【騎士與命運之圓舞】《誤上了黑幫老大的情婦，我只好躲在中環的職場胡混》- 第八季：騎士圓舞

想到這裡，我已變得無畏無懼，更肆意地拍一拍法師的背面，問：「你有沒有煙？」

法師一怔，然後「哈哈」大笑了幾聲，再向著我舉起一邊衣袖，我有見識過他如何打賞蜜雪兒，便連忙伸出了手，一包煙就從領口掉了在我的手掌之上。

我抽出一根煙放到唇邊，法師就替我點火，再道：「我得啲本地煙喺身，唔知你食唔食得慣。」

「乜原來你識廣東話架？」我驚奇的反問。

「我哋都『接待』過唔少香港嚟嘅。」法師說「接待」二字時的語氣特別古怪，任何人也能聽得出有弦外之音，他頓了一頓，又道：「我哋趕時間，你食一枝好啦。」

我「哼」了一聲，將手中的一包煙還給法師，再道：「你係驚我食煙食到啲器官黑鬼晒，劏出嚟都唔值錢之啩？其實我都咁鬼老啦，就算你哋要攞我命嘅話，留我一條全屍當係敬下老，好唔好？」

法師一邊將煙收起在黑袍之內，一邊皮笑肉不笑地道：「放心，我哋點都會喺你身上搵到啲值錢地方嘅。」

這個時候，我忽然想起《仙履奇緣》中的情節，紫霞仙子和白晶晶跑進了至尊寶的肺腑裡，就能看得見一顆心究竟被誰佔據著，便打趣地道：「如果橫掂都係要劏開我，咁拍爛檔麻煩你落刀準啲同快啲，我想臨死前可以望見自己個心，一眼都好啦，我想知係咪真係會睇到我最愛嘅係邊個呀。」

男男定kim

唔斬開真係唔知

法師「嘿」的冷笑了一聲，道：「難得你到咗呢個時候都仲可以咁情感，我真係開始明白點解條條女都冧你喎。」

「你仲寸鳩我？擺明我自己帶嚟嗰個就一頂綠帽照頭笠落嚟，仲兜口兜面跟咗條小鮮肉走添啦．．．．」我苦笑的道。

一枝煙的時間很快便過，之後我們多走一會，終於來到一道鋪滿古典浮雕的大門前才停住腳步，看來我們到達了。

法師敲一敲門，房內傳來一聲「進來吧」，接著，門竟然「軋」的一聲向左右兩邊滑開。

在一堆頹垣敗瓦中，我怎也不能想像得到，破牆上的一道門竟以如此「Hi-tech」的方式打開，簡直令我大吃一驚！

仰頭一探，門後似乎是一個樓底極高的室內空間，我實在是好奇，不覺踏進到裡面去。

我邊走邊打量著，只見由大門延伸的通道兩旁排開是一列又一列的電腦裝置，坐滿穿著整齊軍服的技術人員在忙於操作面前的電腦，四周牆壁都鋪滿超巨型的屏幕，正顯示著不同場景的監控影像和地圖訊息，就是因為有數不清的屏幕發出來的藍光和不同電子系統上閃爍不停的信號燈，令這裡好像沒有特別的照明設施，也比門外的醫院廢墟光亮得多，十足十現代軍事電影中的司令部一樣。

我沿著中間的通道一直走，慢慢看見盡頭垂掛了一面最少兩層樓高的紅色直幡，上面一個白色的圓形中間，印有一個以英文字「NT」構成的黑色巨型徽章，直幡前面是一張長方形會議桌，末端主席位置正坐著一個從頭到腳都穿上全副盔甲的人，似乎已久候我多時了。

法師拉開一張椅子，邀請我在主席對面的座位就坐，再介紹道：「呢位係鐵面司令，你哋慢慢傾。」說罷，便走開了。

「你想我稱呼你為朱先生、抑或係朱騎士呢？」鐵面司令道。

鐵面司令不僅是知道我騎士的身分，更令我驚訝的，是厚厚的盔甲之下傳出是一把清脆的女聲，憑著這把聲線，我肯定，眼前這個看不見容貌的鐵面司令，赫然是一位妙齡少女，年紀輕輕就是這裡的司令，這真的叫人太難以置信了！

我裝作鎮定，聳一聳肩道：「無所謂啦，點都係一句啫。」

鐵面司令笑問：「第一次光臨我哋僧侶山，覺得點呀？」

「個賭場入面係幾靚嘅，其他地方就有啲得人驚咁啦。」我帶笑回答。

鐵面司令「哈哈」的笑了幾聲，再道：「如果你有聽過僧侶山嘅歷史，都應該知道呢座所謂嘅『黑十字教堂』，前身其實係修道院嚟，主建築嘅座堂部分就改建成地下賭場，係法師嘅地頭，至於連接到另外一翼嘅療養院部分，即係你頭先經過你話有啲得人驚嘅位呢，就係我嘅地頭，主要係負責保安，所以既然係『Back of House』，又邊駛執得咁靚啦。」

