[D987-] 抗俄衛國 185: 當勞侵大勝, 五盧布太監急過皇帝

SDF算係美國支持，但係主要係用嚟壓制伊斯蘭國。美國真正支持嘅反對派係東南邊嗰批。所以調返轉諗如果土耳其扶殖嘅反對派都做到壓制極端伊斯蘭組織嘅效果，咁好自然美國就冇乜需要喺庫爾德問題上咄咄同土耳其對立。

時勢唔同左. 以前土耳其如果可以伸手去敘利亞東北,
係有利阻止俄佬同伊朗滲透敘利亞西部同南部.
但而家土耳其勢力佔晒西部南部, 俄伊失去爪牙,
美國已經唔需要將庫爾德區域交俾土其耳.
呢個時候, 美國會樂見兩邊妥協.

畢竟土耳其想走返鄂圖曼帝國舊路,
係會令人好大戒心, 唔想俾佢贏太多.
但侵應該唔會死攬庫爾德, 頂多係外交上壓制安仔.

土耳其會同庫爾德人妥協？

伊斯蘭國又未死晒，除非新政權同美國一齊打爆佢地，否則我覺得HTS某程度都係做土耳其爪牙，霸住大馬士革做新王就算

庫爾德人同佢哋世仇應該好難，而家係驚侵放棄佢哋多啲

正路黎講，大家唔會想土耳其郁庫爾德，
難民問題歐洲已經受夠。
今次HTS好彩無造成難民問題。

侵係咪正路唔知佢。

以色列照炸敘利亞政府軍遺留既軍備
但揚言唔會同新政權衝突
https://www.reuters.com/world/middle-east/syrias-rebels-work-form-government-restore-order-after-assad-ouster-2024-12-10/

Israel says it is not seeking conflict with the new authorities in Syria, but its jets have been bombing targets across the country over the past three days to ensure Syrian military equipment does not fall into hostile hands.

時勢唔同咗，最大嘅唔同係美國已經失去咗對中東嘅興趣兼且開始覺得中東係負累，尤其係嚟緊侵做總統會更加明顯。八年前佢放棄咗敘利亞反對派令阿薩德扭轉局勢攻陷阿勒頗，八年後嘅今日放棄庫爾德都唔出奇。對於依家美國嚟講最重要係俄羅斯同中國（其次係伊朗），只要敘利亞唔落入呢兩個勢力，放比土耳其呢個北約盟友應該冇咩所謂。

土耳其同庫爾德和解就冇乜可能㗎啦，個難度應該僅次於巴勒斯坦同以色列

敘利亞同烏克蘭個情況我覺得又唔可以用民主去劃分，更加多係本身呢個國家係唔係靠自己嘅力量去維持同建立。2011年嘅時候敘利亞政府軍都冇咁樣潰敗，但係過去嗰10年敘利亞政府失去咗油田同埋大量國際制裁之下GDP冇增長不特止仲要大幅萎縮80%，萎縮嘅地步根本連軍費都應付唔到莫講其他社會開支。結果就係開始慣性依賴伊朗同俄羅斯，然後呢兩個外援自顧不暇，結果就係出現比起阿富汗更加一面倒嘅崩潰。

相比之下烏克蘭經濟都唔係好好，但係遠遠未到敘利亞呢個地步，呢個國家亦都冇慣性依賴過任何外護，係一個正常運作嘅國家，遇到危機嘅時候嘅應對能力好自然會高過敘利亞

巴打講的資源因素, 都係支撐往一個國家人民"抵抗意志"的因素.

當一個國家的人民, 連基本的衣食住行都有問題果陣, 根本講唔上乜嘢"抵抗意志.

"人的需求金字塔"理論, 係評估一個地方會唔會有足夠的"意志"同"能力"去抗拒外敵其中一個因素.

俄羅斯內部, 亦會因為經濟持續因制裁惡化關係, 人民的"人的需求金字塔"被迫向下滑, 當整體下滑到某個水平時, 俄羅斯聯邦亦會步向敍利亞的命運.

普京目前的應對方法, 就係"犠牲周邊/偏遠"區域, 集中維持莫斯科, 聖彼德堡等"核心區域"的生活水準與絕對優勢, 避免喺呢D區域的支持度持續下跌. 只要一日仲掌握住呢D區域的支持, 就冇可能動搖普京的權力.

咁可能又係制度差異，烏克蘭如常出口緊，唔係被制裁

#884, 滿足到人生需求金字塔的下層, 人先會想滿足更上面的需求.

制裁某程度上同獨裁的的所謂"帝王術"差唔多原理 = 用經濟, 基本物質供求, 將一個地方的人的需求, 限制喺"人生需求金字塔"的底層. 對"冇辦法往外/生活條件更優厚地方流動"的人而言, 呢種操作可以行之有效好多年.

現實世界中其中兩個例子就係北韓同古巴, 佢哋的人民仍然仲"生存", 但真係字面上的"生存"而已, 冇餘力滿足需求金字塔的上層的願望, 甚至當地人民心中有冇金字塔上層的需求都成問題.

屌詭之處在於HTS到底有幾親土耳其
上到位，同土耳其關係有冇轉變
畢竟個領袖有沙特讀書既背景。

呢個只能睇落去，太難估。

敘利亞今次如果亂起上嚟應該會仲癲過而家利比亞，啲派系多到

其實兩邊都差唔多, 只不過呢輪敍利亞聽得多, 先覺得果度派系/山頭亂過利比亞.

利比亞果邊係少人講, D派系冇咁出名咁解, 但當中複雜程度唔會輸比敍利亞.

利比亞而家係兩個政府

目前的資訊，利比亞兩個政府處於一個好微妙的“平衡” = 一個建基於大家打佐咁多年後慢慢build up番的自然（對利比亞來講）的平衡狀況。

只要外國唔再手賤干涉利比亞 + 兩個政府冇無啦啦身痕搞9外國，呢種內戰打番來的雙政府情況，應該會持續多10年8載以上。

而且帝巴提到一個好緊要的Term：出口貿易。現代世界架構，如果唔同其他地區進行交易自靠食自己維持，就會變成古巴，北韓咁。

未必連生存都有問題，但經濟一定難以發展，民生難以改善。無論一個地方行乜嘢體制，最終都要面對人民的衣食住行基礎問題，呢樣嘢好現實的。

利比亞少人講亦都反映咗佢個重要性冇咁高，外部勢力亦都冇敘利亞咁多。敘利亞結合咗阿拉伯冷戰，遜尼派什葉派鬥爭、美俄鬥爭同土耳其-庫爾德族衝突於一身。

暫時嚟睇HTS傾向同其他反對派合組臨時政府，唯獨SNA好似唔係好理大馬士革嗰邊而走咗去打庫爾德

HTS係親土耳其，但SNA真係土耳其

俄羅斯市民會點睇敘利亞單野
又一次冇晒面

佢哋收到嘅資訊應該同我哋唔同

烏克蘭（又）抄返荷蘭共和國嘅例子：喺歐洲以外擾亂西班牙帝國嘅米路

兩個twitter一齊睇。資訊混亂，
難以分別誰真誰假。
亦有可能兩段都真，由唔同勢力執行
https://twitter.com/realMaalouf/status/1866269474661318670
https://twitter.com/abdalhadealani/status/1866642302149578802