【騎士與命運之圓舞】《誤上了黑幫老大的情婦，我只好躲在中環的職場胡混》- 第八季：騎士圓舞

「從來都係樹大招風，手握大權嘅，永遠都想和平同穩定，咁全世界咪可以一直跟住自己嗰套咁行，而建制以外嘅為咗生存同發展，唯有要挑戰、甚至推翻現在有制度，動機同意圖本嚟都可以想像得到。」我亦在煙盒中抽出一枝煙， 點起火深深吸了一口，再道：「之不過，令成件事添上更加多嘅不確定性嘅，係三姨太似乎都唔係完全效忠『玫瑰會』，究竟佢係幫緊邊個做嘢？想達到嘅目的又係乜呢？所以我唔去『騎士圓桌會議』嘅話，就根本無可能再接近真相多一步。」

「無錯，事情發展到呢個地步，尤其徒弟你已經取代埋朱建東，可以控制成個『東皇朝』，比起隊冧佢仲好得多，所以呢個仇，算係報咗有凸添啦。」福伯忽然撲過來擁著我，感激地道：「如果唔係你，我呢個仇都唔知幾時至可以報到呀！」

我大吃一驚，便連拍著福伯的背脊，忙道：「師父你千祈唔好咁講啦，徒．．．．徒弟都只係做應該做嘅事啫．．．．」

「枉你一路師父前、師父後咁叫我，但係我好似咩都無教過你咁．．．．」說到這裡，福伯突然推開我，然後一溜煙地沿牆邊的樓梯跑上閣樓，過了一會，又聽見「踏踏踏」聲由遠至近的跑了回來，手上卻多了一個殘破的木箱子。

福伯將木箱放在地上，我好奇的走過去正想問過究竟之際，福伯就向著木箱頂大力吹了一口氣，被風刮起了的灰塵當堂惹得我連咳了好幾聲。

我一邊用手掩著口邊，一邊問：「咩嚟架．．．．咳咳咳．．．．」

「知你好快就要去瑞士，無乜時間逐樣嘢學，師父就將呢本我阿媽『至尊凌瀧』臨死前留畀我嘅最高心法傳授畀你啦！」說罷，福伯便將木箱打開，並在箱內拿了一本古舊的經書出來。

我擦一擦雙眼，便照著經書封面上的四個大字，直讀：「歸．零．心．經？」

「無錯，就係『歸零心經』！」福伯點一點頭，然後呈現出一個自豪的笑容，道：「任何嘅牌技或者財技，都唔會比得上『歸零心經』，反之，如果你能夠領悟『歸零心經』入面嘅要訣，你就自然可以使出千變萬化嘅牌技或者財技，真真正正成為難知如陰、動如雷霆、戰無不勝、攻無不克嘅絕世高手！」

福伯突然收起笑容，將經書往我的方向遞過來，正色地道：「當你接過『歸零心經』之後，你就會正式成為我嘅唯一傳人，除咗『龍雀門』之外，從此，連『福永』都歸你所有！」接著，再以更嚴肅的語氣，問：「你清唔清楚？」

送別徐志摩時，徐爸爸為他買來橘子，想不到在我遠赴瑞士之前夕，福伯為我送來的，竟是一本如此厲害的秘笈！

我屈膝跪下來，雙手接過「歸零心經」，朗聲答道：「弟子領命！」

（待續）

第二百七十三話　至尊寶典

我從福伯的手中接過「歸零心經」後，他便一邊扶起我，一邊問：「記唔記得師父之前有教過你，要贏錢，最緊要『氣勢』？」

「梗係記得啦！你話『氣勢』包含『運氣』同『聲勢』嘛。」我想也沒多想便答。

「一般人賭錢都只係想贏錢，但其實喺心態上如果以『歸零』為目標，只要唔輸錢，就已經可以將自己立於不敗之地，而同任何人比拼，要贏，就要有比對手更強嘅『氣勢』，不過因為人有三衰六旺，遇到自己嘅『氣勢』比唔上對手嗰時，我哋就要用千術嚟偷返個『氣勢』返嚟，好似『五靈千術』分『火、風、雷、土、水』五瓣，就係透過存在喺你周圍環境入面嘅五種唔同元素去幫你出千。」福伯笑了一下，反問：「嘿，你唔會唔記得嗰次『寧波紫霞』利用嗰把掛牆扇搞到你一戙都無架？」

