芙莉蓮好睇嘅位？

呢套超正

都係睇人嘅
正義迴廊個男主歷練多過哂呢度九成人
但佢反駁撚嚟，實話套野好悶

點解唔直指周凱亮？
我都唔識佢，淨係睇咗少少套戲咋

剩係響呢個充滿垃圾轉生穿越異世界既年代
有一套正正常常既架空世界觀既作品已經難得
更難得既係個故事可以令觀眾有反思，有共感已經係佳作
成套動畫無論故事，作畫，配樂，聲優等都係水準之上
只要之後劇情唔好暴走或者無限拖長，呢套一定會成為經典

迷宮飯有趣好多

同意

應該話芙莉蓮係啲比較多愁善感，多情緒嘅人會鍾意睇
啲情感位太多同太細膩，理性撚共嗚唔到

如果你睇咗幾集都共嗚唔到，
相信你同我一樣係一個無咩感情嘅理性撚

利申我為咗跟風睇哂
都係搵唔到個好睇位（人到中年）

迷宮飯有趣嘅位喺邊?

葬送呢個朵起得好正，本身指係送葬最多魔族嘅人slayer 又可以話佢成個旅程都係葬送返佢同勇者個回憶

佢唔止i 人佢直頭似現實自閉症譜系嘅人唔明白好多人覺得理所當然嘅感情同社交意義

當錬成陣係魔法?

頂唔順佢個港女格

黃金鄉好好睇

自戀算唔算缺點

講到尾
你係嫌芺唔夠熱血之嘛

呢套野真係勁
第一集至最後一集
集集都一樣咁，表情一樣，招式一樣，劇情近乎一樣，所有內容無一個係緊張位
但最精彩既地方係，就算skip任何一集都保證唔影響睇既進度內容
建議各位網友用最犀利精彩方式睇，保證覺得超好睇
e.g 睇第一集，然後skip ，直接睇最後嗰集
又或者skip第一至28 保證覺得仲好

而家啲人係鍾意速食
連睇到動畫都要快到高潮位
成套嘢描述係人同人嘅關係
魔法世界只係載體
自己睇唔撚明就話人扮嘢
位唔是咁出的

好似講咁耐都冇人講到好睇嘅位喺邊
首先佢刻劃每個人物都好到位
好多角色唔覆雜~但簡單幾句對白幾個鏡頭已經交代咗佢哋嘅心理狀態~
然後慢慢鋪墊落來每個角色嘅行動都合情合理
佢哋又再互相影響
每個人嘅生命都環環相扣
呢個都係福莉蓮嘅主題: 生命不在乎長短~在乎生命如何存在~生命點樣影響生命~
唔係全部嘢都貼地
但係由貼地嘅人物性格構成成個故事
然後戰鬥畫面之類就冇咩好講~

其實係 同性格有關多啲 同年齡冇咩直接關係

唔少動畫當有某角色死左 都會懷緬一下佢嘅過去 懷緬完就返去主線
但係呢套就全部都係懷緬過去 集中於一點 咁樣就變左神作

點解有後勇者冒險？
係芺「遺憾補完」嘅冒險嚟
佢以前唔明點解勇者等人覺得打魔王嗰段時間嘅種種舉動
亦唔明有咩咁難忘
當芺喺情感上好似人類咁有成長
就好似見證個小朋友學識一樣嘢
會覺得好窩心
而且佢唔係透過熱血 友情 努力三本柱去成長
相對上係貼地啲

5成單元番要求集集高潮緊張位

師兄講梗海賊王

唔知海賊王係點喎
一樣係所有角色無表情？平鋪直述講生活？

其實上面有人講過晒
要解釋先覺得好睇嘅已經代表唔適合睇
而且打咁大段字佢地都唔會睇
因為你段字唔夠熱血 無感情 無高潮位

真心想知道𠵱個post話自己有歷練嘅巴打
係有咩經歷感染到你哋咁鍾意套作品

返工出嚟闖蕩 睇住師兄畢業
然後終於上位再提攜後輩嘅一點一滴？

我冇踩過𠵱套作品
但你哋嘅歷練一定更加精彩