香港淪陷區
2024-04-17 12:08:03
日本仔建構咗一個類中世紀背景既充滿魔法同哥布林異世界,
鬼佬就建構咗一個類未來背景既賽博龐克充滿義體同網絡世界,
芝麻人就建構一個類古風背景既充滿仙法同妖獸修真界,
作者唔想完書, 所以修真界寫完焗住寫埋飛升後既仙界等等,
當然亦有好多類凡人既都市文, 係由地球升去修真界, 咁就寫多一界,
可惜對仙界或者各種世界碎片, 例如陰間, 彼岸, 都無統一既描述,
視乎作者功力, 如果用大量文字去描寫, 寫到你明白, 重構自己既世界觀,
咁就會俾讀者屌鳩佢無劇情, 所謂水字數, 但唔寫, 你又覺得睇唔明,
所以至今無一本小說, 係對三十六重天, 對仙既能力分級,
有足夠正確既描述, 有一套公眾都認同既世界觀,
而且內容會涉及大量道教體系既知識, 同民間混雜既傳說,
例如地獄有地藏王, 有六道輪迴, 地府有十八層, 有閻王, 已經兩套體系,
就算你熟讀封神, 西遊, 對道教, 仙界既理解其實都係唔夠,
因為自古以嚟, 對於咩南天門, 天宮, 煉丹爐都只係有名詞無描寫,
更莫講所謂現代文明, 已經知道個世界係有宇宙,
如果你寫現代凡人開始修行, 寫你去到修真界, 咁頂多係換個星球,
但如果飛升成仙, 可以無視氧氣, 水, 同時空為條件, 響宇宙穿梭,
咁又涉及到四維生物之類既嘢, 你要啲作者點同你吹落去,
而且宇宙同仙界明明就係兩套世界觀,
點樣疊加兩個背景下寫出嚟而讀者睇得明, 根本唔可能,
但如果剩係寫修真界, 去到飛升就識停, 唔好寫緊修仙變成三體,
咁其實問題係唔大, 成個世界觀已經好成熟,