我一臉正經地「嗯」了一聲表示認同，心卻想：「嘿，我亦都唔會唔記得佢哋兩姊妹點搞到我一滴都無剩嗰次呢！」

「你嗰陣只係一個普通人，『寧波紫霞』使出『御風術』嚟對付你就梗係綽綽有餘啦。」福伯點起一枝煙，再道：「不過去到高手過招時，雙方『氣勢』嘅強弱差距就唔會咁一面倒架啦，如果遇著嘅對手係嗰種遇強越強嘅話，喺激戰當中仲分分鐘會激發起對方嘅潛能同鬥志，令佢可以使出超水準嘅表現出嚟，咁就算你明明應該係技高一籌，臨場嘅結果都可能會變成老貓燒鬚啦。」

我猛然醒道：「哦，情況咪好似啲 GOAT (Greatest of All Time) 嘅超級球星，有時都會喺決賽爆冷咁輸畀啲後起之秀一樣之嘛！」

「無錯，因為任何比試，壓力都會不知不覺咁累積，佔優嗰方仲會額外承受怕被人後來居上嘅無形心理壓力添，而每個人就好似一面鏡咁，會不自覺咁將你嘅壓力同『氣勢』反映出嚟，如果你嘅對手係高手嘅話，佢係一定會察覺得到，當壓力一直累積到一個再承受唔到嘅程度，你嘅心理就會崩潰，到時無論你之前儲落幾多『氣勢』，全部都會喺一瞬之間化為烏有。」福伯吸了一口煙，再道：「正所謂『水能載舟、亦能覆舟』，『氣勢』亦都一樣，你為咗贏會將自己嘅『氣勢』越推越高，但係當『氣勢』處於極高嘅水平，就代表你嘅心理狀況係唔容許有絲毫雜念嘅時候，靠嘅就係絕佳嘅心理質素。」福伯說到這裡便停下來，再以堅定的眼神望著我，道：「所以最頂尖水平嘅對決，從來都唔係鬥技術、而係鬥心理！」

推

新文數量歸零

我屏著氣息，緩緩點了頭一下，福伯就知道我大概已了解他的意思，便繼續道：「『歸零心經』係『至尊門』一套上乘心法，係可以將你嘅心態調整至原點，咁你就可以保持你塊心鏡永遠都最清澈同冷靜，無論你嘅『氣勢』推到幾高都好，你都能夠令自己『歸零』從而壓力『歸零』，驅使你向前行嘅每一步，就算係衝線嗰步，喺心態上都會當自己由零開始嘅第一步咁行，而你嘅氣場亦可以喺你嘅對手面前完全隱藏，做到不動聲色，當你完全掌握成套『歸零心經』之後，你除咗可以操控自己嘅『氣勢』之外，仲可以透過洞悉對手嘅心鏡，嚟操控埋佢嘅『氣勢』，達致以子之矛，攻子之盾，殺人無形！」

如果真是這樣的話，那麼「歸零心經」實在是太厲害了！

「高手如利刀，不過經過長年累月同唔同嘅對手交戰，再鋒利嘅刀都有機會變鈍、甚至生銹。」福伯拍一拍我的肩膊，又道：「『歸零心經』除咗可以令你呢把刀喺戰場上永遠都處於最鋒利嘅狀態，你仲可以利用埋對方嘅武器，都變成你嘅殺敵利器！」

難怪福伯一開始已經說任何牌技和財技都不會比得上「歸零心經」，若以武俠小說的方式來解釋，就算你習得一身拳腳外功，但沒有半點內力，任何技術和招式使出來時都變得毫無意義，打在敵人身上亦是不痛不癢，反之，只有內力深厚的人，無論配合任何武功，不但能成為絕世高手，對方打過來，還可以借力打力，猶如張無忌的拿手絕學「乾坤大挪移」般，「歸零心經」就是一本這樣的內功心法寶典。

想到這裡，我便忍不住翻開手中的「歸零心經」，隨便看了幾頁，只見每頁都密密麻麻寫滿艱深難明的文言句子，便苦笑道：「師父，我知你本嘢好勁，不過裡面啲內容咁乸深咁，我怕我『歸西』都未必學得識點『歸零』喎。」

第二季季終後就好期待卡西跟福伯學嘢
終於有得睇卡西升level

福伯「呵呵」的連笑了幾聲，再道：「你肯睇就總有機會練得成，你唔睇就一定練唔成，老實講，『歸零心經』共有八訣，你師父我一見成本嘢啲字密質質咁已經唔想睇，好艱難咁至『咪』完第一訣『由零開始』，所以我頭先講嘅只係成套『歸零心經』最開頭嘅基礎部分，家陣你係我唯一嘅傳人，總之本嘢就送咗畀你架啦。」