「又你嘅地頭、又法師嘅地頭？分得咁清楚咁，乜你哋唔係同一路架咩？」我不解的道。

鐵面司令搖一搖頭，道：「梗係唔同，法師係一個叫做『黑十字兄弟會』嘅神秘組織嘅召集人，亦係好多唔同生意嘅主持人，包括經營地下賭場，你都知道撈賭好多時都會惹上唔少麻煩嘢，特別係好似『黑十字』係全歐洲最大規模嘅地下賭場，所以法師就搵咗我哋嚟做睇場。」

「連全歐洲最大規模嘅地下賭場都搵你做睇場，咁你一定好猛料啦？」我脫口叱道。

都估到一定係女

卡西故事喺呢方面嘅設定太易估

又要屌閪喇

鐵面司令指一指背後直幡上的「NT」徽章，道：「我哋係全球三大地下僱傭兵團之一嘅『復仇女神之獠牙 — Nemesis Tusk』，又簡稱『女神之獠』，就連你哋嚟緊嘅『騎士圓桌會議』嘅保安工作，都係由我哋負責架。」說到這裡，鐵面司令仰前身子，壓低了聲線笑道：「嘿，我就係睇過啲資料，認得你係其中一個『騎士』，又咁啱喺 CCTV 見到你同法師賭緊錢，咪專誠請你過嚟吹下水囉，你哋『君子黨』以後再有啲咩需要幫手，最緊要第一時間搵我呀！」

剛才法師放走其他人卻要我留下來，嚇得我以為他們要活摘我的器官，原來是鐵面司令在後台認出我是「君士黨」高層的身分，便請我過來一聚，想打好關係以爭取日後更多「君子黨」的生意罷了。

「邊有話關照唔關照啦，總之你當我係朋友嘅話，有我幫到朋友嘅地方我一定會幫嘅！」我客套的回敬了一句，又道：「實不相瞞，其實小弟做咗『騎士』都唔係好耐，我仲以為『君士黨』一個咁大嘅黨，點都會有自己嘅保安團隊啩？乜竟然連咁緊要嘅『騎士圓桌會議』嘅保安工作都會假手於人嘅？」

「哈哈，見你咁坦白我又不妨對你坦白啦，其實我接手『女神之獠』都唔係好耐架咋，所以仲煩緊點可以攞多啲單返嚟。」鐵面司令笑了幾聲，然後解釋道：「以我所知，『君子黨』係控制每個『北約』成員國同盟友嘅政府，當然包括佢哋所屬嘅軍隊，不過就算係『北約』以外嘅國家同組織，最先進嘅軍備同武器都係由『君子黨』掌控嘅企業所研發同生產，遇到好多時有『君子黨』唔想政府出面嘅軍事行動，都會搵我哋呢啲僱傭兵團幫手，而因為『君子黨』唔想有獨大或獨攬嘅情況出現，所以每單 Job 都係根據 WTO 嘅指引去招標同採購，慢慢發展就形成咗家陣僱傭兵市場三大鼎立既局面。」

卡西係咪好似魯路修咁會有自己軍隊

好奇君子黨同共產黨俄羅斯有咩關係喺樓主個世界觀入面

「君子黨」真是一個凡事都講求機制和重視公平機會的組織，但目的偏偏是為了鞏固和維護金字塔最頂尖之極少數人的既定利益，真的十分諷刺！

我實在對鐵面司令所說的話極感興趣，便再追問：「你話而家嘅僱傭兵市場係三大鼎立，你哋『女神之獠』係佔一席位，咁其他兩家係乜？」

「其實另外嗰兩家就係排喺我哋嘅頭頂，首屈一指一定係基地喺北美嘅『淨化及安全公司 (Cleaning and Security Company - CSC)』，佢哋擁有嘅軍備之多簡直可以直接稱之為影子國民警衛隊，只係服務對象唔局限於美國國民，貴為業界龍頭嘅『CSC』，兵團嘅管理亦極企業化，佢哋嘅管理層深知大家都係行家，最緊要係業界正常競爭同發展，生意長做長有啫．．．．」鐵面司令面露一絲難色，又道：「所以最難搞、而我哋班行家亦最怕交手嘅，反而係第二大嘅『希菲托斯』．．．．」

「希菲托斯」？這個名字我好像有在哪裡聽過呢？

「『希菲托斯』以中東作根據地，任何人都知嗰度長年累月都打緊仗，所以就有源源不絕充滿實戰經驗嘅士兵供『希菲托斯』聘用，呢班士兵一世人嘅時間都喺戰場上面渡過，load 手槍仲多過你轆手機，除咗殺人之外就乜都唔識，所以講軍備『希菲托斯』未必係最先進，不過就算強大如『CSC』都唔會想同『希菲托斯』正面交鋒囉。」鐵面司令頓了一頓，再笑道：「我仲聽聞『希菲托斯』內部近排仲越搞越亂，今次『騎士圓桌會議』單 Job 連標都無入，少咗佢哋掙，我趁我哋贏面大咗，就再賣大包咁落咗個超筍價，咁至中到你哋枝標咋！」

