‎【天文】這裡沒有光

推

唔明呢PART
白矮星變成黑矮星既時間長過137億年（宇宙年齡）
即係佢仲早過宇宙出現?

信唔信有baby universe

黑矮星係理論上會有
暫時未發現到
亦估計未出現

我對天文都好有興趣，黑洞因為引力大嘅緣故會不停咁將身邊嘅物件吞噬我明，本身質量愈大嘅恆星喺能量耗盡嘅時候就會演化成黑洞，質量無咁大就可能會變成中子星或者白矮星，咁黑洞應該無可能永遠吸入咁多能量，相反，樓主你又點睇白洞嘅講法？點解有人會有蟲洞嘅講法，話蟲洞將黑洞同白洞連埋一齊？

推

推推推推！ 聽完你講之後就覺得發現到重力波真係好勁

聖誕後繼續支持！樓主快啲出post啦

我的心在沉默等待以後，不記得跳動。
像一顆佈滿淚水的恆星。
恆星：https://www.youtube.com/watch?v=deyWTXJyuyY
------------------------------------------------------------------------
由於黑洞既資訊缺失，所以我地區分天文黑洞既準則好簡單，就係以佢地質量 Mass為準。
當中包括恆星黑洞Stellar-Mass black hole、中介質量黑洞 Intermediate-mass black hole以及超大質量黑洞 Supermassive black hole。


恆星黑洞Stellar black hole既質量大約係５－１００個太陽重量。
顧名思義，係由恆星演化而成，之面都講左好多，就唔重覆了。


而中介質量黑洞 Intermediate-mass black hole既質量大約係１百－１百萬個太陽重量。
由於質量太重既關係，呢類既黑洞難以用恆星演化既理論去解釋佢地既形成。科學界暫時有兩個假說去解釋。
第一，吸積既過程中，同另一粒緻密星融合。
第二，由密集星團中，恆星不斷撞擊融合，以致質量過高塌陷而成。


超大質量黑洞 Supermassive black hole既質量大約就係１百萬個太陽重量以上了。
呢類既黑洞既誕生都係仲研究緊既課題黎。但各理論既共通點係，需要高密度同唔穩定既環境。
所以科學家相信超級黑洞係係百幾億年前既宇宙初期同星系同時形成既，先解釋到佢地極大既質量。

佢地亦相信，如果黑洞存在係星系既中心，佢就可以吸積物質同融合其他黑洞去進化為超級黑洞。例如銀河系中心(Sagittarius A既位置)既超級黑洞。

據觀察，位於銀河系中心既S2，既移動軌道有所偏移。所以我地推斷如果有超級黑洞，佢會有３百萬個太陽咁重。


相對論預測，10^16公斤，係一個黑洞係4維時空既最小質量。
然而，亦有人幻想一種極細既微型黑洞 Micro black hole存在。
係宇宙係超過４維時間既假設上，就會計算出比10^16公斤輕既黑洞，有理論甚至認為有細至TeV（能量質量互換）既黑洞存在。
量子力學既效應係呢種極細既黑洞上就好顯著，唔可以忽略。
呢種黑洞相信係早期宇宙所創造出黎。因為早期宇宙先提供到高壓既環境。
而佢地亦相信好快就會因為霍金幅射而揮發。所以我地而家已經觀測唔到佢地。


大家可能聽過話，粒子對撞機會整個黑洞吸左成個地球，呢種擔憂就係黎自呢個非常細既質量。
先唔講４維空間整唔到，就算整到，佢地基本上就瞬間蒸發，完全唔會影響我地。
但如果佢地真係存在，我地又控制到，咁就發啦，可以用佢地既霍金幅射生產能源。
但核融合都未控制到，又證明唔到我地唔係４維空間，呢樣野都係發下夢先。

有追開ＰＯＳＴ都知我既數字感麻麻，如果好執著數字既最好自己去驗證下。
------------------------------------------------------------------------
滿天的星，顆顆說是永遠的春花。
東牆上海棠花影，簇簇說是永遠的秋月。

