[D987-] 抗俄衛國 185: 當勞侵大勝, 五盧布太監急過皇帝

俄軍唔係撤退緊咩?

而且, 你炸左A10, 之後既F16甚至F35就會隨之而來.
只要你A10唔打俄軍, 咁還不如當睇唔到, 撤退算.

而且A10係super系戰機, 坦力驚人,
俄國既肩托式防空飛彈夠唔夠力打佢落?

烏克蘭黑土係全世界最肥沃既土地之一

歐洲糧倉就係烏克蘭

呢單真係offtopic, 去出面討論會好啲.

其實波蘭而家GDP升得好快.
重點係, 左膠少, 政府相對正常.
可惜香港人對波蘭認識太少,
如果唔係去嗰度闖下可能有機會.

稱霸就係稱霸, 要恢復舊蘇聯榮光.
我地又唔係俄仔, 俄帝國主義既擴張我地識條鐵咩.
唔好話我地, 烏克蘭一樣唔明.

https://youtu.be/c7HieAyXH3M?list=PLOLJ4DwAuwu5luE4oaLcwomWcrbbeL270&t=321

續#751

用A10, 可能係試探俄軍反應.
如果俄軍無用防空炮打佢,
就代表俄軍確實係想縮沙.

有美軍支援，對住班三流對手，反抗軍直情開住掛打，應該好快清場收工，阿薩德可以諗定長居俄羅斯定係伊朗都得啦

波蘭人自己回國搵食先
未輪得到香港人

種田個增值太少
你要幾大塊地先賺到養活一家人既錢？
多數種田既地方都係窮
烏克蘭天氣仲要咁凍
實際種到野既時間得半年多d
土地肥沃反而係個咀咒
要賺錢就要做二級/三級生產
種野去非洲仲好

菲律賓咁流既海軍居然會「見到」架潛艇
唔洗用美國佬個口講出嚟啦

你搞錯左, 唔係種田賺錢, 係為糧食啊.
你無左烏克蘭呢個歐洲糧倉, 糧食價格容易波動.
烏克蘭黑土係歐洲少有既沃土,
唔係你話靠化肥就可以得到既土地黎.
歐洲夠糧可以自給自足, 但糧食價格係環球性,
維持平穩係好重要.

非洲政局會牽涉好多部族政治同宗教衝突,
仲未講伊斯蘭國同華格納, 一直唔去非洲投資唔係無原因.

粗放式農業咪人均產值高

非洲土壤其實出名貧瘠

開戰初期有啲人話美軍以空軍為主既思維乜乜物物，對俄羅斯無用之類
美國佬就係用多年戰爭話俾大家聽，不適任何代價都要攞到制空權返嚟
拎到之後乜柒裝甲洪流乜鳩防線只係活靶

問題係依個地球除咗美國之外，暫時無國家做到

蛾螺屍最初以為自己係，但係結果證明唔係

戰略問題，俾你有核彈既話，會唔會話無錢養就唔要？
你估美國啲開支只係用嚟養美軍唔養農民？

和平時期就係。

但戰亂時代，唔好講賺錢，活下去都係一個問題。

1級生產喺戰亂時代，戰亂地區先係生存力最高的玩意。

非洲唔係乜嘢都種得，仲未計運輸問題，加埋區域安全因素之下歐洲當然需要烏克蘭呢個糧倉，鞏固其自主糧食供應。

另外巴打你似乎唔知道，烏克蘭生產的糧食，有唔少係出口去非洲，甚至中國都係烏克蘭重要糧食出口國

BYW，美國都住1.5 ～ 2流國家（俄羅斯，中共）始終係有d投鼠忌器的。

唔係投鼠忌器的話，以俄羅斯積累咁多年的惡行，北約應該開佐俄羅斯片。

問題係粗放式佔地方
土地面積平均產值低
人均高但塊地養得幾條友
咁無地既就要捱窮
都係解決唔到種野愈種愈窮既問題
發達國家一早做晒產業升級
賣工業產品同服務
是但做都有錢過種田
如果唔係窮國人都唔會走去英國打工