原來連福伯自己也未學懂「歸零心經」，神功果然不如像武俠小說般說練就會練得成，看來我剛才是興奮得太早了！

有點兒洩氣的我一直無心地翻著經書，翻下翻下，忽然發覺原來最後的幾十頁是貼在一起，上面並沒有任何文字，卻藏有一個黑色矮身的圓形小瓶。

我覺得甚為奇怪，便將小瓶拿了出來，問：「呢甖咩嚟架？」

「哦，咪『歸零膏』囉。」福伯想也沒多想便答。

「咩話！？」我瞪大雙眼，脫口叫道：「歸．．．．歸零膏！？」

福伯點一點頭，道：「係呀，我都係聽過我阿媽講架啫，因為『歸零心經』難練，所以跟埋呢甖『歸零膏』，必要時搽少少喺『承泣穴』、『聽宮穴』、『承漿穴』同『水溝穴』就會發揮功效，目的係透過適量嘅特製麻藥以控製同減慢自身吐納，話會可以幫到練『歸零』架喎。」

我聽得一頭霧水，便問：「乜．．．．乜聽、乜溝呀？」

「我講嘅係穴道呀，簡單講咪即係眼、耳、口、鼻都搽啲囉。」福伯頓了一頓，再叮囑道：「嗱，不過記得千祈唔好搽太多呀，好似話會搞到窒息架，分分鐘搞出人命！」

「查實呢本嘢有咁耐歷史，入面呢甖嘢過期未架？」我以極質疑的口吻問。

福伯攤一攤開雙手，擺出一副「天知曉」的表情，道：「鬼知咩，我唔駛練成『歸零心經』都經已天下無敵手啦，所以我無用過架。」

我內心雖然充滿著疑惑，但這好歹也是師父送給我的，我還是好好收下，至於「歸零心經」我會 scan 成 PDF，有空才慢慢研究吧。

福伯將手中的煙擠熄，然後把木箱拉到我的面前，道：「係呀，我仲要畀埋枝『黑如意』你呀。」

「師父，又咩『黑如意』呢？」我不解的問。

「咁以後『福永』都會收歸你所有，代表『福永』最高權力同威望嘅象徵物就係『黑如意』，我梗係要交埋畀你保管啦！」說罷，福伯便從木箱中把一枝黑色的「如意」拿出來遞給我，「如意」是「福祿壽」三仙中的「福星」所手持之吉祥物，想不到也是「福永」的「龍頭棍」呢！

記得電影《黑社會》，整個「字頭」上上下下勞師動眾就只為了要找回那枝「龍頭棍」，現在就垂手可得的放在我面前。

我接過「黑如意」後，便一邊好奇的盯著那個木箱，一邊打趣地笑道：「師父，你呢個真係八寶箱嚟喎，好似乜嘢都有嘅？」

「呢個箱係我由香港去到美國又回流返嚟香港都跟住我跟咗我好耐架啦，總之有咩要留念、或者唔想理又唔想扔住嘅嘢就塞鬼晒入去囉。」福伯整理著箱中的物件，半自言自語地道：「咁同個賤人分開咗之後，我咪又繼續帶住呢個箱四海為家，一直到而家至算係有得停落嚟咋，搵日得閒都真係要執下佢。」

要學新招式，至對付到新嘅敵人

我不禁往箱中一望，裡面果然堆滿零亂不堪的雜物，既然這個箱由福伯的小時候已跟著他，說不定連他的小學成績表也可能找得到。

看來天下無敵手的福伯這刻最需要練成的不是「歸零心經」，而應該是「斷捨離」呢！

忽然，我無意之間在雜物堆中，發現一個很殘舊的小信封，這種小信封，通常會用作 check in 時，酒店職員存放住客入住的房咭。

我為何會被這個本應毫不顯眼的小信封所吸引？

因為小信封上印著「查爾德頓依」的英文字樣。

而「查爾德頓依」，就是我即將要前往舉辦「騎士圓桌會議」那位於阿爾卑斯山山區的渡假酒店！

（待續）

第二百七十四話　荒誕之極的行程

我見狀連忙伸手將那個小信封從「八寶箱」中拿出來打開，信封裡面放著的雖然不是房咭，卻是一把與房咭功能相若的鑰匙，並扣在一塊周邊圍有古典浮雕的銅牌之上，銅牌拿上手充滿著沉甸甸的質感，表面亦布滿刮痕令它已失去應有的光澤，顯然是歷史悠久之物，但舊而不破，仍清晰可見銅牌末端刻有「查爾德頓依」的英文字樣，和中間相信是代表「房號」的一組數字，如下：

＊＊＊＊＊＊＊＊＊＊＊＊＊＊＊＊＊＊＊＊

101

＊＊＊＊＊＊＊＊＊＊＊＊＊＊＊＊＊＊＊＊

我盯實手中的房匙，凝重地道：「『查爾德頓依』就係嚟緊舉行『騎士圓桌會議』嘅地方。」

「見你呢個反應，我都估到架啦。」福伯重新點起另一枝煙，吐出了一團煙雲，又道：「呢封嘢係我師父鬼谷子留低架，我都有同你講過佢係『君子黨』嘅『恩典騎士』嚟，佢每五年都會去一次瑞士，諗返轉頭我諗佢就係去你講嗰個『騎士圓桌會議』，每次臨去之前佢都好忙，好多嘢都要佢處理．．．．」福伯頓了一頓，沉思了半晌，再道：「我好似有聽佢講過連黨主席啲 Logistic 同間房都係佢安排架。」

