2025 西寧 西藏 雲南 遊記

講好個3蚊師傅負責

講好個3蚊師傅負責

我下星期二廣州硬卧上拉薩
諗住去到西藏hea 2,3日搵團

點解要抹

起碼坐要坐三日勁

因為要影景，呢張out focus相可以突顯我抹得唔乾淨

都係一個體驗黎

Day 3

原本打算琴日用一日時間去青海湖連埋茶卡，不過天氣唔好，所以改今日。但係今晚7半就要上青藏鐵路，所以只好選擇火車站旁邊既汽車站，賣既來回大巴飛$120。汽車站賣埋二劍郎連小火車$220，價錢同現場買一樣，汽車站買就送鹽雕紀念品一份。不過上ctrip就$200。



等車既時候，竟然有埋講解。個職員話50既太陽油係高原無咩用，起碼要100或者用野遮住。如果有高氧反應，可以去搵景區職員，去免費吸氧。

單程車程2.5-3小時，到左之後自由時間3小時，準時就開車返西寧。

時間上都算夾我，不過真正既遊覽時算係好少。



沿途可以睇到雪山，而山下有人放羊放牛



雖然西寧有藍天，但車程途中就發現唔多對路

落車既時候，師傅話準時2:43返到。之後d人起哄，話要3點。最後約2:50…



落到車都好猛太陽，但同時好大風。反正黎到，所以就坐小火車去二劍郎。單程30分程去到二劍郎中，不過架車真係好慢下…



感覺唔算多人，不過有高雲，天唔太藍，感覺普通。入面可以比錢玩四驅車，喂雀。d風大到連隻DJI flip都差d吹走



唔明白點解係到打牌



好大既經幡



典型打卡位



無生意望住個湖思考既牛



好多人喂雀



一個鐘到就走人，始終天氣麻麻。回程坐大巴，忽略記得有d重要野唔記得左。一落車超大風，仲勁過八號，而且有d雨，所以去食雞避下風。手機點餐，價錢同香港差唔多

食完野天氣又突然變返好，不過都差唔多時間，所以回程。行返去都要十幾分鐘。感覺上一定要天氣夾，同埋join團/包車玩兩日會好好多


準時返到西寧，然後就入火車站。個站都幾大下



入去個時，個職員唔比我上車，話香港人要有入藏紙先可以上車佢當左香港係同台灣一樣，完全係分裂國家行為，損害兩地人民感情我就叫佢搵領導出黎傾下。然後佢就淆底，叫我不如係另一卡試下入…真係一個好同事黎…去另一卡，個職員好快手就比我上車



放底野，見隻窗好污糟，決定抹下



好多人都係到抹，似乎係傳統黎



其實好難抹乾淨，要有玻璃水先得

軟臥4個位，不過出現左第五個人

真正有位既係兩個呀伯，一個大嬸同埋我。
第五個人坐係到既大伯係個大嬸既老公

一開始覺得個大嬸好奇怪，目光呆滯，面青口唇白，隻手係咁震。正路高原反應都無咁快

但後黎見佢食好多藥，開視頻同人傾計不停喊
其實我完全聽唔明佢地講緊咩。睇住個老公就一直捉住老婆隻手，陪佢訓著先離開。令人敬佩同羨慕既感情


之後有職逐個問係唔係拉薩落車，係既話就會講解返注意事項，供氧點用等等。有事可以打電話搵職員



成個車廂都好熱鬧，d人行黎行去，仲有人開檔賭錢

9:50到職員就入嚟熄燈，叫訓覺

上次我上海轉機，職員都堅持話香港人要入藏紙
問到經理先話唔駛

其實我原本個plan都有西寧一日遊, 青海湖+茶卡鹽湖
但呢兩個景點真係睇天食飯, 一多雲/有雨就唔使去

同埋你去雲南之前留意下天氣, 雨崩落雨就唔使去

祝你有d有趣嘅團友

雨崩聽講而家有得搭車入？當年行大半日

可能太少香港人去

完全同意，而且夏天晴天機率會大，但到時又人山人海
星期一就會開始拼團，希望適遇到正常人

今日撞到一個同一班車到拉薩既人，不過佢坐硬臥
聽佢講佢個車卡好多年青人，玩得好開心，仲整左執野大家簽哂名影相。
諗返以前坐硬臥真係可以同多d人吹水，希望你都有個好體驗

