有無人細個窮開，大個搵到下錢都唔捨得洗

咁我又覺得凡事都可以兩面睇
就好似踢波咁
有進攻型，後面輸幾多，前面入返多過你就得，贏4:3都係贏
有防守型，穩住後防先，只要唔失波就保證不敗，場場贏1:0你吹佢唔脹

「享受」可以視為類似爭取入球、追求excitement
而另一面人生既過程亦可以追求避免痛楚，例如慳錢達致提早退休，唔使成日諗住要返工受氣、覺得唔夠錢洗果種不安感，呢d就類似防守既概念

當然你可以話why not both，追求場場5:0
但現實係好難，人既時間同能力係有限，就好比踢波落場只可以出11人咁
你要進攻勁d就難免要犧牲少少防守，反之亦然
而且有睇開波通常都知，都唔單止足球，無論邊種運動，通常最頂尖果幾隊/人都係防守好撚堅，反而冠軍都不一定進攻特別出色，攻擊力強但係豆腐防線贏冠軍既情況更加係少之又少

我明嘅，呢個係我老豆嘅rat race，佢最後end up喺股票輸晒成副身家。我同佢分析返，佢果陣面臨香港工業式微，冇乜工開，只能返地盤日日都好辛苦。玩股一開始想贏錢然後唔需要工作（事實上佢唔賭啲錢都夠使廿年），但係最後變成咗興趣，睇住佢上上落落上晒頭，輸下又唔甘心，追下追下冇晒，就係一種一直沉落去嘅感覺。

然而佢一開始係玩好少，唔過十萬，但十年內最後輸七位數，廿年累積嘅嘢冇晒，講緊十幾年前幾百萬係可以full pay層新樓。

工作本身係無意義，同錢有關嘅嘢都係無意義，你要做到嘅係work life balance，儲夠錢然後轉行，低強度工作，或者career gap，點都好，搵返人生個意義返嚟先，驚你再沉落去會出事

最後人哋財自，你仲中年打緊工驚人炒

選擇洗得多與少生活都可以精彩滿足

真正可悲嘅係有唔少城巿人
雖然嚮往嘅生活未必需要咁多錢
但唔知被啲咩驅使要不停向上爬搵更多
過程當中反而犧牲咗一啲自己想要嘅嘢

為咗平衡心理
仲要搵地方搵原因去洗錢
唔係就好似否定晒自己過去嘅努力咁

師兄係咪對「見識」呢兩個字有啲誤解

個人同一間公司冇乜可比性，作為老闆所有開支都係公司開支而且可以扣稅，畀到啲咩服務個客都係成本之一，喺呢個topic已經離咗題

我日日返工都會

我都有自知之明既
我係習慣左呢種生活模式搞到唔想跳出去
好怕面對新事物，同埋中間個過渡期

不過巴打放心，我呢啲人唔會出事
大把人面對既問題比我嚴峻得多

Cut熱狗變相加價

做選擇嘅係你自己，我都係路過分享下，加油

你講嘅嘢好多都免費，一路有做，亦睇得好開心。但我啲同事/朋友唔會理呢啲，一講政治嘢更加由治及興，最後得返有同樣話題嘅人塘水滾塘魚

有時做私人同公司嘢
習慣咗就無得完全分離出嚟

例如我慣咗公司事務車出車入
自然送小朋友放學都會車出車入
唔會無啦啦走咗去搭地鐵搭巴士

其實都係買咗個時間同方便，
都係用少少錢去換取更加多嘅時間

但係喺某啲好辛苦捱出嚟嘅人個角道
就硬係認住認住覺得係奢侈，
呢啲正正就係先天窮開嘅因素成為絆腳石
無條件任何情況都走去慳
冇咗嗰種協調能力

當然我都係講緊合理嘅消費，係嗰種表面睇落奢侈，
但其實內裏慳咗更加多嘅時間同物力嘅流程

唔係話攞啲錢去做啲冇價值嘅嘢
同埋要面子周圍請啲冇利用價值嘅陌生人玩樂

多謝你

無衝突你覺得呢班人會賺夠？一無收入就抑鬱啦
就算佢地財自 都係唔知啲錢可以點洗 我講既係佢地唔知生活有咩意義

咁冇辦法，人既天性就係傾向圍爐取暖，就算你興趣係紅酒珠寶鐘錶呢d高檔野，咁岩你身邊個圈圈冇人鐘意呢d野你都可能會覺得好悶。就算有，最尾都會loop返去你講個情況來來去去都係同呢堆人圍爐，connect唔到其他圈子

可以做既唯有盡量搵更多同自己差唔多興趣既人connect，又或者擴闊自己既知識領域令自己融入到更多唔同既圈子，又或者向自我內心發展

1000 per head好威了
我地酒樓全家7xx落樓

我
有八位數，連勿當奴都唔舍得食，係要自己煮雞肉清湯米線

同埋你望就望佢地身體健康 唔好草到財自一野死撚左

其實我覺得你先至係正常
簡簡單單煮個麵真係又平過M記又健康d又唔係花你好多時間
我移左民其實英國人人都係咁樣生活
以前喺香港生活時一直諗唔明點解咁多香港人對出街食咁執著
其實痴線既係香港人，唔係你

有啲人要錢嚟享受，有啲人要錢嚟唔痛苦
財自咗減少返工已經過癮啦
子非魚，你自己主觀認為人哋啲錢無用同生活無意義啫

我就真係後者既表表者，有時搵錢都係一種目標
一直諗就係他朝一日我唔想做就唔想做
唔洗因為二分四要睇人面識
所以好多朋輩揸跑車帶RM
我都真係拎哂黎投資
當美債都夠我生活無憂 個心就真係定好多

每日譚仔食一餸就算

你自己睇晒成個post 大把人草錢都唔知自己草黎做乜 純粹唔草唔安樂 過佢地想要既生活根本唔洗咁多錢 我有話你覺得咁樣舒服無問題 唔影響到我

當然呢個係對賭, 睇你個人價值觀, 就好似有啲人會買保險做對沖有啲人唔會一樣