懷孕原來唔易..

當你聽到無心跳時你必須要落仔
其實好撚傷心

女人唔易做 男人就更加要加油

利申：努力搵錢養小朋友

見到好多（準）爸爸媽媽都好努力

大家都要加油

男人就係做決左個個

個陣我小朋友唔肯自然出黎
我老婆仲十五十六等唔等

我決定開刀即刻做

使多幾皮野都要

後生嗰陣收入未夠高
驚生仔自己同小朋友都辛苦
又掛住吃喝玩樂 去旅行

到年紀大生唔到又心急
又要ivf受苦
年紀大生又更大機會有問題

都知為乜

So sad…
已經發現問題.. 即刻可以引埋出黎就好..唉

我表姐41都生到

技術黎講泰國一定比台灣好，我老婆抽得3粒卵，最後得1粒可用都成功一次受孕

佢生出黎弱智

原諒佢

反正都使咁多錢點解唔直接去美國搵代孕
又唔使老婆痛

印象係話心情唔好呀緊張之類會難著床，
可能同荷爾蒙有關掛？

多謝各位既祝福同建議
明白擔心都冇用
都有同老婆傾下發現佢好似睇得仲開過我
可能我自己太緊張諗埋一邊
但佢呢排冇胃口冇乜點食野
見有留言講起滴雞精
頭先就落街買左盒比佢補下希望有少少用


好多人話點解以前唔生老左先搞咁多野
其實早10年真係日做夜做賺錢
邊有時間精神扑野
好彩既係果時冇高追買樓
如果唔係依家財政一定搞唔掂
訓身買左樓真係唔使諗生仔了
冇買樓下儲多左錢食息
冇乜負擔情況下先決定生小朋友


其實結完婚後有自然試過但都唔成功
係疫情時有日突然見到家計會個廣告就決定去睇醫生問下意見
一問之下先知原來都有轉介做IVF呢個選擇
而醫生見我地情況合適又肯即時寫信轉介先成事


果時疫情，由揸住轉介信去醫院入紙申請
到抽血驗呢樣果樣都係大約一年內搞掂晒
之後就正式打排卵針抽卵抽精
果時要日日朝早幫老婆打排卵針真係心痛
所以唔知仲會唔會做下個cycle了
真心希望今次成功加油


BTW 見到咁多回覆真係嚇親
冇諗過會咁多人同路人留言
正負面留言都好
可以睇到咁多人意見好難得
連登真係有愛

prepare for the worst

過來人
同老婆一路想正常懷孕
試左年幾，驗得都驗過
最後都有諗過IVF，好好彩甘突然有個月中左
搵私家醫生睇，照超聲波
我地都好感動好開心，睇住佢大
好可惜，到第5週超聲波發現個胎無閃光
即係無心跳，醫生同我地講比多少少時間睇下
到第6週至7週左右老婆流啡，去AED睇
證實bb胎停，醫生建議自行流產
最後第8週去私家醫生度用藥流產
用左半年同老婆補身同回復大家心情
好彩我同老婆都係醫護，心理建設好少少
然後再過多一排再試，就好快有左
依家生左個幾月
你依家要記住一樣野，touch wood最後胎停
都唔係你地的錯，係生物自己發現有問題而停止生長
對母體及bb都可能係一個好事
好好坐小月同補身，好快可以再懷孕
祝你地一切順利，媽媽身體健康！

我都分享下啦
唔單止係IVF，仲要係ICSI （即係用針射粒精子入卵子）
老婆由事前每日自己同自己打針，
到臨做手術抽卵前要早晚咁打針
又要全身麻醉咁做抽卵抽個半鐘
而我全程只係打個靚飛機就完事
作為老公其實真係好撚內疚

11粒卵子 當中得4粒成功結合發展
最後成功發展適合放入去子宮度既得返1粒
其實生命真係好難能可貴

2星期後驗孕成功開心到痴線
等到6星期返去照主要係要確認BB有心跳
係呢一刻先至算係正式開始

以上過程任何一個步驟出問題
所有心血都會白費同要重做一次
母愛偉大

利申：個仔8個月大，39週出世，兩公婆34歲，無食煙吸毒背景

24 weeks以上流產都要放足產假㗎

其實呢啲真係天意弄人
公司幾個大肚婆行埋
先知一係求完婚酒都未擺就有咗 搞到延期
一係就結完婚開始造人
結婚一週年已經bb滿月酒

相反有啲婚後兩年都冇消息
IVF 10萬10萬咁倒落咸水海

越想有就越難有 越得唔到就越想得到
天意弄人也
可能到你搵到其他目標 放棄咗嘅時候就會送上門

GIF name please

先6個星期 無聽過BB好小氣唔夠三個月都唔好理佢咩
唔係迷信 而係真係未陀穩 個B一個唔開心就自爆
週不時都有 唔洗太在意

你阿媽生左你出黎 咪仲撚慘

睇多個醫生先啦

你講嘢咁L PK嘅？

發現無心跳，你個醫生都唔會開緊急轉介信，叫妳去急症聽心跳，急症室部機一聽就知

為bb 打氣！

我老婆第一次無事 第二次無左
我哋應該唔再試 有一個都好
流產對女人都幾傷 有啲會睇唔開自責