Day 15
獅泉河 穿越無人區 仁多鄉
一朝早係酒店門口就見到成隊車浩浩蕩蕩咁出發，似乎都幾正下
之後停左係條村到去廁所，感覺好似荒廢左，就算郵局入面d包裹都無人拎
路經噶爾縣長河打個卡
又係好長既車程，因為測速關係，停左係到順便去埋廁所。門口個到播住紅歌，而且有當年主席既廣播錄音。
入去參觀需要登記，仲要表明係唔係黨員。港澳人士歡迎參觀。負責人同埋d職員應該係藏民。負責人話如果要講解，需時3個幾鐘。不過佢都明，係呢個偏遠地區，黎既人都係得一個目的。所以指明廁所位置後就自由活動
基本上無咩景點，午餐停係一個小鎮，師傅停得既地方通常都貴d。所以大家又走遠少少搵其他餐廳，順便睇下本地既商店。
一張羊皮只係70蚊，老闆話可以用黎做衫，個價值係睇d毛多唔多
呢d就係酥油
入無人區，坐商務車行山路，同坐過山車差唔多。一開始大家好興奮去搵野生動物，但坐得耐，總會有幾次因為路面情況，起飛撞到個頭。個師傅係石頭路都開到9x km/h
藏原羚性感的白屁股
去到仁多鄉既住宿，有新舊地點之分，大床房就係新既部分，不過新舊都好，電，wifi都係得半日19:30-09:有00，而且無自來水，&係得旱廁用。
夜晚只能食自備既野食，之後同湖北妹&大連女出去行下。
個鎮好細，同大陸d鄉村比較，個鎮入面無雞，但有好多羊係街到行。如果你喂佢食野，佢會跟住你走。係街到會聽到咩 咩既羊叫聲，都幾得意
呢個應該係西藏另一個少數民族，係西藏博物館見過呢種衫，但唔記得係咩名。
貨車到開鋪，小朋友負責睇鋪，問價錢個時，個小朋友就會叫個大人返黎答野
鎮入面d小朋友好鍾意踢波，睇到佢哋係練過下有技術
d小朋友都會主動聊人傾計。不過請糖比地食，佢地又唔會要。個鎮得一間小學，但個小朋友話每級得一班，每班得4個人。老師都係藏族人黎。不過問佢全校校有幾多人，佢地數下數下，話有90人，之後就哈哈大笑，都好得意下
最後夜晚試下睇星，不過兩個女生都係睇左10分鐘就頂唔住太凍，而且好多狗叫，所以都係返去休息
仁多鄉酒店? 旱廁? WTF?