懷孕原來唔易..

其實到生出來果下都仲好擔心。會唔會有咩先天性疾病

有個舊同事就係咁，已經買齊哂初生衣物同床等等，好慘。最後公司體恤情況，俾佢放足產假休養身心

我兩次都係去緊旅行時攪就中咗

我覺得心情真係好重要
有D人好想生有壓力之下反而好難有
有D人無壓力,有就有無就無就好易中
試下放鬆下心情

大肚真係幾辛苦 你地大家都唔好咁大壓力

之前聽過話精子只有活唔活躍，同埋數量多唔多 兩個指標
你講個D 就唔識了

收工喇，見到好多留言
多謝大家
好多問題一次過盡量答

疫情時機緣巧合下去左家計會做驗查
發現自己精子有問題
老婆亦都因為做過婦科手術
所以醫生諗都冇諗就出信比我地去做IVF
最後去左瑪烈，仲比我地直接做ICSI

我地都30中喇
今次係第三次做injection
第一次中左但第4週出血就冇左
第二次真頭冇著床唔中
今次係第三次做

其實今次做之前準備好唔同supplement
聽醫生建議葉酸，probiotic，黃體素都有食
老婆不嬲唔多肯做運動身體一般
所以都有帶佢去睇中醫做針灸調理
而我自己有跑開步
但可能後生時煙酒過多搞到咁..
識左依家老婆都戒左十幾年喇
但依家發現搞到自己咁真心後悔
大家真係要遠離煙酒

依家放工返到去仲要準備晚飯同老婆聽日lunch 冇乜時間回覆 多謝大家

佢好似無講錯咼，都唔見佢有攪笑

其實成個過程都好易「無左」仲要老婆咩都食唔到 去邊都無心情

平常心多d 陪老婆
唔係你地做錯，係時機未到
樂觀d 你地養好身體等佢再來

我分享下人工懷孕經驗：

當年我36，老婆38，有大半年時間計晒排卵期行房都唔成孕，家計會check過男方精子正常率偏低，女方排卵亦都偏少，之後去左中環太子太廈某輔助生育中心睇婦科專科，醫生建議試左IUI先，因為價錢平D兼前期準備功夫少D

但試完結果係失敗既，之後就轉試IVF，前期女方要食藥同手術前一段時間要日日打排卵針（當時我負責幫老婆打針，打肚皮），第一次做既話要做兩次門診手術，第一次攞蛋，攞完放Lab培養胚胎，之後放蛋，放返入女性子宮，之後觀察睇下是否可以成功著床懷孕。（PS 我當時所有IVF門診手術都會做全身麻醉，但如果你係公立醫院做IVF既話只會打鎮靜劑，我朋友係瑪麗私家症做IVF，佢話醒住做，痛到非筆墨形容）

如是者上述IVF既過程經歷左2次失敗，到第3次已經半放棄狀態，好平常心，同老婆講今次如果都唔得既話就算啦，好神奇地，做完第3次IVF, 配合埋中醫針灸調理身體，幫助著床，最後終於成功左 （中西醫合璧都係過來成功既人推介）

前後其實都經歷左大半年以上，心理生理都備受壓力，所以大家共勉之，有志者事竟成

加油樓主
6星期真係有機會未check到心跳，平常心等多一至兩個星期先
就算真係有啲乜嘢事，都唔好太心心心心，因為個情況唔係真係咁罕見
最緊要你同你太太心情同埋身體要健康
你哋又唔算真係太大年紀
加油

樓主同老婆加油
我喺老母個肚嗰陣都俾醫生check到冇咗心跳
本身準備喺公家引流，另一個醫生話check多次
又check到有心跳
so far而家冇穿冇爛 係份人on9啲

如果真係無心跳，係小朋友未準備好
唔係你哋問題
保持心境開朗，飲食健康（好似廢話但真心的）
就會有好事發生架喇
識人流過2次先有
雖然我未有，但明白你哋心情的
放鬆心情，最後點都會有好事發生架

反而生仔真係隨心就好
愈刻意愈唔得

宜家咁嘅時勢仲生🤦‍♂️

5個零月 突然冇咗

加油 唔好俾自己太大壓力
我兩老想要第2胎時都試咗好多次ivf，唔成功
最尾係自然情況下有咗我呢個意外
我本人都就黎踏入三張 身體係差啲啲
咁啱又有婦科問題又想要小朋友 都明白樓主兩公婆個心情 加油

你唔好騎劫人地個po啦…

I know your feel bro! 我哋都係過來人
平常心面對，陪老婆多啲

人地一百萬濕濕碎唔得？
點解要領養

加油呀，集氣

sad but true