‎【天文】這裡沒有光

Hello，又係我，希望可以普及到大家既天文知識。
我會盡量簡化同唔涉及數式，如果有唔清晰、唔精準，請細力提點。
另外，天文理論係精準既數學物理，就觀測所作既最好解釋。唔洗駁我：都冇人去過，你又知？。
[多圖][天文] 淺談超新星: https://lihkg.com/thread/484488/page/1
［淺談］觀測天文學: https://lihkg.com/thread/477662/page/1
------------------------------------------------------------------------

如果沒有光，怎麼証明黑洞是黑的？

喜愛天文既原因，係因為往往天文當中都包含著哲思既內涵。
「黑色」既黑洞，天文學家到底係點樣知道佢既存在？
各種緻密星有咩特別？黑洞到底係點架？白洞又係乜黎？
希望可以簡單解釋到俾大家知。
黑洞裡：https://www.youtube.com/watch?v=BliOkLi4fss

------------------------------------------------------------------------
緻密星 Compact Star

恆星演化到生命既末期，據質量既差異，會成為白矮星 White Dwarfs、中子星 Neutron Star，黑洞 Black hole等既緻密星。


上篇提過，質量重既恆星既重力極大，燃料用盡後需要恆星內部既簡併態物質提供壓力，先可防止進一步既塌縮。
所以除黑洞以外既緻密星，我地都可以叫做 簡併星Degenerate star。因為黑洞已經塌縮為一個點。



緻密星既體積非常小，但密度上就非常大，可謂天上最奇特既星體。
質量極大既關係，緻密星既重力亦都非常大，而黑洞就係吞噬光既代名詞。
與主序星、巨星相比，緻密星係死寂既，因為其內部既核聚變己經停止。


但係緻密星仍會以幅射既形式，將內部既能量釋放。
因為緻密星既內部唔係因為高溫而形成既，而係因為高壓。
所以即使能量釋放後，緻密星既溫度下降，但都唔會影響佢內部既結構。


而根據熱力學 Theory of thermodynamics，係遙遠既未來，宇宙會進入簡併態階段 Degenerate era。
係呢個時期，宇宙間既物質殊途同歸，只會淨低冰冷同暗淡既緻密星。

------------------------------------------------------------------------
如果暖陽崩塌，記緊享受最後八分鐘的餘溫。
未有時間寫住，但開定POST先。

由第一個post追到而家 正評 雖然唔係所有部分都睇得明，但好鍾意睇呢啲知識，辛苦樓主，有時間先慢慢寫，會一直等新post的

留名等學野

高質post留名

留名
D圖好正

由第一個post追到而家 正評 雖然唔係所有部分都睇得明，但好鍾意睇呢啲知識，辛苦樓主，有時間先慢慢寫，會一直等新post的

多謝，我會俾心機寫的。

果斷正皮

btw樓主你上一個post未覆我

黑洞
留名

btw樓主你上一個post未覆我

補充左小小，我諗另一位巴打應該答左你問題。

屌 點解得我自己推post

屌 點解得我自己推post

繼續講 ，我睇緊
btw會唔會講少少general relativity?

正 留名學野

lm

Off topic 一下
今晚見到粒星 閃得好誇張
唔似大氣層影響
對比另一粒星閃得離晒譜
有冇人可以解答下？

Off topic 一下
今晚見到粒星 閃得好誇張
唔似大氣層影響
對比另一粒星閃得離晒譜
有冇人可以解答下？

umm 睇唔到唔代表上面冇氣流。星星閃既原因，係因為光線折線既原因：

因為光一時入到我地眼，一時入唔到，先會閃。
同埋會唔會係飛機黎

推post!!! 高質

用黑暗模式睇～
如果唔明請先追之前既ＰＯＳＴ。
------------------------------------------------------------------------

一哭　跟一笑　脈沖星呼叫
紅巨星　閉幕中　變白矮廢掉
星塵：https://www.youtube.com/watch?v=q-LsS2Q9UDs

------------------------------------------------------------------------
白矮星 White Dwarfs



白矮星呢個名，係１９２２年由威廉·盧伊騰 Willem Jacob Luyten提出既。
同歌詞講既一樣，係紅巨星階段終結後既形態。
白，因為佢比較高溫。矮，因為佢比較細粒。


輕既恆星，係恆星核心既核融合反應停止後，核心會向內收縮。
外殼向外推出會形成行星狀星雲 Planetary Nebula，淨低既核心就會變成由碳同氧組成既白矮星。


核心收縮既關係，白矮星既密度非常之高！地球上既22萬倍
太陽既半徑，係地球既半徑既一百幾倍。
但如果太陽老死後，變成白矮星後既半徑只會～４０%地球既半徑。


雖然白矮星既內核對生命而言，溫度都高，但唔足以支持碳同氧既核融合。
只能由高壓下形成既電子簡併壓力Electron degeneracy Pressure抵抗住自身強勁既重力。
而受限於錢德拉塞卡極限 Chandrasekhar Limit，白矮星既質量上限只可以係1.4 太陽重量。


而據推斷，銀河系入面97%既恆星最後都會變成白矮星。
最接近我地既白矮星係雙星系統中既 Sirius Ｂ(指住個粒)，距離我地約8.6光年。



黑矮星 Black Dwarfs


白矮星係形成時，係高溫既，甚至可以高達十萬度Ｃ。
由於發光（輻射）會消耗能量，但白矮星內冇核融合反應去製造能量。
白矮星就會隨時間變凍變暗，顏色會由白（藍）慢慢變紅。

黑矮星就係當一粒白矮星既溫度低到冇光發出既狀態。
但根據計算，白矮星變成黑矮星既時間長過137億年（宇宙年齡），所以至今仲係理論上既恆星殘骸。
而且根據定義，因為黑矮星係極低溫，所以即使存在都難以觀測。
而反之，溫度最低的白矮星可以成為可觀測宇宙年齡既證據。

------------------------------------------------------------------------
Every thing's expanding in a constant state of change.
Every thing's demanding in a constant state of pain.
You radiate away. Your last remaining heat
Your atmosphere has blown away when you admit defeat.