Day 4

訓得好唔好都睇其他乘客係點
樓上兩個大叔唔係不停咳就係到睇片
1點幾既時候去到格爾木，除左我之外都落咗車
然後換左一對4字頭到既夫婦同埋6x歲呀婆上車。
個呀婆同其他屋企人上車，問我可唔可以換座位，不過我就話唔太好拒絕左
之後4字頭呀叔好快訓到，因為佢個鼻鼾大聲到我用耳機開NC再播歌都仲係聽到好大聲
而個呀婆訓下鋪係我隔離開燈玩手機…



其本係訓下醒下，所以天光就準時睇日出



之後就係雪山放題，有時仲會見好多牛羊



餐車既早餐，叫唔落手



已經有人頂唔住要吸氧，亦聽到有個女人大叫話好辛苦要返屋企

之後其他人起左身身，就吹下水。個人妻都幾nice, 會搵水吹。兩夫妻來自山西，佢地去完格爾木個鹽湖，話好得。之後佢地知我想轉山，就推薦可以玩五台山既徒步旅行，個風景都好正。佢地兩夫妻係打算自駕遊西藏，但人夫想轉山，人妻就覺危險，傾唔店。中途個呀婆開始高反，就要訓覺休息



想離開個車廂活動下，就去餐車食午餐。最平$65。其中30蚊係買個時間同空間坐下。
味道依舊，個雞係凍，飯煮到淋哂，碟菜超多油，個湯應該加左味精。值得一讚係肉既份量都算多。



中間停安多站，高4702m, 大家衝哂去打卡。行出車廂覺得空氣好清新，舒服過係車入面



原定3點半落，但晚點20分鐘。落到站第一個見到既廣告竟然係整容



訂左睇到布宮既民宿，而家係布宮北面向南望，不過係布宮南面望返上去應該正好多。
老闆娘都幾nice，sd左好多推介出黎
趁有少少時間，行去布宮睇下。



可能係因為近景點，會有人追住你買串珠



而且我都有d驚訝都多人行乞，諗返係西寧無見過。呢個情況好似仲差過其他大陸城市…等等，香港而家好似都好多下……



好多人cosplay, 係服裝，重裝甲同遠距離下，唔少都呃得下人



用淘寶幾蚊雞既鏡玩天空之鏡

途中有個呀叔叫見我用無反，叫我幫佢影相。雖然佢只係用手機，但佢對角度，人身同個景既比例，同埋日落光線都好有要求，用左成10分鐘佢先滿意

之後係隔離商場搵野食，見到有間出名既如意卡藏餐，但大大份一個人太難叫，而且見到都係一班人食，仲要跳舞唱歌。最後黯然轉身去旁邊一間氂牛燒肉火鍋放題，$91



左右係氂牛，上面係烏雞，下面係羊肉。氂牛個口感比較實，味道比香港食到既牛淡d, 但同時有另一重味知道佢係氂牛，唔識形容，但都幾好食



喇嘛也放題



見識少，第一次見



見到有疑似三文魚既野，猶豫左好耐，問個職員係直接食得，旁邊有個客人就出聲話唔夠膽食，一定要煮過先
最後玩命試下，第一下食到既係雪既味道，都仲未解凍既都有三文魚味，但應該都係江鱒

食食下突然有個呀婆問我係唔係本地人。可能自己成日都不修邊幅，去親大陸玩都總有人咁樣問。個呀婆問可唔可以帶氧氣瓶上布宮。咁我就上網幫佢查。第一下都搵唔到答案，因為有d話得，有d就唔得。最後總結應該係上年開始比人帶入去。希望無老點到佢地

你拉薩間房都幾正下，how much？

布達拉宮廣場地下果d鏡係廢

用自己鏡先影得靚

係咪要買定塊鏡去？

果陣我都無帶，有熱心人士借返鏡拍

其實兩部電話 or ipad 都得，總之反光

係咪將塊反光野擺喺鏡頭中間就影到？

Lm

可以倒水落地下，反光既野都得
女士既話可以淘呢樣野，平時都可以當鏡用

而家上布宮

用個夾較到鏡頭中間就得

支持