【冒險】《自殺後先知, 原來人生真喺有得洗首抽》

推

病病地寫唔落

休息下先 聽日再出雙倍

樓主休息好再寫 好好睇！多謝你

樓主好返未?

未 今日又要睇醫生

有文未

催

推

快d好返
好故係我每日既精神糧食

我想睇故呀

Lm

推

今日好返啲 應該出到

咁要出多少少啦

加速

早上終於到了。

無論有無休息足夠，日光始終會照射大地，照亮屋內的黑暗。

「天光啦！」
附近的景色總算看清，見唔到其他生物，於是國叔先跳了落下去。

畢竟在天后像上休息也不太舒服，我哋亦跟上，落地後狠狠伸了個懶腰。

「啊啊。。。好攰啊，琴晚成晚無訓到。」
國叔抱怨說

「我哋係到食埋個早飯，就出發吧。」
文叔已經開始準備行程

「等等，琴晚嗰到，好似仲有啲嘢剩。。。」

「嗯？」
我向琴晚，那隻高腳蛛狩獵的位置看去。

果然，那處的地面剩下了些東西。

似乎不是活物，於是我走去查看，

「噢噢！　呢啲係。。！」

原來昨晚的高腳蛛並沒有將蟑螂食得一乾二淨，所以現場還剩下了蟑螂的一些肢節。

而已好運的話，說不定這些殘羹剩飯可以。。。！

我激動連忙拾起幾支蟑螂腳，放入靈洞，果然，蟑螂腳全部在靈藥那邊出現，是素材！　

「喂！呢到有好多素材啊！」

眾人頓時精神一振，統統過來幫忙收集。

現場的蟑螂腳確實很多，足夠每人分到兩隻左右。

但是唯獨蟑螂頭，高腳蛛只食剩一個。

「怎麼辦？這個素材只有一個耶？」
我問向文叔，畢竟素材的分配，戰利品分配呢啲事關乎了利益。

「反正呢哋素材係我哋執便宜執返黎的，本身有就應該知足了，呢個蟑螂頭就猜包剪揼。」
文叔果然是這個小隊的領袖，提出的做法也相當服眾。

一輪包剪揼後，五人之中，是梅姨勝了。

「呢樣嘢。。。真係咁求其決定俾我？」
梅姨得到了蟑螂頭，卻遲疑不決。

「拎去啦梅姨，我哋講好咗包剪揼贏嘅就得到呢個戰利品啊嘛，收咗佢啦。」
文叔說

「但係，但係。。。」

「但係，但係乜嘢姐，」國叔亦勞氣起來「有著數你就拎啦，婆婆媽媽咁，大家目標都係想收集素材再轉生，使乜唔好意思姐。」

「。。。」
這番話講得真的無錯「梅姨，你就收左佢啦。」

「唉好喇好喇，既然大家都咁講，梅姨我就唔客氣啦。咳咳，靈洞。」
一個黑洞無聲無息出現在梅姨旁邊，梅姨開始講蟑螂頭放入自己的靈洞。

「咦？」
梅姨面色現了一絲驚愕。

「咩事？」

「我靈洞入面嘅蟑螂腳，蟑螂頭同螳螂腳唔見咗。。。我好似合成咗一樽靈藥了。」
梅姨不可置信的表情，更加讓這件事似真。

「哇咁好！真係靈藥？」

「快啲拎出黎睇下！係乜嘢靈藥？睇下睇下！」

眾人立即爆發出驚喜和好奇，畢竟這就是我們努力廝殺的原因。

「好，等我拎出黎先，呢樽靈藥叫“溫順”。」

「溫順？」

話畢，梅姨果然從靈洞中掏出一樽刻著溫順二字的靈藥，柔和又新鮮的綠色液體在瓶中蕩漾著，十分迷人。

「哈哈，幾啱你啊溫順，同你宜家個性格一樣啊梅姨。」
國叔笑了笑，說得有些賤。

「咁又點喎死衰佬，溫順唔好咩。」

「好，當然好。」這時文叔插嘴問「咁梅姨你宜家要飲？記住喎，飲咗之後，你下世人就會係個溫順的人啦，諗清楚未？」

「我一定要宜家決定？」
梅姨有些猶疑。

「咁又唔係，只不過有樣嘢要注意就係如果係野外死咗，靈洞入面嘅嘢就會全部消失，換言之你宜家唔飲呢樽溫順又萬一一個唔好彩死咗嘅話，你下世就連溫順呢個個性都無。」

「所以得到想要嘅靈藥，最好就係盡早飲咗佢。」
文叔緩緩解釋了原因，特別強調了最後嗰句。

「咁。。。好喇，我要宜家飲。」
梅姨慢慢扭開樽蓋

「上一世人，無論係自己細個做人嘅女，或者大個成為咗人地嘅阿媽，我都覺得自己溫順嘅性格好重要，雖然有諗過下世人想試下唔同嘅人生，不過上一世溫順的人生，我都過得唔錯呢。」

咕嚕咕嚕。

綠色的液體順著樽身，流入梅姨的喉嚨，亮麗的綠光瞬間在藥水經過的地方綻放。

就咁樣，我哋呢個五人團隊終於有一人合成到一樽靈藥了。

「咁我哋準備出發，跟住落黎會行一條遠路，準備好就走吧。」

「好！」

接下來我們跟住文叔帶路，出了天后廟，

走出戶外

「哇！。。。好刺眼！」
碩大的太陽頂在頭頂，那曾是只有在生的人才能享受的光芒。

「俊仔，解左你左手上嘅繃帶，將個傷口暴露俾太陽曬吧。」

「下？」我倒不是很明文叔的意思

「陽間嘅太陽都會幫我哋恢復傷勢同體力的，雖然比不上陰間嗰個太陽咁快，但總好過無。」

「喔喔」
我連忙扯下繃帶，被蟑螂咬傷的傷口果然開始冒煙，而且絲毫不覺得痛，只是有些養。

不愧係經驗者啊，文叔。

「啟程吧！」

「好！」
我們沿著茶果嶺道開始行進，走的路也不是一般的路。時而在水溝內走，時而上去一道小馬路奔跑。

目的就是為了繼續進深入去油塘入面。

只是這樣行進實在緩慢，撇除腳程短的原因，早上我們要避開人類目光，夜行又風險太大。

足足用了三日，我們終於到達文叔說的地點。

聖公會油塘基顯小學

「既然我哋選左社區呢種地點作狩獵範圍，咁入面就一定有我哋可以輕易拎到嘅素材，取易不取難，今晚我哋就會潛入呢間小學，去拎免費素材。」

文叔說得信心十足

距離夜晚仲有一段時間，我哋紮營在外面一處不起眼的花槽內，等待學校裡的保安收工。

趁著這段時間，我悄悄走開到一邊的暗處，這是一個花槽的暗角，邊有還有一行無害的螞蟻行隊，確認無人後，我拎出自己嗰樽靈藥。

是我一開始便得到的 親和

其實上次聽完文叔講，我都有些諗法。