芙莉蓮好睇嘅位？

睇到搵返師父本日記開始好睇

唔發覺自己鍾意唔計啦

照佢哋咁講 全部二戰冷戰越戰韓戰老兵睇完都應該感動到即刻升天 否則就係唔尊重套嘢

又唔好咁兩極

成套嘢嘅主題就係「後傳」同「追憶」
後生會相對冇咁鍾意
因為佢哋仲喺創造回憶既階段
20歲人就懷愐過去 嗰啲叫做中二病

發覺香港唔少人睇故事，睇電影，好重視劇情
成日話有好劇本先有好戲
而點先算劇情好呢？不外乎高潮迭起、大反轉，多伏線
說穿了就係商業片慣用formula
水星領航員、搖曳露營之類，冇劇情推進，完全不值一提

睇鋼鍊有兩兄弟情 斯卡上校復仇心 七宗罪各有特色

睇巨人有艾倫 團長 兵長（都唔洗提佢哋心路歷程）

呢啲角色都係有血有肉，會熱血，會悲傷，會憤怒，會喪失理智，會犧牲自己，又會把心一橫就自己做惡魔攬晒上身，讀者會畀佢哋嘅情緒牽動到，劇情先會觸動人心同有代入感

然後芙就係睇肥倫發嬲港女脾氣，同埋回憶入面勇者又係淡淡然笑笑口咁講嘢，啲人諗起勇者又係淡淡然笑笑口咁諗起

唔鍾意好閒，唔好一聽到「後生睇唔明」就起弶囉
好多嘢真係，冇相關知識、經驗就睇唔明嘛
正如好多活動我未試過，唔明箇中樂趣，唔會一聽到人話「你唔明」，而屌人個興趣係白痴囉
藝術層面就屌畢加索啲畫垃圾

無角色乞人憎點解唔係優點？
當年港女櫻被屌到上天
路飛大把人屌佢經歷咁多事都唔成熟/冇腦唔跟計畫
巨人一句「我也不知道」又係多人屌
2.5直情人設崩壞

我講緊唔係反派嗰種乞人憎，而係角色嘅說話/行為唔make sense令讀者反感
而芙係連反派魔族嘅人設都好有魅力，自己睇下戲份最多嗰兩隻魔族人氣榜排名
咁都唔係優點？


你話九成角色都無情緒起伏，勇者一行四人已經唔係咁啦，到而家芙一行三人，作者刻畫咗咁多佢地相處嘅細節位，你都仲話冇情緒起伏，ching你亞氏保加症？

最多新角色同時出場嘅考試，人地係考緊魔法師最高grade嘅試，位位都魔法界嘅精英喎…
呢堆角色整體成熟冷靜沉着都好應該啦？
而且明明有女宿儺、控水控冰兩條女、瞬移孫女呢啲比較跳脫啲嘅
唔通要出夠16型人格你先滿意？

好明顯你鍾意睇王道作品

芙就係講回憶 講感情
證明唔啱你睇

咩料
今年中三睇都覺得好有味道

好
但個勇者太嘈

考完試芙偷偷地修好肥倫枝魔杖，肥倫知自己前面嬲錯佢，啲表情行為都有變化啦

呢啲細節位你又睇唔到

完全唔撚同風格都拎嚟做類比，條友冇乜腦，難怪呢套唔岩佢口味

芙一開始就已經有觸懂人心嘅劇情

勇者葬禮上個個都喊，唯獨芙唔識喊
跟住d普通人就質疑芙係無情嘅人

跟住入葬嘅時侯芙反而喊
芙設定係冇感情既人，佢亦都係有幾千年壽命，同勇者旅行10年其實對佢來講只有10日咁多，完全唔了解一個人點樣可以為佢嘅死而哭，但佢最後竟然有哭，因為發覺冇好好了解對方，對方就離開左人世。
呢d遺憾令佢之後嘅旅途學識要珍惜身邊既人，因為”人”既生命好短

角色崩壞還崩壞 乞人憎還乞人憎
賈碧依的角先係乞人憎
所以我先問點解無角色乞人憎會係優點啫
你自己表達問題
同埋芙有排都未完，就唔好咁老定之後唔崩

你講嗰啲情緒起伏，對比其他一線作品根本唔算得係咩，好簡單啫，大部份角色又唔識憤怒唔識悲傷咁，要幻想佢哋個憤怒樣激動樣喊樣都好困難所以成班人先成日話淡淡然淡淡然

其實嘅你講嘅特點，好多異世界故事都有：
1. 故事有大量現實生活嘅反思
2. 角色有富有特色而且互相之間有衝突
3. 角色係過程中有成長

其他嘅異世界動漫問題多數係眼高手低，角色的變化曲線常人理解不能
葬送的芙莉蓮唔同嘅地方係敘事手法，就算唔講類似散文咁嘅插敘，基本功非常扎實，平鋪直敘都好吸引到讀者

如果我係烏克蘭人
巨人反而貼近現實
更加有代入感

個人冇返咁上下歷練
係唔會覺得特別好睇

感覺有啲似細個睇麥兜

Sorry我唔鍾意睇嗰啲一味打打殺殺出招王道作
海賊 火影 jojo睇少少就無睇
Hunter無睇
咒術睇第一集就覺得又係抄設定嘅垃圾

定係你覺得巨人 鋼鍊係王道作？

真
細個淨係覺得麥兜搞笑
大個覺得好撚慘

吹到神作tier，唔搵鋼鍊巨人比 搵咩比先

我就覺得芙係佳作tier

神作唔代表要同類型架

即係我覺得輝夜姬係神作又要同鋼鍊比咩

宮崎駿d動畫夠係神啦
又要同鋼鍊比咩

我諗如果呢套啲角色情緒變化太多
可能都唔會咁受歡迎 佢個賣點就係個種淡然同舒服嘅氣氛 唔再受魔王威脅嘅世界

你搞清楚每部作品風格先啦
拎堆王道漫嚟比情緒起伏

咁同鋼鍊比都好合理啫

又係玩虛構世界魔法

又係冒險類

鋼鍊都唔比得，仲有咩可以比