2025 西寧 西藏 雲南 遊記

行程一直推遲，上星期終於買到青藏鐵路西寧到拉薩既軟臥飛，然後就訂埋香港直飛西寧既機票

無買回程既飛，而家係自由身，隨遇而安，初步打算係：

西寧 2日

西藏 15日，當中12日拼團去轉山

雲南 7日，去雨崩徒步

？？？

十幾年前孭住個背囊，坐火車住青旅去新疆一個月

而家體能已經差左，不過都想仲趁有時間，仲有少少力氣去

去過大陸既大城市之後，覺得真係無咩興趣。選擇西藏既原因係青藏鐵路既景色，同埋睇最近新疆既旅遊片，發現都變得幾多下。變唔一定係差，不過就係想睇下未發展，較為自然既野。

準備出發

去之前睇哂最近三位巴打既post，獲益良多，大家可以睇下：


https://lihkg.com/thread/3913345/page/1

https://lihkg.com/thread/3914977/page/1

https://lihkg.com/thread/3701273/page/1

又有西藏睇

但連登好似無乜新疆

又有西藏

新疆應該未到月份？
可能之前幾個post講西藏引起唔少人想去

新疆封左好多地方，好似係

要6-10 月
但旅遊台少新疆遊記，反而西藏同雲南多d

封左邊度？

lm

Day 1 西寧

感覺除左機組人員，自己可能係最後生個幾個人。旁邊既嬸嬸好好人成日幫我拎野



係機上面睇書，印象中廿年前睇過，不過都唔記得哂。呢本書係百幾年前一個日本僧人，同玄裝一樣，覺得大乘佛經有好多矛盾，所以想去求經。個時佛教已經係印度絕跡，所以就去西藏。佢相信梵文翻譯做藏文係比梵文翻譯做漢文更準確。
作者假扮漢人偷渡去西藏，途中比人打劫，亦都比人接濟。係佢既筆下，西藏同淨土相差甚遠。



機上面得一個無雞味既雞包食



唔知咩地方，屏風樓組成既空城



入境既時候，比人問係唔係自己一個人，同埋有無join團，留幾多日，之後去邊。唔知係問黎係做research定mon住d野


落機天氣好好，不過天氣預報話聽日落雨，曾經打算立即去青海湖，不過都唔太夠時間



搭大巴去洒店，路上見到比較多回族人。途中都見到一個喇嘛，但唔知佢係邊到行過黎



去到酒店check in 完都成5點幾，唔知點解次次返大陸一開電視就見到神劇

時間都唔早所以決定去當地既南山公園睇日落



左面係一間寺，寫住先賢墓地不得內進。再上有個觀景台，不過無開



咩係鹿馬？



等左好耐，終於睇到日落magic hour



落到山都成9點，所以去下南關既夜市搵食，不過好多鋪都已經開始收檔



唔知咩店，可惜收左檔



最後搵左間多當地人食既鋪，味道唔錯。羊肉串加埋成碗野都係22蚊，平靚正

最後打車返洒店，3公里都唔使10蚊唔知佢地點圍返條數。不過諗起去歐洲，uber / google合作既公司搭車都唔太貴，而且有保障。香港的士真係好落後

而家要訓，睇下聽朝天氣點

我估鹿馬應該係指風馬紙，藏族人平時會嚟祈福記一啲紙，主要係張紙拋向天空。喺西寧比較少見到，去到西藏嗰啲地方就會多好多
純粹估

9-10月秋天去d景最靚
夏天去試過係吐魯番40度真係唔講得笑
同埋新疆人對漢人既仇恨值大好多，去都要小心d

長知識了

一係冬天去睇雪，一係夏天睇景

不過我鍾意南疆多啲，人文

單程幾$
係咪一星期得兩班？

我以為佢比旅行社包機

1.1k, 不過我search官網一星期得一班星期二飛

live?

黎緊冬天會去9日，打算包車。有冇邊啲點係一定要去？

Day 2

原定去青海湖，不過天氣預報會落雨，所以改變行程，去西寧旁邊既丹噶爾古城



坐超過個半鐘既大巴去，落車仲要上斜行1km.
行快幾步過馬路既時，突然個頭有d暈，面，手腳有少少麻既感覺。睇返隻apple watch, 海拔已經由西寧2千2去到2千6. 不過好彩好快就無咩事



去到門口睇到呢兩隻野，突然覺得好伏

丹噶爾古城始建係明朝，係清朝個時因為商業發達而聞名



城隍廟，左手邊個唐裝呀伯可以睇八字。中間塊野竟然係繁體字，應該都有返咁上下歷史



呢個西式建築最特別，係以前既洋行



入到個下無燈覺得有d嚇人。裡面放咗好多古時洋貨既實物



行到入衙門，原來定時有表演時間，示範升堂。不過miss左，見到班演員係入面開緊飯



竟然係文廟入面起小學



雨越落越大，d鋪都開始收返d野。個城變到好似無人咁。忽然覺得雨中漫步都幾有feel

呢個古城有一個排燈既非物質遺產，睇相係夜晚既節日都幾靚

入到去d展館係一個人都無，好似包左場咁。

整體黎講入面都幾商業化，可能係夜晚睇排燈先值得黎

d雨落到連把遮都已經滴水，而且好大風，得返10度。琴日明明28度哂到出哂汗。最後決定唔等大巴，直接打車返西寧。

上到車個師傅問滴滴比個價錢係幾多，問我可唔可以取消訂單，直接比佢。原來滴滴都抽接近3成。係車上面吹水，個師傅已經有兩間屋，每間成100平米（1000尺），仲有兩部車。佢問香港d野係唔係好貴，而我就話而家生活水平可能唔高得去邊



諗過去塔爾寺，但因為天氣差，決定留返係市中心，去青海博物館



入到去見到有導賞團，就跟住去。個導賞員都幾高質，有人問細節野，佢都可以引經據典答到



鎮館之寶之一，應該係石器時代既陶器



信史時期既主題大多圍繞住中原有統治/一直有交流，外族首領致力維持區內統一。歷史考古係政治工具



估唔到博物館都有盲盒抽



走既時候逼你睇埋紅色展館



仲係落雨，係商場行下，有屈臣氏，周大福，Uniqlo，Nike等等



超市入面，好平




最後去大新夜市，感覺係食街再加女人街既合體，一邊買野食，另一邊買衫褲



夜市好多食檔都係回族人開



最後見到一檔牛奶雞蛋醪糟好多人排，叫左杯，感覺似腐竹糖水

下次試下

而家等緊青藏鐵路，準備抹窗

取消訂單會罰你錢

get錯左算係live, 不過會delay一兩日

sosim, 不過唔太穩定