Day 9
日喀則—扎什倫布寺-加烏拉山山口-絨布寺-珠峰大本營
團入面有3個auntie, 好似都係不過佢哋大家時候都係三個一齊活動
auntie A 有個女係香港讀master,所以間唔中問我關於香港既野
auntie B 幾健談,成日請人食野
auntie C 好似做健身教練,比較少講野
第二日個師傅講話大家自己com調座位,不過auntie A 話自己高反同暈車,所以想坐多日最前。大家都無咩意見
之後去扎什倫布寺,其實佢係日喀則,酒店去好快就到。扎什倫布寺係格魯派既主要寺廟之一,亦都係班禪修行既地方,所以係入面會見到好多班禪既相
門票都成100蚊,但得一個鐘時間,所以都要行快d。同拉薩d寺唔同,入面有好多本地人拜佛。主要都係同湖北湖南妹行動。
4百幾年既樹
之後就去左整邊防證,要拎香港身份證同埋回鄉證一齊登記。師傅講笑話如果整唔見左,就只可以留係阿里自己玩
之後途經一個打卡點,就係318國道尾4經過既點,好多人打卡,玩埋航拍
午餐既餐牌,3個auntie 食自己野,而湖南妹覺得有d貴,最後我建議2個餸3個人分,價錢訂係每人少過40。味道感覺都還可以既
開始進入珠峰保護區,有個打卡位,亦都有藏民sell野。湖南妹應該走去睇左唔買,個藏民追到個車到叫佢買,最後要個師傅開引擎,我走去山門個藏民先肯離開
之後既路好多時有d卡口,有時要比邊防證,有時就咁影人面相就得。但因為我無大陸身份證無得拍卡,好多時d警察都要手動影相,要d時間
路上面好多時覺得同個天空距離好近
時間其實係趕,因為要去睇珠峰日落,但點知去加烏拉山山口途中,竟然遇到整路,足足停左成個鐘。見湖北妹自己走左出去河邊,我就搵佢吹下水
大家都好擔心睇唔到日落個金光照頂,但師傅話有佢係到,放心一定趕到。不得不提佢手車好激進,成日爬頭,而且係去到前車近距離先爬,成日架車都好chok
之後就係108拐,即係一段不停轉彎既路。湖北妹坐到暈車要同我調位,有個auntie 都要食藥
到左加烏拉山山口山頂,就見到遠處既珠峰,而下面就係108 拐
去到頂會有藏民幫你影相,湖南妹竟然搵藏民影,然後個藏民就叫佢買野,不過湖南又就走返車到唔理
因為時間唔夠,所以就飛左絨布寺,直去珠峰大本營。之後要轉景區大巴,好好彩趕到最後一班車,師傅手都功不可未
原本擔手影唔到同埋天公唔造美,但最成功影到金光照頂
係個到影左幾張相,但超大風,吹到成塊面都麻左,我同湖北妹都話返去先,所以湖南妹都放棄跟我地走
係大巴到超多人係到吸氧,係咁聽到吸氣聲,所以高反都要注意下
可惜唔係住大本營,自己睇錯左,帶左腳架赤道儀想影下銀行,搞到個backpack 超重,而家想搵順豐寄返香港
同湖北湖南妹食完晚飯就訓覺