到你真係入到去幫手就知法團/業委好惡做,情況係你做義工run 個 ngo但吃力不討好。
1.委員水平:有d 委員係戥腳既中老年低學歷人士,主席話咩就舉手贊成走人。讀得書多既可能都係攪屎棍想做主席彈標比自己人做。有心做都係義工但熱誠總有一日比人屌到無曬。
2.業主心態:一個字平,一講加管理費好似洪水猛獸咁,大佬你人工無加過咩?出唔起錢咁自然質素下降去就,又屌管理差左。成日問d野點解貴左,最好全部野唔使錢
![](https://cdn.lihkg.com/assets/faces/dog/haha.gif)
。法團/業委儲唔到錢/蝕錢就玩音樂椅,你換樓賣得切咪好,賣唔切維修夾錢又屌。到開會又唔出席投票,過曬會先黎屌結果,成班冷氣軍師,屢見不鮮。
3.管理公司(非發展商關聯)質素:間間都有d問題,差左hit唔hit到你個盤,最多問題係報價圍標,但你好難查,因為銀碼細唔使過大會,法團/業委未必知行情,d野又急就硬食。
4.公契條款:如果係發展商業權份數過半個d樓你真係肉隨砧板上,你想換管理公司可行性極低。管理閪到仆街你都係硬食,最多抗議但發展商係唔會放棄呢舊肥肉。
講到尾都係業主緊張返自己物業管理,唔理就好多豺狼老虎入局,到時仆街都係求仁得仁。