推 最近呢幾篇都特別有趣

推

推

超好睇 由超新星追到宜家

回去哪要時光機器
只要 我摺疊時空五維度裡找你
回去哪要時光機器：https://www.youtube.com/watch?v=d09DWMk3GTM
------------------------------------------------------------------------
廣義相對論除左推論出扭曲時空令光都不能逃脫既黑洞外，仲推論左其他可能存在既神秘物體。

裸奇異點 Naked singularity

與黑洞唔同，一個密度無限大既裸奇點，係唔存在視界既。
一個唔存在視界既奇點，意味著光可以逃逸奇點附近既區域，亦意味我地可以觀測到奇點。

之前講過，一個旋轉既黑洞，可以有環狀既奇點，再加上內外視界。
如果佢旋轉得夠快，視界就係融合並且向內收縮。如果視界比起環狀奇點仲細，裸奇點就會出現。

但係呢個仲係一個爭論緊既議題。
包括為除左宇宙大爆炸既原點係裸奇點外，唔可以再存在裸奇點既宇宙審查假說 Cosmic censorship hypothesis(假說，意思係未被驗證)同支持裸奇點、仲研究緊既迴圈量子重力論 Loop quantum gravity。


白洞 White Hole

同黑洞任何野都會被吸入相反，白洞係任何野都唔能夠進入視界內（或者講白洞會放出物質／光）。

白洞係由伊戈爾·諾維科夫 Igor Novikov 係1964由史瓦西解所推論出黎。
黑洞既形成理論上可以解釋成質量太高，恆星塌陷所致，而其存在亦都有各種證據。
但白洞咁多年黎從未發現與存在有關既證據，亦都無已知既物理過程解釋佢既形成。
有一個學說認為，白洞係恆星塌陷形成黑洞時核心爆炸既副產品。而佢地認為宇宙大爆炸就係一個白洞，意思係我地宇宙外，仲有一個母宇宙 。

蟲洞 WormHole

蟲洞又叫 愛因斯坦－羅森橋 Einstein—Rosen bridge。
1916由奧地利既路德維希·弗萊姆 Ludwig Flamm所提出，之後再被愛因斯坦同羅森所研究。
以我既理解，蟲洞係連接兩個唔同時空既狹窄口。但大家講緊既蟲洞係有幾種版本既：
１）蟲洞出入口係黑洞白洞（單向）／時空扭曲（雙向）。
２）蟲洞穿越既宇宙係同一個／會進入左第二個宇宙。
３）蟲洞可以超越空間／時間。

但反正都驗證到係咪存在，就唔深究。我地理解下點解科學家會重視呢樣野。

蟲洞簡單講，就係將一張紙（時空）對摺，搵支筆（蟲洞）穿過佢。咁我地就可以用快過光既速度穿梭宇宙。

同樣，第一個蟲洞既雛形，係由史瓦西解所推論出黎既。然而史瓦西蟲洞，係唔可以穿越既，情況就係喉嚨咁。
當然我地亦有構想中可以穿越（假設我地既飛船夠硬淨）既Morris-Thorne wormholes。

除左穿越地域，最重要既係，蟲洞被預言為時間旅行既工具。
相對論中指，進行加速運動既人，會比係地球上靜止既人，「老」得比較慢（天上一日，人間千年）。
然而，當進行蟲洞旅行時，情況就相反。如果一個蟲洞既開口係１０００年既時空前，我地穿越呢個蟲洞，就回到１０００年前既過去。

蟲洞存唔存在？用桌球台為例，望落台面好似好平滑，近睇會發現原來入面有好多小孔。
時空可能都一樣，蟲洞存在係每一處時空上，但我地未睇到。
如果存在，擴大、維持、控制開口，又係另一大難題。
時空旅行？仲未屬於我地。
------------------------------------------------------------------------
In darkness the one appears as uniform; in the light the one appears as manifold.

pish

姐係大爆炸原點一定係裸奇點？