【冒險】《自殺後先知, 原來人生真喺有得洗首抽》

pish

睇來我無估錯
正常人點會一次過帶四個咩都唔識剛剛死
重要識左兩日既人又要廢過自己既出去玩得架
重要成程扮廢

唔知點解一開始見文叔問邊個自殺，又逼人殺螞蟻已經覺得奇怪
但後來見佢正正常常又以為佢好人

又要等過

唔通殺死飲過靈藥的人都可以得到佢的靈藥？

「下！？」
我心中滿滿的疑惑，阿培用完邏輯思考完，得出嘅結果居然咁荒誕？

「我知你宜家一定好亂，但你要信我快啲上山！如果唔係就黎唔切啦！ 」

「咁你呢！ ？」我驚慌失措。

「留我係到！我暫時未行到住，但你要快！」

點算？

激動到咁嘅阿培，說的話不似係假的，但係要留低阿培一個，我又不放心。

「快啦阿俊！ 」

「唔得， 我唔可以俾你自己一個留係到！」

「唔好理我啊！快啲，哇——！」

我不理她尖叫，決定一把背起她

「宜家上山無問題，但要走，就要一齊走！ 」

「你係唔係傻嫁！ 我都話」

「唔好嘈！」我大聲喝停她

「係路上解釋俾我聽吧。捉實我。」

我唔俾阿培再爭執的機會，立即背著她游繩而下。

「咩方向？」

「呃。。。呢邊。」
我順著阿培指的方向，開始往山上趕路。

「講吧，點解你會諗到文叔係叛徒。。。」
幸好阿培體重不算重，我還有餘力邊揹她邊問。

只是，我真不敢相信，文叔是這樣的人。

「首先係第一個疑點，我一直都奇怪，點解世界咁大，斧頭男會偏偏遇上我哋？」
阿培伏在我背上，對著我耳邊說

「呃。。。唔會係巧合咩？」我側頭問

「都有呢個可能，但要非常非常巧合, 斧頭男先會咁啱係個花槽撞到我哋。你試諗下，其實縮細咗嘅我哋本身已經難搵。要撞到一直小心行蹤的我地，有啲難度。 而且，點解佢要殺梅姨先？ 嗰日我哋聽曬文叔話，全部返曬自己帳篷休息，無人站哨。 所以係嗰段時間，其實斧頭男佢大把機會落手。但點解偏偏要係梅姨先？ 仲要故意將梅姨拖到咁遠先下殺手？」

「呃。。。」
我不知怎麼反駁，但又覺得阿培問得有道理。

「好，就當呢啲真係巧合先，斧頭男真係咁啱得咁巧，撞到梅姨落單，再狠下殺手。但跟住落黎就係第二個疑點，阿俊，你仲記唔記得，第一次俾斧頭男踢開，斧頭男同你講過啲乜？」

「我記得,我有同你講過。。。」

「嗯，其中有一句說話，斧頭男咪笑你：“第一次出外探險，你以為敵人凈係得啲畜生？ 有太多危險你無留意到了 ” 呢句有無印象？」

「有。。。咁又點呢？」

「呢個就係第二個疑點，」阿培深深呼吸一氣

「 點解佢會咁肯定，我哋係第一次外出探險？」

咚

心中猛地一震

這問題讓我毛骨悚然

「點解第一次撞到我哋嘅人，會知道我地今次係第一次外出探險？只有一個可能性，就係有人一早話左俾斧頭男知；然之後就係第三個疑點，」

我心裡越諗越心寒

「點解文叔要隱瞞靈藥嘅事？」阿培徐徐解釋

「明明文叔好清楚，靈藥是可以覺醒能力的，但佢卻對住我哋四個隱瞞靈藥真正的價值， 我推斷嘅原因係，佢唔想我哋發現靈藥嘅能力。」

「點解唔想？」
我嘴唇顫抖，如果事實真係咁，恐怕。。。

「因為佢害怕我哋使用能力。」

「害怕？」

「跟住落黎就只係我單單的推斷，雖然毫無證據，但我估靈藥應該是可以互相掠奪的！所以文叔先故意隱瞞，因為佢唔想我哋發掘自己靈藥的能力，如果唔係就會係搶靈藥期間產生不必要的變數。亦因此梅姨」

