2025 西寧 西藏 雲南 遊記

好撚平，點解香港d data咁撚貴

當我發現時返轉頭拎電話已經唔比人落車

有條友上上舖踩空 整親腳
勁慘

係同埋所謂既商務車應該係棍van 改裝而成

用緊sosim, 夜晚用酒店wifi基本咩都上唔到

下？我個架真7人車黎

所以人大左就會買下鋪

你呢架靚好多我個架似貨van

所以我夜晚唔係食飯就打文，10點11點就瞓…或者search下之後行程

哇，你由越野車變咗貨van…個落差都幾大

dl privadovpn啦

噫，你6條友，5條女，你同邊個瞓

照咁睇房價應該係 經濟型=200，舒適型=300，豪華型=400
你同司機講下單人房超出你預算，有無得轉做舒適型？

Day 7

原訂無今日行程，但拼團延遲左，留多日係拼薩。本身諗過去去甘丹寺，離拉薩市中心40公里，但係大巴係6半出發，即係五點幾就要起身，打車又驚個到太偏僻返唔到黎，所以就去左哲蚌寺。佢係西藏最大規模既寺院，歷代達賴都係到出黎。



門口有電子講解，見間公司同大招寺唔同，決定試下，結果又幾好。佢集中講返個宗教歷史，而且好位都會有講解，咩背景既人都好易明



間寺個範圍都唔細，要成日行樓梯



見到仲好細既喵星人



典型藏族人裝備，右手轉經輪，左手唸珠



呢到應該岩打卡，d牆又白色，黃色，紅色，可以有好多post



如果合埋眼用手指插到呢個洞，就代表係孝順既人。目測連埋喇嘛無一個人成功



第一次見





入面唔比影相。感覺呢間寺主要係本地人去多，而且入面既僧人唔同大小昭寺，比較多似係修行緊。

比喵星人引誘左好耐，行左成4個鐘，中間迷路，錯過左三個地點。不過還講解機個時，個職員話我係行得多既人



之後就去左色拉寺，主要睇辨經。



途中見到巨型背包客



差唔多每個景點都有



2點45就會打鐘，然後d喇嘛就進入決鬥地方



1 vs 1, 企起到既人負責問，坐係到既答。用姿勢加強氣勢



㕵星人突入走黎挑機



但好快就頹左



諗起東方不敗



因為係藏語，聽唔明場入面d人講咩，不過有個喇嘛介紹返辨經係咩黎。



出去食晚飯，行經蜜雪，都好多學生鍾意

打車既時候，同師傅吹水，我問而家大陸d人唔結婚生孩子，藏族係唔係咁差唔多
佢話漢人結婚要彩禮，買樓買車。但佢地無呢d傳統，結婚係相對簡單既野，無咁大壓力。個師傅都好後生，都已經有兩個仔女



去左網紅餐廳食娜瑪瑟德餐廳，味道正常，但偏貴，埋單110



行返去個時落太陽雨，哂住但又好大雨。回頭一看，竟然有雙彩虹

如果3個越野車,應該同人講冇商務車，逼佢地比多少少先岩

我而家返到酒店都係打文執相，之後就近訓

dl左，而家酒店wifi照翻到牆, thanks!!!

10gb應該夠你用
唔夠用再開sosim上網開新ac
我張香港買既data卡主要都係咁用

3個auntie 係本身一齊，湖南湖北妹就同一間房
而家壓到1800，大家和氣收場就算
琴日間酒店都算ok, 連馬桶都係自動化，雖然上網睇320就有交易

終於仲有兩個鐘到西寧
如果搭火車 長沙 蘭州 月台都有野賣

我果時係3條仔一間房 依家係咪唔比3人房

有無火車上面嘅人都係去大環線？

Day 8

今日開始拼團12日阿里環線

拉薩-羊卓雍措 -卡若拉冰川-滿拉水庫-日喀則

我係到左拉薩之後，行完南山公園，確定自己無咩高反之後，就決左報團轉山

一開始報越野車團，係個間旅行社最貴既團$5200，但點知出發前一日夜晚先打黎話越野車團得我一個出發。佢比左兩個選擇，一係越野車九天團，原定時間出發，一係遲一日，商務車12天團。

