2018繼續追擊永光堂恩典之家

其實參加出面社區中心既活動仲好
又有資助平好多
又可以開心咁享受

錯
永光書院少年團係訓練奴隸
第時大過左就有回報收益
有班人幫手做牛做馬，又送錢比你

好慘
感同身受，仲要唔可以借錢比人
姐係見到人地有難 係唔可以幫佢地
要助導先可以
啲錢比哂間教會 差唔多日日都饑饉日

助導緊係想你去

漏左講10份1奉獻 講真一個中學雞,仲要初中, 根本係冇收入. 但我每個月都有交, 因為唔交導師會搵你傾計 係導師 唔係助導. 佢問我咩原因, 是咪屋企有困難之類. 屌 common sense, 讀緊書邊有收入, 根本俾唔到先係正常. 10份1咪就係講緊你收入既10份1 收入=$0 0既10份1都係0. 但冇架 導師會叫你盡力交, 所以我每個月都係幾蚊咁交

再者, 每個星期日崇拜講道完都會奉獻, 即係傳果個袋, 次撚次冇錢但都要做樣放D豪子落去, 真係渣乾渣淨 宜家諗返都覺得on9

邊方面凌虐，我都愈做愈hea，所以冇乜壓力

依家改左（唔知以前係咪）奉獻可以唔比小錢，可以寫一張立志卡，但係我會嫌麻煩寫完比導師check住索性放小錢，一個禮拜2蚊連助養黑人改變一生都唔得咪當豪比佢

跟著十分一就唔交會話你逃稅（因為你係天國既子民），交0蚊都得既，不過個奉獻封有幾多導師助導睇過就唔知了

咁緊係會睇啦 屌
諗返都on9 以前勁誠心誠意去奉獻
覺得上帝會收到

+1

其實到最後只係想講永光少年團將信仰變左質

1.唔比拍拖、升團拍拖要有好野限制令到人生比擺佈（厄殺人之間既愛）

2.活動太過著重好玩（見人見智）而冇信仰意義，加上花費一般青少年難以負擔（家員基本上要參加全部活動(最禾味退修營700-800蚊/人，仲要食數，即係定一個目標入營人數，唔到目標就要填番唔夠既人既錢，癲上黎係千幾二千蚊）+十分一+團費+唔係住附近既車費［計過，我一個月要搭多200蚊因為癲上黎禮拜三四五六日都要番］）

3.重點放左係要邀請新人番黎參加聚會，導致家員被迫捨棄時間去做其他有意義既事（讀書、運動［講起運動有次家員group埋個導師要人退曬d校隊.］、義工、進深信仰，甚至休息），令到信仰本末倒置，令成個中學生涯搞到一pat屎咁，自己搞到咁身邊d人都唔會想番黎啦

4.家、團、組別之間存在惡性競爭，信徒之間理應互相幫助，但搞到大家表面平靜，但係水火不容（我既導師助導都不斷表示我地恩典之家係最出色，並曾經說過其他家的不是，團之間亦是，只是比較少），令到大家之間既溝通好虛偽，for example，有個弟兄既衣著比較韓風，另一個弟兄就係佢背後同我講話佢乸型。

5.未諗到 所以到此為止

牧師代收

要比人check
即係寫得唔合助導心意就比人屌啦
根本番永光堂好難有私隱

冇屌
係我諗唔到寫咩

整個list

我試過比人屌
話我唔太愛主
話我唔寫d同神有關既野

不能同意更多

比較文化，功利主義都根深蒂固既時候，翻教會既本質已經改變曬，一個暑假係可以做好多無謂既活動，其實又冇咩得益係為左競爭人數，咁浪費時間既只係自己。

當權者其實都發現到呢個問題，但係單獨為左牧區既發展同埋多新人，多人既教會先可以cap水做大，而放棄左我地既靈性，最後剩得既只係得翻班奴隸係度追數（有量冇質）

恩典係每年都包全個營地既
我有一年都要填數

比父母迫呢

push

不如組團係佢崇拜去搞事
利申：前紅衫 藍衫leader

本身基督教已經否定哂耶穌所留俾世人既七件聖事
總有好多法利塞人以耶穌既名去做啲違背道德同良心既野

想點組

一開始點會知?你知道果陣已經走唔甩

幾耐前啊