2025 西藏(正篇)-天上阿里，北環線

2025 西藏(前編)-華山論劍
https://lih.kg/3910361

2025 西藏(中篇)-天路
https://lih.kg/3911673

呢個post就係join團 12日阿里北環線 嘅故事。

預計schedule：

Day 1
拉薩-羊卓雍措-遠觀卡若拉冰川-遠觀白居寺-日喀則
Day 2
日喀則-扎什倫布寺-珠峰自然保護區-絨布寺 -珠峰大本營-巴松村
Day 3
絨布寺-希夏邦瑪冰川群-佩枯措-薩嘎-仲巴
Day 4
A線:車游 薩嘎-仲巴-岡仁波齊-巴嘎(塔爾欽)
B線:徒步 薩嘎-仲巴-帕羊-霍爾-巴嘎-瑪旁雍錯-神山岡-塔爾欽 -止熱寺<280KM>
Day 5
A線:車游 全方位深度體驗瑪旁雍錯公路環湖游5公裡
B線:徒步 止熱寺-卓瑪拉神山轉山-塔爾欽
Day 6
塔爾欽-拉昂錯-扎達土林-古格王朝-托林寺-札達縣
Day 7
扎達-神秘的古格王朝-班公措-獅泉河
Day 8
獅泉河-穿越無人區-仁多鄉
Day 9
仁多-措勤
Day 10
措勤-文布南村
Day 11
文布南村-尼瑪縣-班戈縣
Day 12
班戈-納木錯/聖像天門(2選1)-拉薩

未到7點半帶團嘅司機-李師傅就黎咗。
車上面有一個香港女，一個廣州男(醫生)

之後另外接咗一個湖南女，一個深圳女。total就5個人，個個一上車就問師傅轉山。

師傳話其實座山就喺度，想轉就轉不過佢地旅行唔包安全…d人囈佢一陣，佢漏口風話如果去轉，最好帶個1小時嘅純氧。


之後行程去咗租純氧。呢d高原團都係會去呢d租氧/或者高反藥。

佢地話唔好以為去過其他4,5千高海拔地方就覺得自己搞得掂阿里，因為去到阿里佢係無樹嘅。佢話最好唔好提前食高反藥，佢話高反藥係用黎提高心跳嘅，但到血氧溶合無乜幫助。
吸氧都唔係醫高反，只係緩解症狀only，而且要提早吸。仲話平時街邊噴噴個d，入貨價2蚊，5蚊以上唔好買
仲講話前排有個青海

呢d地方都係咁，嚇d人買。


係咁水d人買左下角，11,12個鐘嘅氧，仲拎個血氧計叫人吸氧黎睇個計有咩變化。


最後我租咗個1小時ver，99蚊。下面充氣，上面出氣，右邊開關，上面3檔出氣。


師傅話座位每日rotate


出發gogogo

湖南女問師傅上一次入阿里帶團幾時。
師傅話好耐囉。
me：

group埋1個鐘，d人講野一個二個都好有自信(火藥？）遲早實嘈交
廣州男成日問人有無做攻略。
香港女話無做攻略，黎跟人行。乜氧都唔想租，自己去過爬高山都無事。車上面咪有支大嘅氧氣囉。
湖南女租氧唔問價，直接話租一個大嘅。
深圳女就話要買暈車藥。

我地應該係唔同團拼淨再賣豬仔拼出黎，佢地d客服同佢地講嘅團友信息都唔同。

竟然有香港團友
上年去全程淨係布宮聽到一句廣東話

笑死，上面打漏咗段。
租氧個度話前幾日有青海嘅客，稱聲自己住嘅地方仲高過拉薩。點知去到卡若拉冰川，暈一暈成塊臉撞落塊冰度，成臉血，去咗醫院搶救咗兩日。

咁多女 樓主正la

樓主有無問其他人報團咩價錢 係咪同你一樣

依個團幾錢

香港auntie黎，成日拎自己去過其他爬山團黎講。又話男女會分開住，唔會住一齊，同其他人拗。
其他人話岡仁波齊轉山會男女同房打地舖。
其實唔一定嘅

湖南女狂打電話講裝修，話仲有兩三套房要裝…唔怪得咁豪氣

路過一個水葬台。

路邊會畫咗好多梯，噚日導遊講，呢d叫天梯代表祈禱死者通上天堂。


師傅話去到阿里會無乜信號，我可能到時live唔到或者純文字，之後再補圖。

依家畀咗5180rmb，包住唔包食，唔包門票。
最後再統計。

祝樓主好運

我果時都有個auntie 有錢人 識講廣東話 間唔中我要靠佢翻譯
不過佢要求有d高同太有主見 d團友唔係好likey

祝樓主好運， 個團的人似巨伏

唉唔知道，應該夾後生會好d，求其d。

樓主係邊度揾這個團？

水葬台之前頭加咗油，順便去廁所，買野食。早餐靠八寶粥搞掂

頭先有人喺車入面放屁，罪大惡極

第一個景點係去羊卓雍措=羊湖
路上遇到一批羊擋路


狂轉上山


羊湖觀景台123456789…門票60蚊。有時唔查飛。
可以唔買，路邊就影到，但要快。

4780海拔。深圳湖南女佢地前幾日join咗林芝團，呢度已經睇過就無入去。

側邊行上去。



其實呢度無乜好影

跟住落2號觀景台
路邊就可以影，如果落車就要快，因為路邊黎，好多車。


2號觀景台

可以同狗牛羊合照。



都差唔多，天氣好就靚


我地走個時，香港女反而走咗去同舊石合照…

師傅話其實羊湖喺三大聖湖入面算係差嗰個。

廣州男成日覺得自己識好多，質疑個師傅，話乜野藏民收入低，身體健康情況差，又話之前去援助林芝幫d藏民檢查，d人都好差
我心諗，身健康都唔會去醫院啦大佬

之後去到一個低d嘅觀景台，好多鷗


帶咗d餅乾

啱啱好用來餵雀

之後繼續，前面尖尖嘅雪山好似係卡若拉冰川，下晝會去。


去咗個地方，個團包幾set航拍。
點解人地咁多後生我個團全部中年。

個香港女仲叫我幫佢偷影幾張合照。



跟住應該去食飯，之後冰川。

我喺淘寶，但携程，美團，小紅書，馬窩蜂都有。
仲有d外國團，咩夢廻西藏，永安個d…

好似第一日嘅行程已經成個仙境咁

中國來講剩係對新疆 西藏有興趣
睇圖都覺得係仙境
btw 你啲團友睇落好伏

想問下你參加既呢種團係咪未出發就要比晒錢

團友質素幾差

部份，司機嘅伙食住宿要夾。300一日，12日3600，除團友。
門票要睇你個團嘅plan，有d係包埋。但門票錢上網d話總共就千幾蚊。我個plan唔包門票。

之後去食飯，車咗我地去一間好多車停嘅餐館。

應該係對司機有優惠。

跟住我d團友唔鍾意呢d團去嘅地方
走咗去對面嗰間，入面一個人都無。

d味道都ok，唔辣。5個人叫咗4個餸。

菜價


再出發

司機話好多超測cam，連高德都唔知。自駕唔熟隨時奶野。