果爬樓梯，一定爬得費力之餘又無效率。

「但係文叔，lift入面嘅攝像鏡頭點算？ 」
阿培洞悉了漏洞。

「唔使擔心，死咗嘅人係唔會被啲電子儀器，相機拍到的。更何況依家又無人無剩，我哋出發啦！」

又好似真係無乜後顧之憂，於是我哋動作迅速跟著文叔，快走到另一邊的lift門口。

「記住，我哋嘅時間只有六個鐘，早上六點學校就會有人返黎，所以一定要係天光之前走。」
文叔拎出長矛， 擲去電梯制。

啪！

電梯制受力一縮，向上的箭嘴圖案隨即亮起紅色，lift門上的樓層數字亦漸漸向G移動。

等到G字亮起後

「地下，地下，going up。」
三語翻譯的電梯語音響起，兩邊的lift開始退去，到了，電梯。

誰知電梯一到，我哋都仲未反應得切，文叔已經一馬當先跑入lift口，緊張大叫
「啊頂唔記得講，我哋無得按住lift等，同埋條空隙好大，所以要跳過去，快呀！ 」

「屌你宜家先講！」
我哋四個同時屌了句，立即跟上文叔。

「請勿靠近lift門，請不要靠近升降機門，Stand Clear of the door。」

嘟嘟嘟嘟嘟嘟嘟。。。

嘣。

門已關，全員安全無恙。

「呼呼。。呼其實我哋頭先可以文叔入黎先，真係一次入唔曬嘅，都仲可以按lift啊。。。」
阿培喘氣而坐

「啊 啊啊。。。係喎哈哈，阿培果然冰雪聰明啊哈。」文叔尷尬笑起來, 自然惹得我地痛罵.

一番胡鬧後, 長矛擲中3字.

「往上，going up。」

電梯徐徐上升，門頂的數字，亦由G開始逐個逐個亮起。

嘣。

「三樓，請小心lift門，請小心閘門。。。。。。」

「出發! 快!」

lift門一開,我們五人吸取教訓立即動身跑入三樓.

昏暗的學校走廊，空無一人的教室和窗戶，以縮細的角度望，黑暗的角落更加是多得恐怖。

但我們已進入此處，只能繼續行落去。

「慘啦，邊一邊先係去溫室呢？」
文叔也不知道這層細節

「呢邊聽得到少少滴水聲，會唔會係溫室種植植物嘅灌溉系統。。。？」
阿培俾出提示，我們立即附和繼續出發。

在長長的走廊上，我們跑過了一間又一間的教室，最後來到一間不同於其他教室門的房門。

門外碩大寫著“我們的花園”五字，旁邊掛了幾幅充滿稚氣的動植物圖畫。

「最邊嗰個窗無關曬，我們由嗰到進入吧。」

都是老方法，不過今次文叔係長矛末端系上一條安全繩，長矛一擲，帶著繩的長矛直直飛去窗戶的空隙之中。

一拉一扯
「嗯。。。 應該卡實咗，我爬入去睇睇情況先，等等俾指示你哋。」

不愧為隊長，文叔熟練順著繩爬上窗邊，又打來手電燈向我們閃了三下，是安全的信號。

折騰一番後，全員到達窗邊。

「嗯。。。」

的確有泥土的氣味，成間房中央位置擺放左超多盆栽，種著含羞待放的花蕾，天花上有一排排的水管滴著水，這裡是溫室無錯了。

「嗰邊。。。見唔見到？ 有一排玻璃箱。。。」
文叔指住另一邊的窗邊，果然有一張靠牆長枱，擺放了一排亮著微光的玻璃箱。

「免費素材。呵呵。」國叔發出冷笑「走吧。時間有限。」

沿著窗邊，我們走到了長枱上。

略略望去，有些玻璃箱是沙地環境，有些則是水，更有開著太陽燈的，而在後方墻上，醒目地貼了一幅超大的介紹版，上面寫著

“生命教育展覽，認識有趣動物吧！”

介紹版下面的資訊則話咗俾我哋聽，前面呢排玻璃箱有啲乜嘢動物。

「哇，原來呢到有守宮，天竺鼠，金魚，青蛙，雨林蠍，巴西龜，鱷魚龜。。。全部都係借返黎的。」
梅姨說。

「俊仔，你點睇？ 我哋應該殺邊隻易啲？」
國叔單刀直入

「其他都還好，不過雨林蠍同鱷魚龜就。。。」
呢兩樣，就有啲危險了

push

「呢兩樣難度太高？」國叔皺眉問

「無錯。。。呢兩種生物係捕食者嘅級別，同等嘅size下，就算係我哋五個人都未必打得贏，分分鐘仲棘手過勇斧螳螂。」我如實照答，說真的如果在野外碰到，我都應該會選擇避開。

