2025 西寧 西藏 雲南 遊記

收到

打算九月去lm

西寧真係好少聽人去

300rmb, 唔使景既話唔使200

岩岩旅行社打黎話拼團聽日得我一個人，要改另一日或者改行程

唔會啦，絲路必去，香港最近先有直航

想問下呢家拉薩凍唔凍
大概幾度

同埋你有冇高反?
我呢家準備左都係阿咖酚散同葡萄糖
高反藥我就到時去到拉薩睇睇情況係藥房買

應該29號到拉薩

留名 支持

樓主大約幾多歲？

7月有油菜花海，當年我去新疆就係遲左所以無去西寧

溫差大，可以當朝早10度去到下晝最熱20度
而且有無太陽，有無雨/大唔大風都好大影響
今日出門口落雨覺得凍，但下晝行布宮出太陽哂住就覺得好熱

高反我就無咩頭痛，但用力或者上樓梯，會覺得手腳係有力，但係心口好似唔夠氣咁，慢慢行就無咩事

我係西寧第二日開始食海拔適 Acetazolamide 250mg. 係香港50粒買左$200. 但我出現既副作用係有時手腳同埋塊面會有d麻既感覺，不過對日常活動無咩影響

紅景天已經有科學實證係無用，中成藥可能減低個症狀程度，但唔會減少高反出現既機率。高原安唔太肯定，但我同車個呀婆食左高原安，都照高反

忽然又諗返以前坐硬臥既旅程。一路順風

講呢d

有冇話朝早定夜晚食
準備咗一日一粒應該都夠？

下個月都去西藏

九月無左班學生，同埋未算凍，係好日子黎

幫你答，38

上次嗰位巴打嘅團友非常有趣
希望樓主今次有班正常啲嘅團友

我下個月都諗緊滇藏入定青藏入

OK THX

你個團係到步先報, 之網上報定先?

我個時無食藥無吸氧, 都會間中有少少面麻感覺, 食d水食d野過一陣又會消失, 唔sure同高反有幾大關係, 但無手麻腳麻
我選擇飲多d含糖飲料黎防高反, 但飲得多會胃口變差食唔落飯
上樓踎低飲水會唔夠氣, 抖返幾啖大氣就ok

如果有smart watch, 可以多d留意下心跳&血氧, 我個時一般坐車都80+, 血氧95+, 但有時唔知做過d乜, 血氧會得返8x, 就主動深呼吸, 正常過一段時間會上返90+(除咗轉山個晚)
之前醫生話, 如果血氧上唔返黎, 就可能係開始有肺水腫

最痴線係香港(重慶)auntie, 佢後尾唔知邊度睇到聖象天門嘅片, 問返我做乜我地無去, 你唔係做咗攻略咩...咁
唉, 佢又無聽司機講野, 司機話去納木錯/聖象天門二揀一, 到之前幾日講會去納木錯...而且聖象天門依家唔俾行埋去隻象度, 只可遠觀

Ching我都諗住6月中去

啲藥都係當地先買嗎？

Day 5

一朝早天氣好好，就決定去小昭寺同埋大昭寺

相傳小昭寺係文成公主奠基建成建成，入面當年文成公主帶黎既供奉了釋迦牟利既8歲等身佛像。



都幾欣賞佢將個門票整到好似明相片咁，可以收藏下

入到去好大陣酥油味，唔係個個都頂得住，而且最好準備一個口罩，因為好多景點入面有時係唔通風既空間，又勁多人，總有一兩個咳到好似肺癆咁，仲要間唔中仲聽到放飛劍既聲音



雖然係一間寺，但其實係課金既地方
呢個喇嘛睇緊抖音，一邊收錢
有d專業d既會係你比錢既時候報以微笑

個寺唔大，行行下見到有個門，無寫不可內進，突然間有個呀姨走黎問我，話不如靜靜地入去睇下。反正就行完，所以就上左去



入面應該係員工宿舍，不過大部份都裝修緊

閒談中個呀姨係19年轉過山，佢話個時無咩補給點，而家就舒服好多



行去大昭寺既途中，路過一個勁多本地人交易串珠既地方



然後我就去光明巷瓊甜茶館。呢間係當地歷史最耐既甜茶館，好多本地人去吹水消磨時間。



入去拎個杯，放張一蚊，就會有姐姐倒甜茶比你。其實無一蚊都唔緊要，你放5蚊佢會找比你。個茶唔算好甜，茶底似好淡既earlgrey，唔太識。



然後我叫左個藏牛肉面，$7蚊。個面底似香港嘅油面，湯底有少少似蘭州牛肉面，不過冇椒味.



有遊客喺度，不過大部份都係本地人黎

突然間有個本地阿叔喺度問我部相機係咩牌子，又問我係邊度嚟吹水。佢問香港有無西藏人。好問題，係香港我未遇過西藏人亦都好似未見過香港有西藏餐廳。之後佢話，香港好，不過拉薩更好，地方漂亮。好欣賞佢地熱愛自己既地方，但同時慚愧自己做不出來，好似諗唔到而家有咩好既地方

飲第二杯既時候，有個可能同我差唔多年紀既本地夫婦坐埋黎。個老公r水吹，問香港人工係唔係好高，然後我就話物價樓價更加高。
然後佢話幾年前去過深圳，想過埋黎香港睇下，不過西藏人唔可以申請通行證，所以黎唔到。解答左頭先個問題，而且我估佢地可能申請護照都好困難。