啊！我記起了！

那次我被邀往「薔薇莊」參加哈爾仔的婚禮，在逃離各方「玫瑰」追捕時匿藏在酒桶之內並誤送往「黑衣女皇」的書房中，所偷聽得到有關「拔道書院」寶藏的下落，女皇就是命令三姨太要把黃金送到「希菲托斯」那兒！

原來當時女皇口中的「希菲托斯」，就是當今最棘手的地下僱傭兵團！

喺騎士圓桌會議就會有分曉

用咗整整7日由第一季追到live，真係爽到仆街

冇辦法相信依5年嚟都冇留意到依個故
好感激卡西大佬可以比到一個咁好睇嘅故比我地睇

中段開始有好多用歷史背景同唔同範疇嘅知識嚟融入個主線
有時都會睇到眼花但都覺得好有趣
不過又真係太角色/女角個個都大波索女語氣差唔多，如果啲角色再加多少少個人特色/內心世界會仲正

個人最鐘意嘅角色有Kim，Siri同白髮女皇

以後又要加入無盡嘅等文地獄

非常感謝你嘅支持
不過我真係想問，你點可以睇得咁快架？

等文都唔會地獄嘅，家陣我三線連載，點都幫到你止下癮嘅

【誤上了！最新進度 - 第八季】
www.penana.com/story/167542/誤上了黑幫老大的情婦-我只好躲在中環的職場胡混-第八季/

【誤上了！原汁重甜版】
www.penana.com/story/166128/誤上了黑幫老大的情婦-我只好躲在中環的職場胡混-原汁重甜/

【短篇故 人妻食用手册】
www.penana.com/story/167492/人妻食用手册/

你有tg嘅話都歡迎你join我嘅小部落，吹下水
https://t.me/iamkasai

謝謝

如此一來，「玫瑰會」和「希菲托斯」肯定是有著某種的合作關係，而黃金在「希菲托斯」的手上，我們亦別指望可以再找得到。

鐵面司令見我一言不發，又擺出一副眉頭深鎖的模樣，便歎道：「我都明你點解咁愁嘅，如果『希菲托斯』真係分裂起嚟，只要有部分力量流向啲恐怖組織度，你哋『君子黨』都會幾頭痕．．．．」

我當然沒有如鐵面司令所說的想到那麼遠，不過跟她才是初相識，是敵是友現階段亦難料，我固然不會將我所知道的說出來，只是聳一聳肩回敬一個苦笑，隨意帶過便算。

「哈哈，你哋啲『騎士』咁神通廣大，一定有辦法嘅。」鐵面司令站了起身，走過來拍一拍我的肩膊，再笑道：「嗱，總之朱騎士你以後記得要多多關照呀，我哋三日後喺『查爾德頓依』見啦！」

「好呀！」我隨口應了一聲，想了一想，發覺好像有點兒不對勁，便立即問：「咩三日後呀？我聽日就要飛過去、後日就開會架啦，你三日後至嚟到我哋乜會都開晒啦，你係咪記錯咗時間呀？」

鐵面司令直斥其非，驚道：「無可能架喎，日期同時間對於我哋軍人嚟講係好敏感架，因為那怕係一秒鐘嘅偏差結果都好可能會唔同晒，所以我哋個行動 Schedule 絕對無可能錯架，尤其我啱啱至同你哋負責今次會議保安嘅『騎士』溝通過，呢個期無花無假係佢畀我架喎。」

「負責保安嘅『騎士』？咁即係邊個呀？」我連忙追問。

「咪係．．．．」鐵面司令明明說到嘴唇邊，卻突然硬生生的住了口，大概她自覺自己或許是說多了，隨即靜默半晌，再打個圓場道：「咪係我諗你哋一定有你哋嘅安排囉．．．．講到底，我哋只係你哋其中一間 Service Provider 啫，有咩我諗你直接問返你『君子黨』啲同事仲好啦．．．．」

「之不過．．．．」我疑惑地道。

「唔好之不過啦。」鐵面司令當堂就打斷了我，又拉開話題的道：「時候都唔早啦，你今晚就留低過晚夜，聽朝至走啦。」鐵面司令未等我回應，便向著一個站在旁邊的士兵，以英文叱道：「當值士兵聽命，快點帶朱騎士到我們最豪華的房間休息！」

「遵命！」說罷，那當值士兵便攤一攤起手，示意我跟他走。

鐵面司令已提高了警覺，即使我再勉強咬實不放都肯定不會問出甚麼來，加上今天已經歷得實在太多了，現在我最需要的是好好休息一下。

雖然這刻我還未想到甚麼頭緒，但我肯定，某些人已在進行一個大陰謀，並會在「騎士圓桌會議」中發生！

那麼，這個大陰謀，會是衝著哈爾仔而來的嗎？

（待續）

可唔可以出返個最新既人物關係圖，有時真係記唔起啲人同啲關係