如圖
臨出發前有啲野想問間酒店有無提供，就send email問間酒店，順便再confirm多次房型係咪如上圖所示。
點知間酒店話張圖係之前agoda搞錯左，而家佢地已經將張圖換返岩。但問題嚟啦，我地幾個朋友貪平所以揀左無得免費取消，因為我地有買旅遊保，如果個人原因去唔到都可以claim。
經過一番溝通之後，原本以為好容易解決既問題，日本酒店話唔係佢地錯所以唔批免費取消，而agoda方面亦都唔認錯，淨係不斷說服我地留返呢間我地唔想要既房。然後有額外既賠償金3千幾蚊hkd，可能有人會話有幾千蚊賠比你咪益左你。但我地如果留而家呢間房，一定要額外訂多間，先夠住到咁多人。
（重點係女性朋友有私人空間）。
訂多一間房住4日係需要7千蚊，即係我地要貼多三千幾蚊，先滿足到我地既需要。結果經過十幾廿封email溝通之後，agoda都係無讓步，即係我地要求免費退款/賠多啲錢等我地可以額外訂多間房都無。
明明係自己錯但係又要我地承受，最尾都係無辦法之下接受左，而家要拎住啲賠償金係第二度貼錢再訂多間房。呢啲中介平台唔出事都好地地，有起事上嚟完全投訴無門，唔好諗住同佢地講道理，佢地淨係識不斷掉個補償方案比你，直到你屈服為止。用左咁多年都無事，而家終於到我奶野
