芙莉蓮好睇嘅位？

唔同style 既人有唔同style 既口味好正常姐

實有人覺得悶，有乜所謂，駛乜迫人一定鍾意

我呢啲大叔反而唔鍾意節奏過快既漫畫，黃金鄉我都係鍾意睇格魯克同瑪哈特合作搞政治做朋友，反而後面打交我麻麻地

好哦

本來一日一集
去到一級考試一口氣追晒

首先糾正一下，我話芙悶，但冇話佢唔好睇。只係覺冇吹奏得太高。

而你講嘅：
每個人物都好有特色
以為反派背後都有自己正當嘅理由
描述人事物都多角度

其實好多作品都有，特別依嫁嘅動漫。因internet觀眾接觸嘅人事物多左，睇嘅作品都多左，同一招數除左唔能夠對付聖鬪士，同樣同樣嘅橋段已唔能夠滿足觀眾。所以依嫁好多作品一早已脫離左只有黑白二分嘅世界觀，亦唔會只用單一視角描述一件事。

同樣係Neflex 上畫，浦澤改編手塚嘅Pluto都已做到你上面所講嘅每一點：
諾斯2號嘅死令人覺得好可惜，一個殺人機器但愛上音樂，佢愛音樂嘅行動及領悟更感動到大作曲家。
艾普希倫嘅死令人覺得左膠大愛好白痴～明明有能力阻止世界未日但因一少少嘅情感錯失良機。
蓋吉特尋回自己記憶的經過描述出仇恨點樣產生（即使冇情感嘅機械人都變得有情感而突破左殺人限制）⋯
阿道夫·哈斯：同樣被仇恨侵蝕左人生但最後得到左心靈上嘅救贖，所以放低左殺害蓋吉特嘅念頭，甚至懂得明白佢心情。
仲有好多不盡錄⋯

但哩套野又唔見好多人吹奏～

可能因個世界觀係講AI,冇魔法？又可以因畫風太寫實唔賣萌？又或者觀眾明明諗住睇機械人打鬥，點知變左感情戲份重又冇乜激戰場面⋯⋯定因冇女角可以J？定因為個主角個樣太老餅唔吸引⋯


一套作品受吾受人認同可以有好多因素，而我唔會話唔識印賞PLuto嘅人就係唔識野，冇閱歷。因只是口味唔同。
覺得一套野好睇唔駛打晒飛機。當有啲人認為某些事要有人生閱歷先有體會有反應，同時有人亦可以因經歷慣左，覺得都好陳腔濫調所以冇乜感覺～
好心果班人唔好好似啲港女咁，果排見到邊套戲多人講就出晒post打咭刷存在感⋯⋯

金城武有套戲叫Sweet Rain⋯⋯果班人唔知睇過未：

當死神唔明白點解世人面對生死都如此沉重，佢同時都俾世人笑佢見到陽光普照嘅天空竟然會雀躍驚訝⋯⋯

原來你認為好平凡嘅事 ，係他人眼中都可以係：哇，好Amazing!
同時你認為只是沒甚麼大不了嘅事，原來係他人眼中卻改變左佢一生⋯⋯
（Sor!劇透了）

又嘈，口味嘅嘢有乜好講，唔係代表你有品味過人

都岩
正如我睇不存在的戰區都毫無感覺
可能我睇過更高水準既同類型野

唔太鍾意考試篇
太皇道風格

咁可能魔王唔係final boss

錯誤的人生時間裏，遇上了對的人。

其中一個令人覺得舒服嘅位，大部分角色都係近期好興講嘅「情緒穩定」
直頭覺得啲聲優配呢套都配得特別輕鬆

真男人

谷緊8號

你睇 bocchi 都係宜家先慢慢出

點解一定要二元切割
仲要咁多正評係咩事

老屎忽動漫毒撚會感動啲？？

我自己有養狗
睇完呢套野開頭都無乜特別
之後見到有人講狗生得10幾年
當20歲養佢，35歲佢走
其實呢10幾年佢睇我哋應該覺得我地無老過

之後就覺得好有feel

我都覺得好好笑

本子

芙莉蓮嘅動畫配樂都係一流，淨係配樂呢點已經值得一睇

先唔講故事

東寶咁揼本做啲套 齋個動畫作畫都已經值得欣賞吓

好過季季睇異世界，乜乜最弱原來最強， lvl1逆天技能。。之類，成套幾乎都係啲角色企喺度講嘢，得個口識郁兩下，動作場面揸流攤 偷格變形，得啲女角定格立繪叫做靚少少

仲有就係世人擅自美化
冇人會覺得勇者拔唔出劍

我仲記得肥倫打琉古納嘅時候
原畫師有係twitter分享原稿
每一格手畫都算
仲要好流暢
連之後會遮住睇唔到嘅細節都畫埋出黎

甚至一般人物著衫或者跳舞等等嘅場景
大褸長裙頭髮點樣順滑地移動都有考慮

作畫未必係最好
但係睇得出製作組係用心去做

我都有咁樣諗起我隻貓
佢地老得好快，快過我地好多
可能都暗喻俾我地知要多啲陪吓自己啲寵物
唔好等佢地走咗先黎後悔

亦都有人養寵物之後個人生同內心改變咗
就好似芙莉蓮遇到其他三個之後咁樣
雖然一齊時間好短，但影響可以好大