點解大陸人會咁鐘意睇埋啲咩修仙on9野？

韓國啲武俠類反而特別好睇 唔知點解

作者？
謝謝！

日本人就鐘意睇轉生異世界
次次都係中世紀歐洲x怪物世界觀
主角靠獨有技能開掛打贏全世界
啲女倒貼入後宮，男主淨識面紅耳赤不舉咁
異世界文明低唔識煮嘢食，日本食物no.1

異世界番同修仙睇到兩國人思維上嘅差別
日本現代化生活高度壓抑，想逃避現實，過自由生活
有獨有技，唔洗再努力都可以打贏人
但次次都係被動防守，你唔打我就唔會逼我開掛
同時又為日本文化文明驕傲，想輸出到異世界

大陸修仙，次次都係開局廢柴俾人睇唔起，後尾逆襲，打低曬啲大家族貴族掌門，
現實就係大陸階級固化難向上爬，但個個有野心，又妄想自己有天分有運氣，成長靠搶資源搶經書仙丹

大陸除左修仙仲有好多好小說其實 有D歷史類小說都好正
就算晉江女頻個D都有好唔錯既書 大陸係網絡小說呢邊發展得太好
華文市場佢霸哂咁濟

其實邊度興先
最早我應該係睇黃易睇呢d 神仙級武俠小說
果陣大陸有未

應該話個背景用到爛, 粗製濫造既地步,
有時想睇下「創意」, 多過倒模既劇情,
人人唔係穿越自帶系統, 就係俾人打死先執到仙壺,
唔係有個老妖怪附身指點, 就係驚俾佢奪舍,

啲鬼佬都好鍾意睇

中世記背景J R R 先係始祖
魔法世界係dungeon and dragon 開始先
唔係日本仔建構

凡人修仙傳爛尾啦，咪睇

鬥破蒼穹因為開波睇到同青梅分別然後隔N年先再重聚所以開局棄書,
因為哩本評價唔算垃圾但我心中覺得係地雷既小說,
從此每次睇完結既新書前都會搜尋一下頭五章十章既角色名,
如果去到千幾章都仲見到個名, 咁就值得開坑,
有啲小說將啲開局配角當做CONDOM, 所有人其實都係張三李四,
你剩係睇個主角升級, 身邊一個共同進步既小隊伍都無,
所有配角都只係主角進步路上既補品, 其實好無聊,

全職高手？ 無限恐怖？ 紫川？ 紹宋？ 全職法師？

好熟口面, 好似都市文最鍾意寫哩啲,
低調做人, 高調做事, 配角負責咩裝逼打臉,

韓漫都係
魔塔主，刀劍大師，聖女，精靈使，系統
穿書，2次覺醒

而家唔興寫飛升好耐，
而家興宇宙跳出外面仲有一個宇宙，
宇宙外再跳出原來只係一隻動物/物品上既一點，

邊有爛尾

咁快秒

異世界本身無問題
但係一定會死係轉生異世界

修仙/仙俠都有好多女睇，仙俠類言情小說三生三世十里桃花、花千骨、落花時節又逢君果d，講神仙都要跳落凡間變凡人歷劫飛升，仲有咩變帶住幾世的記憶搵返鐘意的人，有d都幾好睇幾浪漫幾虐心·有d太複雜睇唔明。之前好hit 的陳情令的小說作者，作過其他講BL （基）的仙俠小說都幾好笑好睇，咩魔道祖師、人渣反派的自救系統果d。

佢仙俠用道教文化做底，講一d修仙門派要修練歷劫飛升做神仙，又有唔同門派鬥爭似江湖武俠小說。我覺得都幾特別，唔同國家有唔同文化，未睇之前都唔知有呢種修仙概念。

呢d網文小說興左十幾年了，咩晉江文學、起點閱讀、瀟湘書院等。 我主要睇古裝言情小說，其實題材都多，之前好興穿越時空（步步驚心果d)或穿入書中角色等，跟著有一排係仙俠，再之前仲有好多宮鬥、宅鬥，跟著一排好興BL搞基（陳情令果d)，愛情小說黎講又會有好多講國仇家恨、強搶豪奪、破鏡重圓，有咩架空皇朝、亡國公主同敵國將軍果d設定，寫古代戰爭寫得幾刺激。未有18年淨網行動之前，好多小說連愛愛場面都寫埋出黎，所以我覺得有d都幾好睇。

唔通寫香港人日日返工放工多人睇？

金庸筆下最勁主角得一個石破天,
其他就係咩祖師爺級別, 一係就掃地僧,
排隊唔到六脈神劍,

但講緊中二病既位係, 小說強行將等級同XX期掛勾,
然而小說本身明明唔需要去描述太多等級既內容,
只係現代受太多電子RPG遊戲影響, 慣性思維用等級去表達能力,

但係當一個主角可以XX期越級打死YY期,
你會覺得爽, 定係覺得作者筆力唔掂?
而只要你當初唔寫XX期既設定, 讀者唔清楚就可以合理,
純粹係對打時既表現所決定,

因為係本身個世界已經吹得太大 所以要換地圖 從新開始

武俠類都有，我睇女性向小說，且試天下、千秋果d

揀無CP既主角睇咪得, 所以女性作者都有優勢,
男性作者好容易有後宮種馬既傾向, 然後爛尾,
如果要兼顧後宮, 又會浪費大量修行時間同資源去扶貧,
而且會有個問題, 你男主係咩萬中無一既天靈根之類,
憑乜個女主五行雜靈根可以俾你堆資源到幾千歲唔死,
仲要堆出嚟就只係為咗唔死, 對男主已經完全無助力

史上最強煉氣期

熟就未算
見睇過寶鑽
中土世界所有設定咁詳盡同詳細
被人攞黎同大陸D濕鳩小説比
托爾金夫子實激撚到翻生

btw其實我比較想睇中洲歷史
但冇中翻
古英文又睇唔明