見到一面倒好評 有啲驚訝
想就幾方面講下
場景
初頭見到城寨外圍 有種莫名嘅外星科幻感
入到去就幾正
始終實景真係靚好多 無野好挑剔
世界觀
其實唔係搭好個景就叫係城寨
主角喺城寨 幾乎同當地居民零互動
淨係打下工 放下風箏就算
完全無代入感
城寨點樣三不管 點樣淪落我都feel唔到
啲細節同生活片段放晒喺片尾好浪費
人物
造型鮮明
但係每個角色同觀眾有距離感 唔立體
無成長曲線
全部好似npc咁
隨便減走一兩個人走都唔成問題
劇情
無睇過原著唔多講
同明日戰記差唔多級數
如果改走林峯扯布上天台個觀感好好多
另外打戲有啲位唔接shot
CG
想香港電影有好cg就咪再搵大陸公司
綠幕加motion blur好唔自然
dr strange 2開頭打大眼仔都有呢個問題
配樂
可以
但係片尾係風的形狀係想點
搵首現代流行曲 同套戲個背景撞到七彩
搵個本地rapper rap下城寨態度已經好撚正
另外想講
呢幾年好多人叫人入場睇港產片嘅原因
都係要支持香港電影
而唔係因為套戲某啲位好出色而睇
用情緒嚟帶動市場呢招 好快會收皮
歡迎討論
唔使話我踩港產
我會入場就係我對港產片仲有期待