iu的確可以叫loen奇蹟
難得LOEN當年夠沙膽，見佢唔啱做團就索性推佢solo，跟住頭砲叫好唔叫座又無放棄。呢兩件事，是但一間其他公司，不論大細，都係完全想像唔到會發生...
其實睇Kpop生態，我係有少少覺得，佢會變成某種類似我哋香港陳奕迅咁嘅嘢：最後一個響本土獨領風騷，而行出外地又真係見得人、唔失禮，人哋會畀兩分薄面嘅「真‧天后」。Kpop界，solo越嚟難撈，正路嚟計娛樂公司基本上係無incentive直接推一件友做solo歌手出道；而由團出身嘅，個團立足到之後再進而自立門戶，一樣係難。女子組就更加明顯...當前睇Kpop女子組，團又好單飛又好，都未見到有人歌藝+創作／風格多元+外貌三瓣都齊晒，而且市場夠廣泛大小通吃。或者呢個人係有，但至少，宜家未出現，又或者係暫時勒住咗響團體運作而發揮唔到 (e.g. maybe, just maybe...Wendy?)，而甚至完全無呢個人就更加唔奇。如果真係，一個市場無一個有代表性嘅solo女歌手，都真係一個幾大嘅遺憾，亦反映個市場唔多健康。
呢方面既潛力股有兩隻，鄭恩地同埋你講緊既Wendy。
鄭恩地已經開始有做少少音樂創作既野，暫時唔多但我相信佢可以做得到，風格佢可以多元，只不過暫時未做到呢個階段。Wendy我暫時未見到特別適合佢、可以幫佢起步既風格，單計音樂佢條路甚至會好行過鄭恩地，因為RV本身就係多風格既團，只係佢冇鄭恩地咁萬能(綜藝、戲劇全壘打)，除非佢撞到一隻紅到Good Day咁既級數既歌又可以keep得住個勢(換個講法係一句廢話：IU既傳說發生係佢身上
不過講起鄭恩地，我諗起另一隻女團署潛力股，就係金世正，睇親佢都會諗起以前既鄭恩地，兩個都係唱得演得而綜藝感又一流，對佢真係頗有期望。
如果恩地單飛我覺得ok呀。歌手都係賣唱功先。恩地絕對有仲有人品。我唔會忘記有次女神寂寞地去頒獎禮。恩地第一個行埋去搵佢傾計。太好人啦恩地
跟慢幾拍。原來上年已單飛。收收皮先。學巴打話齋。差首傳說級神曲
釜山哥其實可以唱到好好嘅嘢出嚟，記得之前睇佢上《蒙歌》，已經覺得「哈，把聲好爽朗又唔過猛，幾好噃」。但長期響PlanA，對佢發展未必好：PlanA造歌，路線超保守。對Apink如是，對釜山哥又如是。佢上年solo出道同今年CB，兩隻主打好相似；一轉係咁都重得，下次再係咁，會好難再進一步。
公司細唔敢玩太大...不過PlanA而家已經默默地幫APink轉緊型，再過多一兩年應該有條件同鄭恩地度一個更charm既風格。
慢慢黎都係好事。女神都轉型走創作。咁其實多咗空間俾其他人。起碼唔會撞機先。而且恩地又唔係走抒情條路。爽朗聲又有另一種味道。同ailee爆發型又唔同。不過都係要大眾欣賞。但我覺得有啲野聽耐咗就會知道係正。好似當初都唔中意女神嘅zeze同jamjam。但越聽越中意。中間呢段轉變時期捱過咗相信會有好發展
聽番佢上JYP個節目唱Bang Bang真係