「咁啊。。。」文叔聽後一沉，「咁我哋由金魚開始吧。 雖然稀有嘅素材大機會合成到稀有嘅靈藥， 但如果死咗就真係乜意思都無了。 」

「嗯。」

於是我們走去圓形的金魚魚缸那邊。

但
「咦？」

神奇的是，魚缸的水中，一條魚影都無，只有幾條水草浮下浮下，顯得格外孤單。

「無魚嘅喂？俾貓食咗啦？」
國叔罵道

「仲有，呢邊嘅守宮，天竺鼠，金魚，青蛙。。。 箱入面都見唔到佢地蹤影！」
阿培已先行探查完，報出結果。

我心中一沉，咁奇怪？

「吓？ 唔會掛？咁我哋咪白忙一場？」
文叔惱悔說

「咁鱷魚龜同雨林蠍呢？」
我問

「有。。。佢哋仲係到。。。」
阿培指了指最尾那個沙地箱和水箱。

我走去查看，的確，這邊淺水的水箱里確實有一黑影在水中；
至於另一邊的沙地環境，角落一個遮蔽用的仿真樹洞內則有對大鉗露了出來，一動不動，反而更讓人心裡發毛。

「但點解會剩下呢兩種生物嘅？」
我開始思索起來，有些奇怪。

「會唔會係個展覽就完，所以學校開始還返啲寵物俾人？」
阿培指了指墻上的壁報日期，的確，個展覽聽日就完結，有呢個可能。

「咁我哋宜家仲繼續狩獵嗎？雨林蠍或者鱷魚龜。。。二選一？」
國叔問

「頭先俊仔唔係話好危險咩！蠍子同鱷魚喎！你仲係人嗰陣都驚啦係唔係啊？」
這時梅姨跳出來阻止大叫

國叔亦十分堅持，堅持還嘴
「機會難得啊嘛，唔通我哋大費周章黎咗，但乜嘢都唔帶返去咩？ 」


「的確，」出乎意料地，文叔都出了聲 ：「如果第日需要蠍子或者鱷魚龜的素材，就應該要走去其他雨林地區或者叢林，危險更多之餘，仲要未必遇到，宜家確實係個機會，俊仔應該明白我講乜。」

我腦筋一轉，文叔的確言之有理
「無錯，呢種雨林蠍同鱷魚龜，都要係啲熱帶雨林，或者未俾人類開發過嘅叢林先可以搵到佢哋嘅蹤影，如果宜家唔拎佢哋嘅素材，恐怕以後都無機會，如果真係要依家狩獵嘅話，我會選雨林蠍。」

「好，一於就蠍子啦！ 」
國叔摩拳擦掌，興奮得很。

「吓，但係蠍子。。。 」
梅姨明顯係害怕了，好彩阿培在旁，她向我打了個眼色後，安慰梅姨

「梅姨，其實反返轉黎諗，我哋之所以選擇係社區到探索，就係為咗係安全嘅地點見到啲平時見唔到嘅獵物，而且有阿俊同我兩個後生仔係到，一定保護到你嘅。好似上次咁，用彈弓射佢弱點都得㗎。 」

其實主角睇果本係動物百科定昆蟲百科黎

我立即醒水，亦拍拍胸膛逞強說
「係咯梅姨，有我係到，唔驚！」

梅姨聽了，嘴角一抽
「唉，我都知我無乜用㗎啦。。。竟然俾你地安慰返我。」

「不過，阿姨我話曬都係做人阿媽嘅人，邊個保護邊個，其實應該調返轉先啱。 」
說畢，梅姨抽出一把長矛，眼神亦閃出戰意！

「好啦，蠍子就蠍子啦！梅姨我都豁出去了！」

「咁就啱啦，大家一致決定好啦嗎？ 今晚就狩獵呢隻蠍子啦！ 」

突然，就在這時，一聲莫名奇妙的聲音傳來






麵包...蟲...

麵包...蟲...










「咦！？你地聽唔聽到啊？ 有聲。」
我聽得好清楚，但係...

麵包蟲...？

「聽到啲咩？有聲咩？」
眾人疑惑問

「咁清楚都聽唔到？把聲係咁叫麵包。。。 」






麵包...蟲...麵包...蟲




「又出現啦！聽到未？」
我興奮大叫，但

「吓？無聲wor真係 」
眾人都搖搖頭表示聽唔到

我望向阿培，阿培都擰頭「真係無聲，會唔會係你太累，有幻覺？ 」

我不可置信
「無理由㗎，我真係聽到...」




沙沙沙...






「啊又出現了！今次唔同，係沙沙聲...」

「我哋都聽到啦！你望下你後面！ 」






沙沙沙...





我轉頭一望，原來玻璃箱內的怪物爬出洞口了。

一對駭人的長毛大鉗，三對修長的步足加上渾身都是不詳的黑色，更別提那支懸在它頭頂的紅色尾針。


這怪物的外觀和大細，恐怖得叫人內心顫抖。


雖然我頭先拍曬心口話要狩獵佢，但真的有把握嗎我？


這次的獵物係




馬來西亞雨林蠍




世界最大的蠍子之一

而呢個副本就聽日先打啦

可唔可以入殮房拎人既素材嫁

醫院好多人

今次無圖既
上網search左，隻蠍成隻手掌咁大

因為我未寫好

多左好多 正呀

唔見左人既

依家出

我吞了吞頸，這恐怖的蠍子，體型遠超想象，展開的巨螯觸目驚心，懸在它上方的勾刺更像死神的鐮刀，感覺一碰即死。

只是來到這里的覺悟已經有了，
於是我與眾人開始商量如何狩獵這魔物。

「嗯，好，只要關鍵嘅阿培把握到機會的話，呢個計劃至少有八成把握，就照俊仔講嘅做吧！」文叔爽快道

「無問題，阿叔我同意。」國叔說

「係咁嘅話，國叔，文叔，我哋開始吧。」

雖然不是信心十足，但以我們五人之力，要狩獵它應該不難。

任何生物都有其弱點，

我知道你的弱點。

你也只不過是區區一隻蠍子罷了。

「準備好未？ 我打開蓋啦各位。」
我哋五人站在玻璃箱上面，梅姨一用力，上方的膠蓋便已打開。

我們的計劃，便是四人落去，梅姨留在上面。

「入去吧。。。為咗靈藥。」

咚。