我恍然大悟：
「喔！！！所以梅姨先會係第一個被盯上的人，因為係佢最先飲左“溫和”。」

「嗯。。。無錯，由於我哋兩個人因為自殺隱瞞咗自己有靈藥，文叔唔知，但係國叔就」

我激動搶答
「但係國叔就有靈藥！佢嗰樽靈藥係“衝動”！」

「所以跟住落黎，國叔就係第二個！」

「仆街，原來呢個係個局！」

這種後怕，不禁讓我頭皮發麻。

要到底多壞，才會計劃出如此邪惡的陰謀！

「所以阿俊，要快啊！ 要係斧頭男與佢哋撞面前阻止咗先啊！」

「嗯！」

我憋氣用力奔跑，向山上行。

途中，當然有不少生物的細語由耳邊傳來。

老鼠。。。

青蛙。。。 蜘蛛。。。

蟲。。。
。
。
。
。
。
。


聞聲辨位，親和能力讓我變成了一座生物雷達，我統統避開曬附近的生物，直跑上山。

蝸牛。。。蜥蜴。。。老鼠。。。蛇。。。

咦！？

這個細語係前方頭頂傳來的。

我連忙停步，靠樹蹲下。

「阿培，落黎！」

「嗯。」
聰明的她亦沒有多說，乖乖聽我話。

「前面嘅生物有啲不妙，要等佢走咗先。」

我探頭向前偷看，只見樹上有一黑影慢慢爬動。

雖然心裡很急，但此刻只能等呢隻生物走左先

「係咩黎？」
阿培有些好奇，在我身後問

「唔知，睇得唔清楚。。。但係佢中意食嘅嘢並唔簡單。 佢係肉食動物。」

這個黑影的尾巴有些似曾相識，但係太黑了，我不敢肯定。

「沙沙。。。」

最後，幸好它沒有發現我哋，慢慢由樹上爬走了。

「我行得路了，走吧！」阿培拍了拍我

趁這空隙，我倆亦把握機會再次出發。

「就到了。」
跑著跑著，草地里終於出了一條水泥路，

「沿著呢條路上去，應該就係魔鬼山碉堡，亦即係斧頭男圈住嘅地點。快！」

心如急焚，我倆一路跑一路開始擔憂。

又急奔了段路，前方出現一些石頭疊起的建築殘骸。

錚錚鏘鏘 ~

「係附近了！聽唔聽到啲聲？」
打鬥聲在遠處的碉堡內傳來，我和阿培提起精神，急衝過去。

踩在古老又荒廢的碉堡走廊內，走在入面，這簡直就係個龐大迷宮。
「錚錚￥#%#鏘鏘 #@ 」
雜聲越來越大

「呢邊阿培！」

一拐出右手邊走廊。

只見遠方，斧頭男已和國叔正開打對砍。

但係

「國叔！ 小心背後啊！」
我倆急到眼都飆淚，用盡聲勢大叫

因為文叔還在國叔身後！

「阿俊阿培！ 快啲過黎幫我！仇人係到啊！ 」
國叔瞟到我倆出現，喜出望外大叫

「走啊！ 小心背後嘅文叔啊！ 」

不。。。不。。。不！！

「背後？ 我背後咪有」






噗嗤











「我的確有講過，你哋嘅背後一定會有我吧。 」






一把厲刃，已從國叔背後直穿到他肚前。

鮮血伴隨著絕望，染紅了我倆的淚眼。

「國。。。」

唔好。。。

唔好再。。。




「嗚文叔你。。。！！你到底嗚噗！嗚。。」

「所以國叔，你就死係呢到吧。」

「國叔啊！！」

無了

哈 fake到你了

偵探型讀者

加油

其實初入靈界時有線索
靈界組隊時會話隊中有隊員有某種靈藥
就好似技能咁 令隊伍成功率上升

眼鏡王蛇？
食蛇嘅又喺樹爬嘅

在生既人死後 同 死左既人死後既屍體有無可能拎去做靈藥？

er。。。