睇過9天團行程無古格，所以就決定商務車12天團。中間個客服說我報9天團，我話無古格，佢就話可以係轉山個日同師傅商量改行程，或者再加一日錢包車。我話其他團友未必肯改行程，而且我轉山架喎，點改呀？個客服先肯收聲。



這就是商務車

一開始個師傅約8點，但佢8:45先接我。車上面已經有三個目測50既 auntie 同一個約30歲女生。個女生係湖北人，好健談，都睇好多書，而且大陸好多方都去過。佢話今年少左人去西藏，走哂去新疆，因為大陸有套係新疆拍既劇好紅，吸哂d人去新疆



之後架車去左拎氧氣，入面有機check血氧，然後sell 氧氣。成團人個血氧都< 90, 而我用apple watch check 95, 佢個夾手唔太專業，理論上要個人坐低一陣，同埋個野同心口差唔多高度先準。

中間有個auntie 講，話旅行社包每人三枝即棄氧氣，立即同個師傅，個師傅先買氧氣。湖北妹跟同我講佢覺得個師傅好唔老實

以為可以出發，因為個客服話個團有5個人。但原來仲有一個團友，因為琴晚拉薩落冰雹，架飛機折返成都，個團友今朝先落到機。所以而家去機場接人。估唔到最後一個都係女。目測應該都近30，來自湖南，今次第二次黎西藏，又係已經去過大陸好多地方

因為湖北妹有高反，湖南妹成晚無訓過，我就只好讓個位出黎左擁右抱比佢哋夾左係中間，訓覺都要小心翼翼廢事挨到

一路上幾個auntie 聽歌會唱埋一份fing埋手好玩得。



第一站黎到羊卓雍措。佢入面有幾個觀景台，第一個要收錢，所以要大家com去唔去，最後決定直接去四號觀景台



水好綠，可惜雲多左d, 擋左後面既雪山。湖北妹話新疆d湖係天花板，而家睇已經無咩感覺。但我相信一般城市人會有不一樣感覺

個旅行團包航拍，但湖北妹好堅持唔想上鏡，其本佢只係影景，唔會影自己。而湖南妹會擺好多post，我經常性被佢彈回頭要幫佢重影



之後去卡若拉冰川，要行好長既樓梯，湖南妹雖然無訓好，但行得超快好好體力。湖北妹同三位auntie 直接放棄。我都走完全程，順便玩埋航拍



冰川遠焦

係車到有個auntie 想比我頸枕我用，但湖北妹以為係比佢，之後佢就笑我變左團寵。我feel到之後d粗重野都係要我黎
閒談間湖北湖南妹本身都係訂越野車，最後變左商務車。似乎無越野車夾人去商務車



之後經滿拉水庫，幸運地天氣變好，d經幡同個湖都好靚



又看見看湖的牛

之後去返城日喀則，得我係住「好」住宿，同其他人分開。最後同師傅壓左少少價，廢事之後日子麻煩。



自己一個食飯，$22，不過第二朝肚屙
第一日感覺係好多時都好趕時間，有時想留耐d都唔得，但好處係好快打到最多既卡

可以三個人同房

仲有2個鐘到拉薩
總結下
如果廣州上 只要捱過左西寧轉車之前其實就好過好多
亦都冇想像中咁辛苦
西寧轉左車之後就開始有啲後生周圍yo人
其實幾好玩

西寧開車第2日8點幾9點就會到最高點
好似5千米左右
但係只有輕微頭痛
算係正常情況
成程車都係不停食生果同飲茶
杯面有人話因為啲水唔夠熱 食唔到
d人都會因為唔想拎返啲野落車而擺出黎大家一齊食
不過我都唔想食太多 因為去完廁所見到個洞口太細
如果舊屎太大／硬沖唔走就仆街

其實<90 係正常 唔駛吸氧