你地無糧關烏克蘭咩事？
唔通烏克蘭用農奴種田？
咁巴閉自己種呀
個價升左自然會有人投資增產

我要講既係
想擺脫貧窮最快方法就係產業升級
哪怕做雞都算係三級生產
一隻OF電子雞已經搵到幾十倍既錢
如果戰後仲係種田只會繼續窮困
要諗計生產有價值既貨物出口先係長久之計

我地當然知道缺乏武力會有問題
而家睇到就係當初烏克蘭棄核既惡果
但係都要諗用幾多錢去養住，養幾多，仲有技術同保安問題
當年美俄都想烏克蘭棄核
烏克蘭又無錢
當年時空背景同今日好唔同
中間親歐親俄都搞左好耐
兩邊夾住既情況下我覺得烏克蘭錯唔晒

糧食生產真心唔係講咁易, 賺到既margin profit其實係低,
現今社會唔會太多人有興趣呢一門, 會做其他生意.

烏克蘭而家打仗, 對手仲係俄佬, 資金唔係好敢入去.
點扶起個經濟, 我諗大把人識, 但我既重點係, 唔好睇小農業,
以為好易. 英國工業革命, 個個以為係蒸汽機既功勞,
其實係英國先有左農業革命, 為英國帶黎足夠糧食,
工廠先有足夠工人去生產. 農業革命係工業革命既基礎,
永遠要記住呢點.

退一步黎講, 就算歐洲唔需要咁多糧食,
都無理由睇住啲地俾俄羅斯搶左去種,
成為日後打歐洲既糧食+經濟來源.

難聽啲講... 東歐咪就係盛產OF妹, 但係唔係好知呢種行可以點搵錢
我意思係, 我知啲女係咁樣搵食, 但係咁抽象嘅行(服務)我唔係好知波蘭羅馬尼亞烏克蘭係點搵錢, 即係有冇稅收, 定係學東歐人講有"dnipro" mafia帶住女搵食, 根本連稅都唔交, 咁點建設
已經唔理啲女係自己獨立搵食定係依附黑社會, 定係被操控, 即係佢唔係撈偏, 但係收入緣故要跟住偏門嘅人搵錢
講嚟講去都係唔係IT, 醫護, 商界咁樣搵真銀交真稅

波羅GDP增長係唔錯呀, 但係我都係講返OF妹多啫... 美國就純粹本來人好多, 多女係正常, 唔似東歐, 羅馬尼亞全國都冇加州咁多人, 但何來OF妹多過成個加州, 窮丫嘛
真係索都可以做higher end modeling啫, 又唔係, 一係個個流哂去西歐搵食, 意大利好多羅人
咁喺西歐生活都係唔係交返稅畀羅/波/烏

咁波蘭就有加州咁多人嘅, 已經係中歐嘅middle power嚟
波羅嘅定位可能係outsource返西歐嘅嘢, 由西歐漏返少少投資畀佢哋搵
---
但係正題嚟講烏克蘭嘅悲劇並非佢哋想自己一個國家, 而係俄羅斯成日覺得自己係whatever正統/有資格代表烏克蘭
相對之下波羅(兩個主要鄰國)種族分界並冇呢個問題, 甚至係蘇聯主動幫波蘭「解決」咗波蘭東西邊界... 烏克蘭本身就係邊界國, 可見將來都會做磨心, 亦都因此要歐洲養, 西歐唔敢/唔想都好, 波同羅等等都要幫拖, 只可以咁

個歷史係不停循環, 羅同波先後(再)建國, 波蘭20世紀夠哂慘, 但係俄帝同蘇聯其實係知呢個行省/衛星國係管唔掂
波, 羅, 芬蘭, (波羅的) 俄方知冇可能拎返/唔(太)可能攻下
但係對(白羅), 烏克蘭就係死不放手

阿媽係女人咁講, 俄羅斯亦都「退一萬步」, 死攬白羅同烏東, 烏中同烏西佢都當算數之類
於是2014至今, 都係拎啲「歷史」出嚟講話烏克蘭領土都係俄帝送嘅(我送嘅即係我可以收返)之類