之黎我問佢有無轉過山，然後佢話轉山係佢父母個輩先會做而且平日要返工，唔會有時間轉。然後佢話西藏好好，唔似其他大陸城市，個個一樣樣。同第一個呀叔一樣，佢地好L鍾意自己既地方，好事黎。最後佢推薦我去羅林布卡，話好有西藏特色。呢個地方本身我無聽過，所以我就立即拎部手機記底佢。最後飲左3杯茶先走。



行去大昭寺見到唔少人係到圍住大昭寺朝聖



就算有困難都照朝聖



每個景點都有KOL做直播



比人問要唔要換錢，一開始好奇怪要d五角做咩，然後去完d景點先醒起d錢係丟同搵位zip



大昭寺要先網上預約，再現場課金。喇嘛負責收錢。入寺既時候，有班人圍住門口又唔買飛，應該係想係外面就咁睇下d人點樣拜佛，但唔肯走卡住係個入口，之後同職員對罵，然後我就夾左係中間，等左陣先走到

寺外面有街外講解員搵生意，而寺入面有官方講解員。而我就選擇左玩電子講解，行到某一個位置佢就會播個講解。30蚊，押金100。
最後中大伏

首先佢好少指示個路線點行，其次佢好多講解都係廢，例如去到某間房，入面放左A B C D四個佛像。佢就會話：左手面第一個係A佛，第二個係B佛…講完個四個佛名就完。佢當d人係唔識字去睇佛像個下面個牌寫咩？

然後我行左一圈，覺得好奇怪，因為見唔到佢個鎮館之寶，文成公主帶黎既釋迦牟利 12歲等身佛像。上網搵，先搵到個位置，原來佢放得比較高，前面有個網，而且下面有4大天王個像。

個講解機只會講個4大天王，因為佢地有個故事同八思巴有關。個故好短，然後佢就會係咁講一大堆，八思巴點幫助元朝統一中國，維護領土完整，而且深化西藏人民與中原既交流。

第一次都末算好有感覺，但我行多幾次，確定佢唔會講鎮館之寶，只講八思巴之後，即刻想丟個機落地再踩幾腳，好噁心

大部分地方唔比影相，而d喇嘛就係咁收錢或者清走部分展品下面既錢



呢個供養方式似原始佛教。感覺而家成個大乘佛教仲係似中世紀賣贖罪卷既天主教。



去完大昭寺，就行返旅館拎返枝腳架，去南山公園打算影拉薩夜景，亦都當轉山前訓練測試。打車個時個師傅問咁熱仲爬山？不過去到個時好似就大風加陰天。個師傅好好提我係下面買完水先上，上面無補給



山頂有成4千米，不過山腳都有個觀景台影相



手腳係有力，不過行上去心口好似唔夠氣咁，慢慢行就無咩事。

行到1/3到，6點左右，個保安就唔比我上，話而家已經趕人落黎。明明8:30先關門，夠時間架。
然後黎有對情侶，趁個保安唔注意，跑左上去。好好力氣，這就是青春嗎

影影下相，發現支Tamron 28-200壞左，50開始個4角超soft, 近距遠距都係咁，中心都soft, 但無咁明顯。朝早都無事，突然就變成咁。感覺上西藏要長焦先影得好d。而家只可以拎支Viltrox 50m f2 同iphone頂住先

去到8:45，保安再趕人走，可惜個天仲好光，個城既燈都未開，影唔到夜景。不過個保安好好人，幫手影相。原本我打算好普通影正面相，但個保安教我chok個姿勢影，好專業

行落山既途中，遇到一個後生既女生，應該仲讀緊大學。佢拎住部無反再加手機自拍棍。佢見我拎住d gear好有興趣，就走埋黎吹水。呢樣野係香港好難發生, 而且佢可以係d配件到推斷到我想做咩。

佢係上海人，一開始佢竟然以為我係台灣人，明明我d普通話好差佢都黎過香港半日，覺得無地方去，只係覺買鏡頭比大陸平。再一次，我好似講唔到d咩好既野關於自己地方。

然後佢就介紹自己d器材，然後，然後，然後，佢開個相簿比我睇，佢主要玩cosplay，見到d相真係不得了
吹吹下，原來大家同一班車到拉薩，不過佢坐硬臥。佢地成班後生既人拎住塊banner影相，然後簽名。係車上面個時我都見過有人拎住塊banner, 不過個時唔太知係咩黎。
然後諗返以前坐硬臥真係多d後生同搵到人吹水，今次坐軟臥真係大部份人都係上左年紀。突然有個衝動想去坐硬臥。

佢之後都拼車遊西藏，不過報既係9天團，而我就12天團。最後佢坐電瓶車走，而我就打車。走既時候佢問可唔可以大家影張相，咁我就話無問題。
有諗過借個機會拎個contact, 同埋送佢返去。佢係一個有自信可愛既女生。可能自己心態問題，覺得萍水相逢留個好回憶就足夠了。



之後去左一間叫餐色藏餐館食晚餐。個時就收鋪，老闆娘係本地人，話得返一份土豆牛肉飯同甜茶，所以我就叫呢兩樣。味道唔錯，成碟食哂。



食食下聽到旁邊原本唔識既人吹水，有個岩岩拼完團返黎，話琴日珠峰大本營有人死左，所以最好小心d. 聽完心都突一突

最後慢慢行返去民宿，返到去都成10點幾。感覺個日光好fake人，成日覺得時間仲係好早