2025 西寧 西藏 雲南 遊記

不了

你個遭遇同香港(重慶)auntie咁似...佢係本身book越野, 但飛機delay個團走咗, 拼咗佢去我個團變商務...
差別係某D路開唔到車去湖邊, 要人行
同埋商務車有樣唔好, 前面開窗, 後排食風, 真係要傾好座位問題

5個人嘅另一個問題係會單咗一個人出黎拼唔到房...
亦都可以(隨時)主動要求自己一間房, 補差價就ok(我個時平均300蚊一間房/晚, 一個人要一間房就補150)..如果夾唔黎就自己一間房仲舒服, 11晚先畀多千6蚊 日本住兩三晚都無咗
如果你個package無包房, 可以自己book間靚D仲有機會平D, 唔一定跟佢地住, 但每日集合解散就麻煩d, 個司機有可能畀臉色你睇, 或者唔車你去你間酒店...當然呢D好易解決, 請下大家食飯/飲酒就搞掂...

希望輕微 身體自己適應

咁...得閒share D趣事/仆街野

無事嘅, 只要一個月內無病過應該都無事

本身諗住係hotmax買自熱飯帶上火車食
跟著突然諗到可能唔帶得 wechat search左下 真係唔得
轉哂做杯面加個包

好好彩都冇點唔舒服過

咁係咪平咗？我睇緊啲團越野車係會貴啲

我問旅行社如果要自己一間房，佢話要比2200
聽日要同個師傅講價

今日同個打車師傅吹水，佢話問親有一半人都有高反

平$850咋，感覺差價係值得比

杯面同肉腸係火車之旅必食食品

你上携程/美團睇下之後幾日住宿間酒店咩價? 但未到暑假應該唔係旺季喎

其實個個人都有高反, 係程度分別嘅
記住旅行社嘅車都有cam, 有咩唔合法嘅野唔好喺車講
不過d內地人鬧下政府偏幫藏民係無事

個時你個團係唔係4k3到？ 4百一間房食水太深la

我商務車, 舒適型, 連房價, 包車上一支大氧氣(無用過)...好似係5300rmb
未夾司機300一日/人數, 未補單人房差價, 唔包門票, 唔包食

我係商務車，「豪華」住宿4300好奇怪
本身訂越野車就5200

Day 6

一朝早起身又落雨, 所以去左西藏博物館
博物館要預約，唔使錢，但要出賣個人資料up一張自拍相先可以預約，唔知咩玩法黎



大陸好多博物館都起到好大



入到去比呢樣野吸引左，入面仲有幾疊身份證係到



呢個展廳好值得一去，入面有好多展品例如服裝，用具，節日去講解藏族文化傳統，好易入口，睇完會對藏族有更好認識



呢個係具有中國特色既現代藏族家庭展覽現場



呢個展廳係最大，但只講歷史野，而且係用中原角度去睇西藏。入到去咁岩有講解，不過個講解基本上脫離展品本身，集中講歷史。入面最搞笑既係我第一次見有明朝版圖係包埋西藏。基本上不值得去



博物館上面有個觀景台，可以係另一個角度睇到布宮



天晴出太陽，就去左博物館旁邊本地人介紹既羅布林卡。呢個係藏式園林，係以前達賴喇嘛既夏宮，而家就係一個本地人既公園



見到成日有人賣，不過唔夠膽試



有人野餐



大家吹水，中間都有d文青咖啡，手飾檔



睇左陣，感覺似直接用手既康樂棋



呢個係以前達賴起居地方



入面都有個位睇花

佢另一邊有動物園，但時間關係，所以就離開去布宮



係出面會有人係咁sell講解團，仲話入到就無得再搵。不過經過上次大昭寺經驗，入面係有宮方講解



等緊既時候，見到有高科技野。不過搞笑既係，過左陣再遇到佢地個時，佢哋起哄罵個導遊。因為由入口到真正入布宮，要經過三次查飛，而且要係咁行樓梯同爬波。中間呢團人應該出左黎起碼一個鐘，個電池用哂，又無拎多舊電，所以變左吸唔到氧之餘仲要拎多部1.5kg既野係身爬樓梯。佢地係咁話個導遊應該有經驗要提佢地拎多舊電池

去到二個查飛位之後，有官方講解團，不過今日人太多，最後一個講解員岩岩出發左。如果要等可能要成一個鐘。個職員同我講，其實唔使講解員，因為d人會講得好大聲實可以聽到。而事實都係，因為人多，好多時夾左係幾個團既中間到，有時想唔聽都唔得



入面唔可以影相，基本都係佛像同人民幣既展覽



出到黎，又係好多人行乞



完全自動化



原來d串珠係即場整



再黎多次天空之鏡



行去民宿老闆娘推既小食，6蚊一試無妨



路過一間戲院，竟然有N年前既情書睇



晚餐食娜瑪瑟德餐廳，似係網紅餐廳，不過都打多本地人係到。最後叫左藏式牛肉包同酸奶蛋糕。感覺一般，但60又唔算太貴既

睇返行左27k 步，打埋篇文已經好夜累到訓覺

平我好多，除咗住應該都差唔多掛？

可能魔鬼在細節

你個團幾時出發？

岩岩出發
約8點上車，點知45分先到
3個5x歲 auntie
另外一個湖北妹，一個湖南妹，兩個目測近30
全團6個人
而家去羊湖

全團女，你發達喇，每日上落車d行李都係你同司機搬。
30嗰兩件靚女嗎

原來香港有直航去西寧舊年仲特登上深圳飛

啱啱search完，得星期二有…