2025 西寧 西藏 雲南 遊記

正常係 例如聽日/後日出發ge團差一人打爆
賺多你一個就一個 通常平d

真
D團大家都差唔多
只係價錢問題

Day 16

仁多鄉 仁青休布措 扎布耶茶卡鹽湖 昂拉仁措 措勤縣



朝早起身就見到d羊一家大細係條街到搵食



間民宿有提供早餐，不過雞蛋只可以拎一隻
係西藏比較難食到綠色既菜，而且通常得牛同羊肉，雞都好少見有得食

聽講仁多鄉d人反對整公路，因為整好左條路，大家就唔會再停留仁多鄉，咁佢主要經濟來源就會無左

今日個師傅態度明顯有變化，友善左同埋會同大家吹水講下笑，團友們方向一致很重要



好快就到仁青休布措。可能天氣一般同好大風，個感覺比較普通



用航拍會睇到另一邊原來仲有湖





之後又係坐車。湖北湖南妹只要見到景色靚d既地方，就會話要去廁所，落車行去好遠既地方，然後大家就落車行下影下相。停既地方唔係景點，只係中途大家覺得靚既地方



去到扎布耶茶卡鹽湖，同樣天氣唔好，就咁影天空之鏡個效果唔太出，所以又玩下航拍



途中有藏民放羊。d羊聽到無人機既聲就會驚，然後縮埋一齊。無人機應該可以用黎牧羊



用無人機影感覺完全唔同



之後就去到昂拉仁措，呢到有個山仔可以爬上去，不過景觀同下面睇差唔多



行上去個下望住其他團友，湖北湖南妹行得超快，去到邊位睇湖。而3位auntie行左陣就停左係到。我自己行到山坡頂之後就有d累，就坐係到吹下風。
突然感覺西藏阿里要後生，或者體能好個時就要黎體驗下。呢到唔係黎玩，係體驗。

最後無去到睇態貓。唔知點解遇到既大陸人都對大熊貓無咩興趣，覺得睇佢訓覺食野好悶同埋大陸好多地方都有熊貓睇，除非睇個隻網紅熊貓

好多時都係無signal, 三大電訊商都係

好多團都住個到，多人中伏

成團人返到拉薩個時，都話好似返到文明時代咁

轉山

硬座可能要同無座一齊逼

咩車？三個人好似少左d

越野車，一樣都係阿里12日

差太遠
完全兩個世界

我行去硬座 好多人都訓車卡同車卡中間

想問如果用無人機,有冇邊到憬禁飛區?會唔會明確列明?同埋會唔會有干擾既情況?怕中途跌落黎

拉薩全市禁飛，d保安見你拎住相機袋就會問有無拎無人機
環阿里個時未遇過干擾問題，但風太大好多時飛唔到，試過隻flip降落個時直接比風吹走左十幾米炒左

呢家買無人機好似冇咩地方玩到咁
之前有諗過買

越野車真係幾正
人少，車速超快

上次為左西藏 買部mini4 pro航拍
完全無後悔

美中不足好多地方唔俾

南山公園果邊可以飛，可以望到布達拉宮

Day 17

措勤-扎日南木措-當惹雍措-文布南村



一朝早係酒店睇到呢個畫面



一個鐘到就到扎日南木措。天氣又唔太好，而且好凍下。望去湖既另一邊好似落雨咁



係另一邊有個隕石坑，好凍所以打下卡就算



唔夠半個鐘車程到另一個位睇。感覺今日呢個湖唔太吸引



坐坐下車湖北湖南妹又話要廁所，大家笑話佢地去左搵風水寶地。雖然唔係景點，但好多時路途中既景色都唔錯



到左尼瑪既一個村落。尼瑪係西藏文太陽既意思，不過團友話呢個名改得唔好

附近完全無餐廳，所以只可以係到買杯面食。auntie A 話呢種合作社喺大陸都好少見

入面嘅職員係年紀大嘅藏民，只係識好少普通話。買野食個時比錢，佢手指住d野食，然後伸出兩隻手指。原來係1蚊有兩件，我拎少左。又一次感受到佢地既純樸



午餐就係食呢隻餅，好似係印度出產



又係一段長車程，然後落雪了，六月風霜，VPN都唔知點解用唔到。



去到當惹雍措既觀景位打卡，風好大，師傅話今晚住既地方都會望住，所以可以快d睇完去住宿地方

就到文布南村個時，師傅話住既地方可以食田蛙火鍋，細鍋要300蚊。我就扮唔知田蛙係咩，吹一輪就話原來係田雞，以前讀書解剖過

去到文布南村check in後，湖北妹就帶住湖南妹同埋我去搵越野車團既大連女食野。大連女搵到間食小菜既餐廳，一碟大概都係30蚊到。試左味道唔錯就叫埋3個auntie 黎食。

食到咁上下，大連女嘅師傅就call大連女話天氣轉好，可以帶佢哋出去再行多個圈睇風景。佢個師傅真係好好人



食完同埋湖北湖南妹去湖邊睇風景。行落去都要成20-30分鐘。

睇左一陣，就見到有架越野車走左落黎，原來係大連女架車。坐越野車真係方便好多





湖北湖南妹走左去執石頭玩，而大連女就走左執骨頭，話d骨比湖水沖過之後好靚。我差d想問佢係唔係想拎返去煲湯。後黎聽講夜晚可能有熊/狼出沒，所以有鐵絲網圍住個景點，d羊骨就係咁黎



旁晚放羊的藏民



睇完日落就返去訓覺

可能我去個時唔好天，感覺要air先可以飛得穩d

我去南山公園個時，個保安見我拎相機袋，提醒我唔可以飛無人機

呢3個auntie好正，笑死

可能已經禁埋，之前都見到有人放