Samsung Fold / fip 討論區 (6)

無電子野可以一世唔壞既, 當然電子野有時都要睇彩數, 5代已經明顯見到改善好多

笑死,琴日講完,今日部fold4 內mon就出事

壞機係摺機唔會唔到，只會遲到

哩個唔關電子野事
唔係電子零件自身出問題
係物理動作令到線路出問題

5，6代我睇拆機片見個設計冇變過
只係歸納左一排大塊左
希望好d
但理論上應該冇分別
所以我信心不大觀望下先

我之前有fd同我講會壞
同你一樣咁諗冇事既佢唔好彩啫電子野
到我落手拆就明點解係必壞
但上網冇乜人講成因
只係純粹話出問題壞就換

可唔可以分享下個成因？
想試摺機但接受唔到萬幾蚊玩兩年就壞

唔想萬幾蚊兩年壞，咪而家fold 5 七八千蚊時入手，用一年就換機

有無咩殼係好用

https://shorturl.at/F9aRj

我係呢度買，有埋MagSafe，還可以保護埋個骹位

散熱真係做得差， 拎部filp 6 影十幾張相已經話過熱

唔好咁老定，我部fold4兩年壞2次，第一次就係未夠一年就壞。

第一年至少一定有保

想要保可以買care,我只係唔想壞成日拎去整。

5仔過保前，佢幫我換左內mon，較位同外框。
當新機希望捱到多一年

玩facetime都係

FOLD 4 每7個月1死一次
2次都係7個月左右有出事

好似係FOLD 4排線問題吧, 死症

我F4係第13個月死內mon再第18個月死外mon

好彩有買 care plus
再第24個月換返次電

想問下知唔知SPen殼有冇得就咁買面殼
琴晚唔小心跌咗落地
跌爛咗個面殼，個殼爛嗰個位
個框都崩咗個窿
一個月都未夠，Samsung啲嘢真係好脆

部機有無事

暫時未浮現
其實算好彩，當時係攤開睇緊YouTube，唔小心甩咗手就跌咗落地
但爛都只係爛外芒芒貼、手機殼、同埋邊框崩咗個窿
入面個大芒反而（表面上）冇事

我都跌咗部機
角位花咗少少

有人試左裸機跌落地未

簡單咁講
當一條線頭尾既距離縮短之後
中間就會出現一個起馬肚既情況
好似一條蚯蚓咁
而哩一個馬肚突出黎既位置就要搵一個空間比佢伸展
佢既伸展空間越大，R角度越大
即係彎位去得順，越唔會出現折疊去到90度既情況出現
其實notebook都係開開合合
但極少有人壞排線就係因為佢空間夠處理哩個情況
但係fold受限個鍊較空間又要做得薄
個條線最終係馬肚頂峰貼盡上方既空間仍然不足以伸展
當距離繼續收窄馬肚繼續增加但頂峰又冇位走既時候
條線唯有向兩邊走直到盡頭又會比另一個空間頂死
最終成條線係較位入面係呈現一個梯形有4個轉角位
其中兩個屈曲角度差唔多成90度
個個奶野基本上都係死係哩到
我就直頭short線燒埋
哩個係物理現象
用到夠鐘係必死
如果哩個設計冇改變或者除非排線既物料可以更加耐屈有彈性
咁5,6代就都唔多樂觀
唯一見到同第4代設計唔同既係4代分兩條排線
5，6代歸納為一條，面積大左
“可能”咁受力會好d可以將屈曲既壓力平分
或者入面既線做入少少唔會去到咁抆邊
都係觀望下第5代咩環境先

咁講法就算幾小心去用都總會收皮。
唔係短時間不停開合測試可以試到，係長時間屈到佢死

琴晚跌爛左個殼之後
廢事用底唔用面，而家裸緊機
放工先出去買同貼返芒貼
希望呢幾個鐘唔好再出事
裸機手感係好正
但有上殼到整得崩
真係唔敢博