好,我明你講咩
但你選擇喺嗰個位回覆係會令人誤解你講嘅嘢,成個回覆順住睇好易理解成你都係講緊「名人有紋身又點,因為佢哋唔係上流,所以上流冇人會紋身」如果你只係想糾正上流嘅定義而唔係以定義證明唔會紋身,咁我誤會咗你
至於你之後話上流社會嘅習慣會慢慢向下傳去民間,咁而家民間好多人紋身咪可以理解成係上流嘅玩意傳咗落嚟。英國就係咁,喺以前紋身係地位象徵,有錢人先會紋身,但潮流興起,紋身變得平民直到而家污名化,我估班上流就覺得紋身已經冇咗價值/被糟蹋,所以佢哋就唔再玩或者唔大方展示,然後過咗咁多年紋身依然同反叛聯繫,佢哋作為同反叛對立嘅族群,再俾人發現有紋身就會覺得好特別。雖然唔知佢哋對紋身嘅心路歷程,但紋身的確曾經係英國上流社會標誌。其實講到最反感嘅日本,紋身都有段輝煌期,唔係一直都係負面形象。
最後,即使當紋身喺現今上流社會真係唔普遍咁都唔代表一定係啲咩,我相信上流社會都唔普遍好多嘢,咁唔通上流社會唔做開就係壞咩