我一聽到「主席」二字，心當堂猛然地抖了一下！

「君子黨」的權力核心來自黨中的「中央君子委員會」，由全球為數只有十人的「十騎士」所組成，每五年一度的「騎士圓桌會議」就是商討和制定全球經濟規劃及發展方針，經黨主席認定後，並會成為「君子黨」未來五年的《君子行動綱領》，這麼厲害的重頭戲，由專責的「騎士」親自主理亦無可口非。

貴為至高無上的「君子黨」主席，入住的不用說肯定是最豪華、最高級的「總統套房」，而這種房型在每家酒店都只有一間，相信「查爾德頓依」亦不會例外。

「101」一個如此特別的房號，如果不是鬼谷子自己的房間的話，很可能就是屬於黨主席的房間，而保留著黨主席房間的鑰匙，亦方便鬼谷子每次「騎士圓桌會議」為黨主席作打點。

雖然以上都是我的個人推測，但帶著這把房匙去「查爾德頓依」肯定會有幫助！

「師父，我可唔可以 keep 起條匙？我想帶埋去瑞士。」我問。

「我話咗你係我嘅唯一傳人，我嘅嘢咪即係你嘅嘢，你有用咪攞去囉。」福伯爽快地答。

我點一點頭，然後就把房匙收起。

「咦，係喎，既然你做咗朱建東，咁個賤人咪做咗你老婆？」福伯忽然擺出一副古怪的神情，單刀直入的問：「咁你有無砌過佢呀？」

我未料及福伯會有此一問，當堂面有難色，支支吾吾，不知如何回答。

「師父好開通架喎，咪話咗我嘅嘢咪即係你嘅嘢囉，嘿嘿。」福伯連笑了幾聲，又道：「點呀，條賤人係咪好淫呢？你得閒就記得要幫我教訓多啲佢呀！哈哈哈！」

「弟．．．．弟子領命！」我只好答了這一句。

咁要教訓多啲先得

每次見福伯都有意外收獲，這次亦沒有例外，最大突破是我們彼此的關係，或許之前他只視我為可作報仇之用的棋子，同樣地我亦因為他的喜怒無常和手上還拿著我的把柄而對他處處防範，直到今天，他親眼見識我竟連朱建東也可以取代，証明了我是一個非比尋常的人才，他終於都 100% 確定我徒弟的身分和放心由我去承繼他的一切。

包括他的女人。

這也是我們社會的法則，正如公司要確定你有升職的能力，才會去考慮升不升你罷了。

之後，很快就到了我飛布拉格的日子。

堂堂超級富豪出差，我以為最低限度孫管家也會跟著我為我沿途打點，但他在私人飛機上安頓好我後就準備離開，我才知道原來我是一人孤身上路，神色之間忍不住流露出一點錯愕。

孫管家果然善於看眉頭眼額，只見他亦立即察覺到我有點兒不對勁，便連忙聳一聳肩，陪笑道：「老爺，又係你吩咐我，要我一定要跟住你一貫嘅慣例去安排行程嘅？」

我生硬地連笑了幾下作掩飾，再答：「梗係啦，我就係見你走極都仲未走，驚你搞到我班機 delay 咋。」

同福伯嚟個3p先啦

「以前就話啫，今次係你醒返之後第一次遠行嘛．．．．」孫管家再檢查多一次扣在我腰間的安全帶，又道：「到咗布拉格嗰邊就會有司機嚟接老爺你架啦，你有咩需要就隨時 call 我啦，總之萬事都要小心呀！」

目送孫管家後，空姐便將機艙門關上，未幾，兩邊機翼引擎就發出震耳欲聾的巨響，產生源源不絕的動力推著機身沿筆直的跑道瘋狂加速，漸漸速度彷彿令一切重量都變得越來越輕、甚至不存在，機輪便率先脫離地面，接著就是整架飛機，並向著二萬五千尺的雲霄直衝上去。

與一般大型客機相比，坐在私人飛機起飛的感覺真的是實在得多。

記得上一次乘坐私人飛機是因為哈爾仔，這次也是。

還有李大海的請求、和「黑衣女皇」的陰謀。

每一個問題我都沒有信心可以處理，現在卻同時在「騎士圓桌會議」中發生。

真不知道到時會有甚麼在等待著我呢！